1 Juan 3:8 - Biblia Yanowamö

⁸ Wa̦lidiwä tä lä taö wejei, fecula bada ö̦jö ebä li. Jaba däjä ma cui, ö̦jönö tä wa̦lidiwä taö malä showadaono wei. ¿Ö̦jö tawä? Fecula badanö tä lä taö wei etä wa̦liabä, Yai Bada bei Ijilubö e wawälayoyoluma.

1 Juan 3:8 Iomraidhean Croise

Génesis 3:15

’Suwä sho showadi wafäcö nofi wa̦liayobä, bäfäcö tablamaö lä cule. Obi ma cui, suwä bei ijilubö e nodiwä sho, afä a nia lä nodiblou wei a sho, cäcöbö nofi nia wa̦liayou nodiablalou showao. Ya̦cumö suwä a lä cui, bei ijilubö nodiwä e nö nia shino wa̦lojaö ayao. Wa fe nia shäaö. Cafänö bei wa e mamicö shiona nia difequiaö —cäcö nowa tama.

Números 21:9

Einaja Jeobaa a cuma cudeenö, duo shibä ja Moisesinö olu cäcö nö idubö basublalema. Fii fi jamö cäcö fa shadimacönö, olu bänö bä si lä wädöno wejei bä lä cui, cäcö nö idubö mödaöje däjä, bä demi cuo fe yadioma.

Mateo 12:28

Ö̦jö ma cui, Yai Bada a Bufi lojodenö ö̦jö ya bä li yashuu, Yai Bada tänö cama ebä ca̦i lä cuo wei wama tä dablaö fe yadiobä.

Mateo 13:38

Ficali ya täca a̦fa wäyäö lä yacläoblei, ei bita a lä blaucui, ö̦jö lä täca. Dodijidawä mobä lä cui, Yai Bada tänö cama ebä nia ca̦i lä cuo wei, ö̦jö mobä li. ¿Ö̦jö tawä? Wa̦lidiwä mosibä lä cui, tä yai lä wa̦lidii ö̦jö bä ijilubö ebä.

Mateo 4:3

Ö̦jö däjä, yabäcalewä e waloqueyoluma, fecula bada a lä cui. Abinaja e cuma. —Yai Bada wa Ijilubö ja lä, ei maa mabä da nosiema, nii bä cublobä —e cuma.

Marcos 1:24

A wa̦ i̦cali fecula fa falönö, a wa̦ quilili läblaliyoma. —¡Ma! Nasaleteli Jesús wa lä cuinö, ¿wedinaja yamalecö nia fa taamanö, bei wa li waloo cuboyoi? ¿Bei yamalecö nabä juu waiquio cufe? Bäfä daö. Yai Bada tänö wa lä yaileno wei wa e —a cuma.

Lucas 10:18

Abinaja Jesús a cuu nomöjöoma. —Bejedi lä. Sadanasi a lä ujudulayono wei däjä, fedu jamö ya quei dalalema, madula a wacö quei lä culenaja showawä.

Juan 12:31

Fei däjä Yai Bada tänö yanowamö täbä nia jömaö. Fei däjä fecula bada a nö nia bleaamaö, bita jamö a lä nosiemou wei a lä cui.

Juan 16:11

Yai Bada tänö täbä nia lä jömaö wei tä ja, Bayeliawänö täbä bufi nia ca̦i jaducublamaö. Bita jamö a yai lä nosiemou wei a fecula bada lä cui, ö̦jö a jömöbou malä waiquile.

Juan 8:44

’Faafä fecula bada wama ecö yai ijilubö. Ö̦jönö tä tamaö lä bufii weinaja, wamacö cuaaö bufi doblao. Jaba däjä ma cui, täbä shäö bufi doblao showaoma. A bejedimou daimi yalo, tä lä bejedi wei tä julii daimi waiquiwä. A jolemou däjä, cama a bufi lä cuaaö wei etä wawälayou. Jolemolewä a waiquiwä malä cui. Bä lä jolemou wei bä lä cui, ö̦jö nija bä li fö̦ömou.

Romanos 16:20

Inaja wamacö cuaalanö, bämalecö bufi lä yanöcömabou wei tä Yai Bada lä cuinö wamacö nia nowamöbou. Sadanasi wama a ja̦mabobä wamacö nia lofotomabou. Bei. Bada tä Jesucristo lä cuinö, showadi wamacö shi̦lo bayeliblabä. Wamacö nofi ojodabobä.

Efesios 2:2

Wa̦lidiwä tä jamö yanowamö täbä showadi cuaaö lä showainaja, wamacö cafä ca̦i jaba cuaaö balöoma. Fecula bada lija wamacö luluamoma, fecula ösö jamö bä lä cublai bä lä nosiemaö wei a lä cui lija. Yai Bada tä a̦ fuaö lä mlajei bä lä cui, ö̦jö fecula bada lija bä luluamou showaa lä cudi.

Colosenses 2:15

Bämalecö lofotobou co̦daaö mlaobeje, fecula bä ca̦i bluca ujudua showamalema, cama ebä bada lä läle bä ca̦i. Cristo a shämou lä läono wei tänö, wawädowä bä nö bluca blemalalema.

1 Timoteo 3:16

Yai Bada tä a̦ lä wawäblaliyono wei, bäma tä a̦fa bejedi wäyäö. Bejedi fe balojowä lä tä a̦. Abenaja tä a̦ cuu. Jesucristo a yanowamöblaleyoluma. Yai Bada tä Bufinö a bejedi jimöquema. A̦jele bä lä doblaladi bä lija a damolaliyoma. Bluca täbä caficö a̦ ja, a wa̦fa wäyämou cuaama. Yanowamö täbä lä bälöblai bänö a bejedi bufibomaje. Fedu tä lä doblale jamö a co̦molayoma. Ö̦jö lä bäma tä a̦ wäyäö.

Hebreos 2:14

Ö̦jö ijilu bäma ecö lä cui, yanowamö bei bämacö, yai bämacömi. Bämacö ya̦ji cublawä. Bämacö i̦yäbö ca̦i cublawä. Camiyä bämacö lä culenaja a cublou mö feduobä, cama a yanowamöblaleyoluma, camiyä bämacö nomaö lä cuo weinaja a nomaö cuo mö feduoyolubä. Yanowamö a fa cublaliyonö, a lä nomaö wei tänö, fecula bada a nia wa̦liaö showadaoma, täbä yanowamö lä nomamaö wei a bada lä cui.

Hebreos 9:26

Einaja etä cuo fa cunoja, bita a colo jaba lä tablamolayono wei däjä a jaba shämou fa showadaonö, ai a lasha jamö, a showadi shämou fa co̦onö a cuaaö fa cunoja, ¡bejedi a nö nö bleaadii shi wa̦liblodibö wei! Ma, inaja a cuaanomi. Tä nia lä jödödöblou wei tä cublou ajedou däjä, ö̦jö däjä a shi̦lo moli bädaliyoma, Yai Bada lija a jibämoa fa läicunö, täbä doblou lä mlai tä nowa bluca mladamaö showadaobä.

2 Pedro 2:4

Yai Bada a wa̦no wäyälewä bä a̦fa jole lä jilou wei bä lä cui, bä nö bleaamabä lä cäbä. Fei däjä bädao mlai, jaba däjä ma cui, showadi bä nö bleaamaö malä balöono wei. A̦jele bä doblono lä mlai bä ma cui, Yai Bada tänö bä nofi asibono malä mlai. Bä nia yai lä jömaö wei tä cublou showao mlao däjä, shobali wacö mö lä didibodi jamö bä shäyäa balöblaaquema.

1 Juan 1:2

Ba̦limi täbä lä tablamaö wei a lä cui, Yai Bada tänö a fa yanowamöblamalönö, yama a möma. Ö̦jö lä bei yama a wa̦fa wäyäö. Ba̦limi täbä lä tablamaö wei a lä cui, bä Fö̦ö e nija a ba̦limi cuo showao balöoma. Cafä wamacö nija, ö̦jö yama a wa̦fa wäyäö, camiyä yamacö nija a lä damalaleno wei a showawä lä cui.

1 Juan 3:10

¿Ö̦jö tawä? Yai Bada bei ijilubö ebä nö shino ö̦jöböamou si ijejewä. Fecula bada ebä nö ca̦i ö̦jöböamou mö feduo. Dodijidawä tä taö lä mlajei bä lä cui, Yai Bada ebämi. Bä ai ebä nofimaö lä mlajei bä lä cui, ö̦jö ebä ca̦i malä mlai.

1 Juan 3:5

Wama tä malä dale. Wa̦lidiwä tä bluca lä cui, Jesucristonö tä joyabä a juma. Cama etä wa̦lidiwä cuami.

1 Juan 5:19

Camiyä Yai Bada bei ijilubö bäma ecö waiquiwä ma cui, a yai lä wa̦lidii a lä cuinö, yanowamö täbä bluca tabou dicoa. Ö̦jö bäma tä ca̦i daö.

Judas 1:6

¿Ö̦jö tawä? A̦jele bä ma cui, bä bada lämabou ma balöono wei ma cui, ö̦jamö bä cuo fa mojionö etä daquemaje. Fei däjä tä mö didi sublaodayobä jamö Yai Bada tänö bä o̦cabou majöa lä cule, duo shibä ba̦liminö. Yai Bada tänö täbä bluca jömabä etä cublou showao mlao däjä, ö̦jamö bä tabou balöa lä cule.

Apocalipsis 20:10

Bä lä mölamano wei a fecula bada lä cui, cowa wacö ca jamö a quemabalema, cowa yaitawä nacli wacöbä lä waole jamö. Yalo a waiteli lä cui, ö̦jö a wa̦no jole jole wäyälewä a ca̦i lä cui, ö̦jamö cäcöbö cuo waiquio däjä fecula bada a quea nomöjömabalema, bä nö bluca bleaabä. Ö̦jamö bä yanöcöblou balöa mlai ja bä nö nia bleaamaö shi wa̦lii.

Apocalipsis 20:15

Ba̦limi bä nia lä cudio wei bä a̦fa lä onibole si ja, bä a̦fa oni cua lä mlai bä lä cui, cowa wacö ca jamö bä ca̦i bluca quemabalema.