1 Juan 3:7 - Biblia Yanowamö

⁷ Ai shomi täbä a̦ bädawä ja bä möla dijä, ijilu bä. Bä cadidoimi ja, ¿wedi tabä wama bä a̦ li juaö cuquei? Bä lä cadidou wei bä lä cui, ö̦jö bä li cadejewä waiquiwä cudeenö bä li cadidou, Jesucristo a cadidou lä culenaja showawä.

1 Juan 3:7 Iomraidhean Croise

Mateo 5:20

’Bämacö nowa taö malä waiquio wei —a cuma—. Moisesi tä a̦ ja täbä lä damaö wejei bä lä cui, yanowamö täbä nija bä nia cadidou fa dablamonö bä ma cuaablalou wei ma cui, bä jolemou. Yai Bada a bufi doblamaboimije. Faliseo bä bada ma cui, inaja showawä bä jolemou cuwä. Wamacö yai cadidou mlai ja, ö̦jö bä lä cuaaö weinaja wamacö cuaaö dicoo ja, Yai Bada tänö cama ebä ca̦i cuobä jamö wamacö nia cuomi waiquiwä —a cuma.

Lucas 1:75

Bämacö demi cuo showao däjä, cama bäma ecö lä yaile, bämacö showadi dodijadibä. Cama nija bämacö yai cadidobä.

Hechos 10:35

Jödödöwä bä bälöblawä lä yaiblai bä ma cui nija, Yai Bada tä nö quili lä taö wejei, bä lä cadidou wei bä lä cui, ö̦jö bä nia waiimi.

Romanos 2:13

Jai bä cadejewä waiquiwä, Yai Bada tänö bä nofi lä tabou wei bä lä cui, Moisesi etä a̦ ji̦liaö lä buo wejei tänö, bä nofi tabou malä mlai. Tä a̦ nofi yai lä cadidibou wejei bä lä cui, jai bä dodijidawä waiquiwä, ö̦jö bä nofi shi̦lo tabou ayao.

1 Corintios 6:9

¿Wama tä daimi tawä? Yai Bada tänö cama ebä ca̦i cuobä jamö, bä doblou lä mlai bä ajedemabou mlaicätä. Bä möla dijä. Bä nofi beshili lä jushublalou wei bä ma cui, nö ijidubö täbä lä bufiblaö wejei bä ma cui, bä lä joleblalou wei bä ma cui, ai a wa̦lo mö feduwä sho cäcöbä nofi lä jushublalou wei bä ma cui, ai a suwä mö feduwä sho cäcöbä lä cuaaö wei bä ma cui, bä nia ajedemaboimi.

Efesios 5:6

Bä a̦ lä jolemou wei bä lija bä möla dijä. ¿Ö̦jö tawä? Inaja täbä cuaadii yalo, Yai Bada tä nö wa̦lowä lä jushudou wei däjä a nosie fuaö lä mlajei bä lä cui bä nö nia malä bleaamaö wei.

Efesios 5:9

Tä mö lä wacacai jamö täbä cua yalo, täbä malä dodijaö wei. Bä bejedimou. Bejedi tä a̦ jamö bä cadidou.

Filipenses 1:11

Jesucristonö wamacö fa bayeliblanö, cama etä dodijidawä lä cuinö wamacö yai dodijidawä cuobä. Inaja wamacö cuaalanö, Yai Bada wama a dodijaö dablamabä, a nofi doablabeje.

Hebreos 1:8

A̦jele einaja bä a̦fa li wayoaö cuaama. Ö̦jö ma cui, bä Ijilubö e jamö, abenaja Yai Bada e cuma. Cafä wa lä bufiblamou wei wa lä cui, Bada wa nia cuo shi wa̦lio. Wa Bada lä läo wei, showadi wa bejedimou.

Hebreos 7:2

Ö̦jö däjä, täbä lä co̦leno wei täbä ja, Ablaamönö Mequisedeco a dobälema. Täbä bluca lä coleno wei, fe usucuwä 10 täbä fa shedequeblalönö, ö̦jö ai moli täbä ja Mequisedeco a dobälema. ¿Ö̦jö tawä? “Mequisedeco”, täbä lä cudou wei, “Bada tä yai lä bejedimou wei”, täbä cudou. “Salemiteli bada”, täbä lä cuu wei, “Täbä bufi lä yanöcömabou wei a bada”, täbä cuu.

Santiago 1:22

Ö̦jö ma cui, Yai Bada wama tä a̦ ji̦liaö bädao mlai ja, tä a̦ lä cuu weinaja wamacö yai cuaabä. Wama tä a̦ ji̦liaö bädao ja, wamacö nia mölaa bälayou.

Santiago 2:19

“Yai Bada a lä cui, yami tä Yai Bada cua ayaa”, wa bufi jo̦wa cuu. Bejedi lä wa wa̦. Ö̦jö wa tä a̦ daö bäa ma cule, ö̦jö tä a̦nö wa nia jucäamoimi. Fecula bä jucäamou malä mlai. Yai Bada a lä cule tä daö ma cujei, bä jucäamou mlai ja, bä shino quilili blösö blösömou bädao.

1 Pedro 2:24

Cama mayo mlai ja, camiyä bämacö mayo ja a yai shämolayoma. Wa̦lidiwä bäma tä lä tano wei, cama nija tä bluca fa yädäblalunö, fii balitama defi jamö ö̦jö tä ca̦i bluca wa̦lidiwä yauoma. Wa̦lidiwä tä ja bämacö cuo co̦o mlaobä a li inaja cuaama. Nomawä bä yabäcäomi lä culenaja bämacö fa cuonö, tä lä dodijidai tä jamö bämacö shino yai cuo nomöjöobä. Cama a lä dusimalaleno wejei tänö, bämacö bufi malä jalolayono wei.

1 Juan 2:1

Ijilu bä. Wa̦lidiwä wama tä taö mlaobä, ei ya tä a̦ oniblaö lä cule. Ö̦jö ma cui, wa̦lidiwä bäma tä taö bädao ja, bämalecö nofi nia lä bäyäbou wei a cuadayoa. Bä Fö̦ö e nijamö Jesucristo a cuadayoa, a shino lä cadidou wei a lä cui.

1 Juan 2:26

Wamacö yaclämaö bufi lä doblao wejei bä lä cui nija wämacö moyawäobä, ei ya wa̦.

1 Juan 2:29

Jesucristo wama a cadejewä daö waiquiwä ja lä, bufi wedinajamou mlai ja, Yai Bada bei ijilubö wama ebä nö nia ca̦i ö̦jöböaö. Bä cadejewä mö lä fedule bä lä cui, ö̦jö lä bei ebä waiquiwä.

1 Juan 3:18

Ijilu bä. Bämacö a̦fa nofi wäyämamou buo mlai. Bämacö bejedimolanö, bämacö lä cuaaö wei tänö bämacö yai da nofimayo.

1 Juan 3:3

Ö̦jö tä a̦ ja bä lä mölaö wei bä lä cui, bä bufi shino wasöo talei. Jesucristonö wa̦lidiwä tä coyocobou lä mlainaja, inaja bä dodijidawä cuo mö feduobä.

1 Juan 4:17

Yai Bada tänö täbä nofimaö lä culenaja bäma bä nofimaö cuo mö feduobä bämalecö shino bayelibou, täbä bluca jömabä jamö, bämacö bufi mölaö ca̦i icuobä. Bita jamö Jesús a lä cuono wei däjä, bä Fö̦ö e nija a lä cuono weinaja camiyä bämacö cua mö fedua cudeenö, quilii mlai ja bämacö icuo.