1 Juan 3:13 - Biblia Yanowamö

¹³ ¿Ö̦jö tawä? Yanowamö täbänö wamacö nofi lä wa̦libou wejei tä ja, bä bufi wedinajamo dijä, iba wamacö.

1 Juan 3:13 Iomraidhean Croise

Mateo 10:22

Iba wamacö yalo, bluca bänö wamacö nofi nia wa̦libouje. Ö̦jö ma cui, a shämobä etä ma cuo däjä ma cui, a nö wa̦lojaö fe lä yadio wei a lä cui, ö̦jö a nia jucäamou fe yadio.

Mateo 24:9

’Ö̦jö däjä, tä nia wa̦lidiblou —a cuma—. Wamacö noshi nia ö̦jödabouje, wamacö nö bleaamabeje. Wamacö nia shäöje. Iba wamacö yalo, bluca bä bälöjöwä lä yaiblai bä ma cuinö wamacö nofi nia wa̦libouje.

Marcos 13:13

Iba wamacö yalo, bluca bä bälöjöwä lä yaiblai bä ma cuinö, wamacö nofi nia wa̦libouje. Ö̦jö ma cui, a shämobä etä ma cuo däjä ma cui, a nö wa̦lojaö fe lä yadio wei a lä cui, ö̦jö a nia jucäamou fe yadio.

Lucas 21:17

Iba wamacö yalo, bluca bänö wamacö nofi nia wa̦libouje.

Lucas 6:22

’¿Ö̦jö tawä? —a cuma—. Ya lä yanowamöblaleyoluno wei wamale bufii yalo, wamacö nö ma bleaamaöje däjä ma cui, wamacö bufi doblalobä wamacö. Wamacö nofi ma wa̦libouje däjä ma cui, wamacö ma waibouje däjä ma cui, wamacö a̦fa ma lafujaöje däjä ma cui, wamacö a̦fa dobloimi ma taöje däjä ma cui, wamacö bufi doblalobä wamacö.

Juan 16:2

Judio bänö wamacö nia joyaöje. Bä yododabä bä yafi jamö wamacö nia coyocomabou co̦daaimije. Ö̦jö bädao mlai, abinaja bä bufi ca̦i nia cuu dicoo. “Ei bä lä cui ya bä shäö ja, jai Yai Bada ya yai bayeliblaö ya nia cuaaö”, bä bufi nia cuu dicoo.

Juan 16:33

Camiyä nija wamacö culanö, wamacö bufi yanöcöo fe yadiobä ya wa̦. Bita jamö wamacö cua showalanö, wamacö nö nia ma bleaamaö wejei ma cui, bä bufi nö da wa̦lojoicu. Bita jamö a lä nosiemou wei a nija ya nö wa̦loblou waiquilayoma —a cuma.

Juan 17:14

Iba bä nija bäfä a̦no wäyäö ja, bä shomiblaliyoma. Yanowamö täbänö bä nofi wa̦libouje, cama bämi cudeenö. Camiyä ya shomi lä culenaja, iba bä cuwä mö feduwä yalo, bä nofi li wa̦libouje.

Juan 3:7

¿Ö̦jö tawä? “Wamacö tablamou co̦obä lä”, bäfä nowa lä tafe tä ja, a bufi mla dijä.

Juan 7:7

Yanowamö bänö cafä wamacö nofi wa̦libou dao ma mlajei ma cui, camiyänö ya täbä a̦fa dobloimi wäyäö yalo, wale nofi yai li wa̦libouje.

Hechos 3:12

Bä bluca lä co̦camole tä fa dalalönö, abinaja Pedronö bä nowa tama. —Isaeli wama ecö. ¿Wedi tä ja, wamacö bufi li wedinajamou cule? ¿Wedi tabä camiyä yafäcö nija wamacö mamo li showaa cule? Ei yama a lä jumale, camiyä yafäcö a̦ lojodenö tä cublonomi, camiyä yafäcö dodijaö lä showadaono wei tänö mlai.

Romanos 8:7

Yanowamö täbä showadi lä cuaablalou wei tä ja bä bufi shi̦lo lä daeodii wei bä lä cuinö, Yai Bada tä nofi wa̦libouje. Yai Bada tänö tä tamaö lä wasöö wei tä ja, bä shijilodoimi. Bä nö shijilobimi waiquiwä.

2 Timoteo 3:12

¿Ö̦jö tawä? Jesucristo lija bä bluca lä yädäo wei bä ma cui, inaja showawä bä nö nia bluca bleaamaö cuoje, Yai Bada a bufi doblamabou bufi lä doblao wejei bä lä cui.

Santiago 4:4

¡Uo! Shominaja wamacö bufi lä cuaablalou wei wamacö lä cuinö, ¿ei bei wama tä daö mlaa culawä? Yanowamö täbä showadi lä cuaaö wei tä ja wamacö bufi cuo dicoo ja, Yai Bada wama tä nö nabämaö waiquiwä. Ö̦jö cudeenö, ö̦jö tä jamö wamacö cuo bufi lä doblao wei wamacö lä cui, Yai Bada nija wamacö nö nabämobä wamacö li cuaaö.

Apocalipsis 17:7

abinaja a̦jele a lä cuinö wale nowa tama. —¿Wedi tabä bei wa bufi li shädayaimou cule? Ö̦jö suwä a lä cui nija wa bufi moyawäobä, ya etä a̦ nia wawämaö. A lä döcäo wei a yalo waiteli ma cui nija ya etä a̦ nia ca̦i wawämaö mö feduo, bei febä 7 lä cule, bei yo̦labä 10 ca̦i.