1 Juan 3:2 - Biblia Yanowamö

² Iba wamacö. Yai Bada bei ijilubö bäma ecö waiquiwä. Bämacö nia yai lä cublou wei bäma tä daö ma mlai, ei bäma tä shino daö. Jesucristo a bädou däjä, cama a lä culenaja bäma tä yai fa dalalönö, inaja showawä bämacö nia cublou mö feduo.

1 Juan 3:2 Iomraidhean Croise

Salmo 16:11

Dodijidawä ya cudiobä, cafänö wale damaö. Wale ca̦i lä cua wei tänö, ya bufi shi̦lo doblalou fe balojowä. Cafä wa ajede jamö ya culanö, showadi ya bufi nia doblalou shi wa̦lii.

Mateo 5:8

’Yai Bada nija täbä bufi mö yai lä blucao wei bä lä cui, ö̦jö bä bufi yai doblalobä cäbä. Wawädowä Yai Bada a nia malä dablaö wejei.

Lucas 17:30

’¿Ö̦jö tawä? —a cuma—. Camiyä ya lä yanowamöblaleyoluno wei ya wawäblou cadidio däjä, inaja showawä, bä showadi lä cuaaö weinaja bä cuaaö showao däjä, ya nia wawäblou co̦oyoluu.

Lucas 20:36

Täbä nia nomaö co̦daaö malä mlai. A̦jele täbä doayou lä mlainaja täbä li cublou showadalayou. Yai Badanö täbä demi jocädamaö yalo, ö̦jö ijilubö ebä nia yai cuo.

Juan 1:12

Ö̦jö ma cui, a wa̦ juaö fe lä yadiono wejei bä lä cui, a wa̦ bejedi lä bufino wejei, Yai Bada ijilubö ebä cuobä, bä tablamalema.

Juan 11:52

¿Ö̦jö tawä? Cama judio bä bayeliblamou ayaobä mlai. Yai Bada bei ijilubö ebä bälöblawä lä shedequeblai, bä co̦amodayobä a nia shämoma, Yai Bada bei ijilubö moli ebä cuobä.

Juan 17:24

’Fabe —a cuma—. Camiyä ya cuobä jamö, iba wa bä lä jöböbeno wei bä ca̦i cuo mö feduobä ya nacou, wale doblao dabladayobeje. Cafänö wale nofimama yalo, ei bita a colo cua showaa mlai ja, wale doblamabou lä showaono wei, wale dablabeje.

Romanos 8:16

ö̦jö cama a Bufi showawänö, bämalecö bufi taamaö. Yai Bada bäma ecö nö ijilubö ö̦jöböamaö.

Romanos 8:18

Abenaja ya bufi cuu. Bämalecö nö fei däjä lä bleaamaö wejei tä ja, “Shädayai”, bämacö nia cuimi. Tä nowa bolacami. Tä yai lä doblale, camiyä bämacö lija Yai Bada tänö tä nia obi lä jimadayou wei, ö̦jö tä nowa shi̦lo yai bluca.

Romanos 8:19

¿Ö̦jö tawä? Yai Bada tänö täbä bluca lä tablaleno wei, täbä nö bluca malä dablai. Yai Bada bä ijilubö bämalecö nia dodijidawä lä wawäblamaö wei, bufi shi jalimolanö tä nö dabouje.

Romanos 8:29

Bä daö lä showadaono wei bä lä cui, bä Ijilubö e lä culenaja bä cuo mö feduobä, bä yaibou showadaoma. Bä Ijilubö jaba e lä cui e no jamö, ebä mashi bluca cuobä.

1 Corintios 13:12

Möle mö shami ajamö bäma täbä manashi möö cuo lä bädao weinaja, Yai Bada bäma a manashi möö cua bädaa lä cule. Obi bäma tä dablaö walalao wä. Fei däjä, Yai Bada lija ya bufi ijede jaducäblou ma cule, ö̦jö däjä Yai Bada tänö camiyä wale daö walalawä lä culenaja, camiyänö ya nia daö walalao cuo mö feduo.

1 Corintios 15:49

Mashita a ja a lä tablamolayono wei bäma a ujudi nodibou lä culenaja, fedu jamö a lä culadi bäma a nia ca̦i lofote nodibou mö feduo.

1 Corintios 2:9

Abenaja Yai Bada etä a̦ oni cuu malä balöono wei. Yanowamö bei bä mamocunö tä dablaö balöono ma mlajei ma cui, bei bä yömöcacönö tä a̦ ji̦liaö balöono ma mlajei ma cui, bä befi cuo showaodayoma. “Inaja tä cuobä daanö”, bä bufi jaba cuno ma mlai ma cui, Yai Bada tä lä nofimaö wejei bä befi tabou showaoma. Ö̦jö bä befi lä tabou wei tä lä cui,

2 Corintios 3:18

¿Ö̦jö tawä? Bämacö quilii mlai ja, Bada tä lä doblale jamö bämacö mö yaidalou ja, cama a lä culenaja bämacö yanöcö nia cublou mö feduo. Bada tä Bufinö, inaja lä showadi bämalecö taamaö malä cui, Cristo a lä culenaja bämacö cublou mö feduobä.

2 Corintios 4:17

Yamacö nö lä bleaaö wei tä lä cui, tä cudio shi wa̦liobä tä malä mlai. Doblao yamacö cuo shi wa̦liodayobä, inaja lä yamacö cuaaö balöa lä cule. ¿Ö̦jö tawä? Yamacö nia lä doblaodayou wei tä jamö yamacö bufi daeo däjä, yamacö bufi fejeleo dodijio.

Gálatas 3:26

Jesucristo lija wamacö lä yädäle wamacönö, ö̦jö wama a nofi mölabou yalo, Yai Bada bei ijilubö wama ecö li bluca cublou malä majölayono wei.

Gálatas 4:6

Cafä sho ö̦jö bä ijilubö bäma ecö bluca waiquiwä yalo, bä Ijilubö e Bufi shimöledayoma, camiyä bämacö bufi jamö a bälöobä. Bäma a Bufi tabou yalo, “Fabe, Fabemi”, bämacö cuu.

Filipenses 3:21

Cama a lofotenö, bei bämacö sicö lä ujudi wei bämacö sicö fa shomiblamalönö, cama sicö dodijidawä lä culenaja, bämacö sicö nia tablamodayou. Cama Jesucristo a lofotenö tä bluca tamobä a malä cui.

Colosenses 3:4

Cristo a bädodayou däjä, inaja showawä cafä wamacö nia ca̦i bädou cuo. Ba̦limi bämalecö yai lä tablamaö wei, ö̦jö a. Cama a doblao lä culenaja, wamacö ca̦i nia doblao cuo mö feduo.

Hebreos 9:28

Inaja showawä, täbä bluca doblou lä mlai etä nowa mladamabä, Cristo moli a dodomoa waiquiquema yalo, a nia bädou co̦o. A nia fuu lä co̦o wei däjä, wa̦lidiwä tä nowa mladamaö co̦obä a nia fuimi. Ma, bufi doblalolanö a nö lä dabou wejei bä lä cui, ö̦jö bä nabä nia li fuu, bä fucäabä.

2 Pedro 1:4

Yai Bada a doblao cudeenö, a dodijidawä yalo, ¡bejedi lä bämalecö bayelibou! A wa̦ nö wäo ja bämalecö a̦fa bayeliblamou wäyäö lä balöono weinaja showawä. Bämalecö nia jo̦wa lä bayelibono wei tä a̦ nowa yai bluca fe balojowä. Tä a̦ liyäjäwä dodijiwä. Yanowamö täbä bufi showadi lä waiyou wei tänö bämacö wa̦lidiblou mlaobä, bämalecö nia bayelibou showaoma, cama a lä culenaja bämacö ca̦i cuo mö feduobä.

1 Juan 2:28

¿Ö̦jö tawä? Ijilu bä. Jesucristo nija, yanöcöwä bä da cuicu. A bädou däjä, bäma a nofi mölabolanö bämacö icuobä. Bämacö möfe quilili boo mö bao dicoo mlaobä.

1 Juan 2:7

Iba wamacö. Cafä wamacö nija Yai Bada tänö tä tamaö lä bufii wei ya tä a̦ oniblaö lä cule. Jesucristo wama a lä bufiblaleno wei däjä, wama tä a̦ jaba lä ji̦lileno wei tä a̦ showawä. Tä a̦ dudemi. Wama tä a̦ ji̦lia waiquilema.

1 Juan 3:1

Bämacö lä Fö̦ömou wei a lä cuinö, ¡bejedi lä bämalecö nofimaö! Bämalecö nofimaö dodijia ja lä, Yai Bada bei ijilubö bäma ecö a̦fa jilamobä bämalecö tablamalema. Ö̦jö bäma ecö waiquiwä malä cui. Yanowamö täbänö Yai Bada tä daö fa mlacujenö, camiyä bämalecö nö ca̦i ö̦jöböboimi mö feduweje.

1 Juan 3:10

¿Ö̦jö tawä? Yai Bada bei ijilubö ebä nö shino ö̦jöböamou si ijejewä. Fecula bada ebä nö ca̦i ö̦jöböamou mö feduo. Dodijidawä tä taö lä mlajei bä lä cui, Yai Bada ebämi. Bä ai ebä nofimaö lä mlajei bä lä cui, ö̦jö ebä ca̦i malä mlai.

1 Juan 3:21

Iba wamacö. “Shädayai”, bämacö bufi cuimi waiquiwä ja, bäma a nofi mölabolanö Yai Bada nija bämacö shino icuo.

1 Juan 5:1

“Yai Bada tänö a shömabä a lä yaileno wei, ö̦jö Jesús a waiquiwä”, bä bufi lä cuu wei, Yai Bada bei ijilubö ebä waiquiwä. ¿Ö̦jö tawä? Bä fö̦ö ebä lä nofimaö wejei bä lä cuinö, bä ijilubö ebä ca̦i nofimaö mö feduo malä cujei.

Apocalipsis 2:28

Ya bä nö wa̦lojaö jömabä, shidicali a faö lä fenablao wei ya e ca̦i nia jöbäaö.

Apocalipsis 22:4

Yai Bada mofecö nia dablaö wawädooje. Bei bä wäyäcu ja, Yai Bada bei a wa̦fa nia oni cublamou.