1 Juan 3:3 - Biblia Yanowamö

³ Ö̦jö tä a̦ ja bä lä mölaö wei bä lä cui, bä bufi shino wasöo talei. Jesucristonö wa̦lidiwä tä coyocobou lä mlainaja, inaja bä dodijidawä cuo mö feduobä.

1 Juan 3:3 Iomraidhean Croise

Mateo 5:48

Ma. Faafä a lä culadi a doblaa lä culenaja, wamacö cuo mö feduobä wama ecö.

Lucas 6:36

Ma. Faafä Yai Bada a lä culadi a bufi asio lä culenaja, wamacö cuo mö feduobä wama ecö —Jesús a cuma.

Juan 17:19

Iba ya bä bayeliblabä, cafä nija ya jöböamou. Afä bejedi tä a̦ fa ji̦liläjenö, afä bä dodijidawä yaiobä.

Hechos 15:9

Judio bämacö ma cui, judio bä lä mlai bä ma cui, bämalecö fe bluca usucumabou showaoma. Jesucristo a nofi mölabouje yalo, cama bä ma cui, bä bufi ca̦i aumaö mö feduo showaoma.

Romanos 15:12

Isaia a ma cui, a wa̦ ca̦i fama. Abenaja tä a̦ oni cuu. Isai nodiwä bä lija a nia Bada bädou, jai fii fi nasöcö nia cabudu lä faö wei a lä cui. Judio bä lä mlai bä lijamö a läobä, a nia bädou. Ö̦jö lija judio bä lä mlai bä nia mölaö. Einaja tä a̦ cuu.

2 Corintios 7:1

Camiyä bämacö lija, Yai Bada tänö ö̦jö täbä a̦fa bluca wäa waiquibema. ¿Ö̦jö tawä, bämacö lä nofimale wamacö? Ö̦jö cudeenö, bämalecö bufi nia lä shamiamaö wei täbä bluca lä cui, bäma täbä fulii da mlado, bei bämacö sicö bädawä mlai, bämacö bufi yai auobä. Yai Bada bäma a nö quili talanö, cama bäma ecö yai dodijidawä cuobä.

Colosenses 1:5

Yai Bada tänö wamacö nia lä dobädayou wei tä ja wamacö mölaö yalo, inaja wamacö jo̦wa li cuaaö. Ö̦jö wama tä a̦ bejedi ji̦lia waiquilema, Jesucristo wama tä a̦ dodijidawä lä ji̦lileno wei däjä.

2 Tesalonicenses 2:16

Bei. Bada tä Jesucristo lä cui, cama lija showadi wamacö bayeliblamobä, Fayä Yai Bada lija ca̦i, bämalecö nofimaö fe lä balojoo wei a lija. Bämalecö nofi fa ojodadalönö, bämalecö bufi nia lofotomabou shi wa̦lii. Bäma a nofi mölabobä, bämalecö bufi taamaö.

Tito 3:7

Yai Bada tänö bämalecö nofimaö fe balojoo yalo, bämalecö nofi ojodabou. Camiyä bämacö lija tä nowa bluca lä cuono wei tä mladamalema. Cama lija bämalecö cadidimaquema, bämacö nia obi lä ba̦limio wei bäma tä nofi mölabou showaobä.

Hebreos 12:14

Bufi yanöcöwä wama bä ca̦i cuo fe yadiobä bä nö shi̦lo da wa̦loja. Yai Bada dodijidawä wama ecö yaiobä bä cuo fe da yadio. ¿Ö̦jö tawä? Inaja bä cuaaö lä mlai bänö Bada tä nia möimi waiquiweje.

Hebreos 6:18

Yai Bada a wa̦ nö wäo ja a wa̦ cadidou showadao. A wa̦ nia shominajaö majöomi. Inaja showawä, cama a caficö jolemou dao lä mlai a wa̦fa wäyämou ja, a wa̦ nö shominajaaö majöobimi waiquiwä. ¿Ö̦jö tawä? A wa̦ nö lä wäono wei tä a̦ lä cui ja, bämacö mölaö lofotoo showaobä tä a̦. Yai Bada lija bämacö nofi lä yashuo wei bämacö lä cui, bämacö nia lä bayeliblou wei tä a̦ ja, bämacö mölaö showao fe yadiobä.

Hebreos 7:26

Bämalecö nofi nia lä bäyäbou wei, ö̦jö Jesús a waiquiwä. Ö̦jö a lä cui, nofi bäyäalewä Bada a. A yaia. A wa̦fa ca̦i tamobä etä cuami. Etä ca̦i shami läami. Wa̦lidiwä talewä bämacö lä cui lijamö a coyocomabou mlai ja, fedu fe dole jamö Yai Bada tänö a yai doblamabodayou.

Santiago 4:8

Yai Bada nija bä da ajedofälö, camanö wamacö ajedemabobä. Wa̦lidiwä talewä wamacö lä cui, dodijidawä wamacö fa cuicunö bä yai da aublamolu. Wamacö bufi lä shedecou wei, moli tä ja bä bufi yai da shaliliicu.

1 Pedro 1:15

Inaja wamacö cuaabä wamacömi. Yai Bada dodijidawä wama ecö cuobä wamacö malä nacano wei. Ö̦jö cudeenö, dodijidawä tä jamö cama a yaia lä culenaja wamacö nia yaio cuo mö feduo. Wamacö cuaaö lä bädao wei tä ma cui ja, cama dodijidawä wama ecö yaiobä.

1 Pedro 1:3

Awei. No mlai ja Yai Bada tänö bämalecö nofi ojodabou fe balojooma yalo, bämacö bufi doblalobä bämacö. Bada tä Jesucristo bä Fö̦ö e nija, bämacö bufi a̦fa shino doblalou da wäyämo, Jesucristo nija a lä bufiblamou wei a showawä lä cui nija. ¿Ö̦jö tawä? Dude bämalecö bufi tablaö co̦layoma. Jesucristo a demi jocädou co̦layoma yalo, bämacö mölaö showalanö bämacö cua lä cule.

2 Pedro 1:4

Yai Bada a doblao cudeenö, a dodijidawä yalo, ¡bejedi lä bämalecö bayelibou! A wa̦ nö wäo ja bämalecö a̦fa bayeliblamou wäyäö lä balöono weinaja showawä. Bämalecö nia jo̦wa lä bayelibono wei tä a̦ nowa yai bluca fe balojowä. Tä a̦ liyäjäwä dodijiwä. Yanowamö täbä bufi showadi lä waiyou wei tänö bämacö wa̦lidiblou mlaobä, bämalecö nia bayelibou showaoma, cama a lä culenaja bämacö ca̦i cuo mö feduobä.

2 Pedro 3:14

Ö̦jö cudeenö, bämacö lä nofimale wamacö. Ö̦jö wama tä nö dabou waiquia ja lä, bä bufi nö shino da wa̦lojoicu. Wamacö bufi nö shino fa wa̦lojoicunö, Yai Bada nija dodijidawä wamaco dablamobä. Wa̦lidiwä tä cua mlai ja, wamacö a̦fa ca̦i tamobä tä cua mlai ja, wamacö bufi ca̦i yanöcöwä cudiobä.

1 Juan 2:6

“Ö̦jö nija ya cua”, bämacö lä cuu wei, Jesús a lä cuaano weinaja bämacö cuaaö mö feduobä bämacö.

1 Juan 4:17

Yai Bada tänö täbä nofimaö lä culenaja bäma bä nofimaö cuo mö feduobä bämalecö shino bayelibou, täbä bluca jömabä jamö, bämacö bufi mölaö ca̦i icuobä. Bita jamö Jesús a lä cuono wei däjä, bä Fö̦ö e nija a lä cuono weinaja camiyä bämacö cua mö fedua cudeenö, quilii mlai ja bämacö icuo.