1 Juan 3:12 - Biblia Yanowamö

¹² Caino bäma a owämaö mlai, bä fääshä e lä shäleno wei a lä cui. ¿Wedi tä tabä a li shälema, ö̦jö lä? Wa̦lidiwä talewä cama Caino a cuo dodijioma yalo, bä fääshä e shino dodijaö ayaoma cudeenö a li shälema.

1 Juan 3:12 Iomraidhean Croise

Génesis 4:25

Adananö bei suwäbö nija, ijilu ai a taa fa co̦cönö, Ewa a shibönaböa co̦layoma. Bei ijilubö e lä wawämaleno wei däjä, abinaja a suwä cuma. —Caino a ishou fa dicoonö, ya jaba lä bufiblano wei nija, ya wajäwä nö bleaama. Ö̦jö ma cui, Yai Bada tänö wale bufi lojodoblamaö co̦a lä cule. Ei ya bufibou majöobä, wale dobäa co̦lema yalo, Sede bei ya wa̦fa nia jilabou —a cuma.

Mateo 13:19

Bei yo jamö ai mobä bläläö lä cuaaö weinaja, ai bänö Yai Bada etä a̦ ji̦liaö cuaaöje. Tä a̦ ji̦liaö ma cujei, bä bufi jaducubloimi dicowä ja, tä yai lä wa̦lidii tä waloa fa showadaicunö, bei bä bufi jamö tä a̦ lä didio wei etä a̦ däa nocalei.

Mateo 13:38

Ficali ya täca a̦fa wäyäö lä yacläoblei, ei bita a lä blaucui, ö̦jö lä täca. Dodijidawä mobä lä cui, Yai Bada tänö cama ebä nia ca̦i lä cuo wei, ö̦jö mobä li. ¿Ö̦jö tawä? Wa̦lidiwä mosibä lä cui, tä yai lä wa̦lidii ö̦jö bä ijilubö ebä.

Mateo 23:35

bä lä cadidou wei bä yanöcö shäö lä cuaano wejei bä lä cui, cafä wamacö nija bä nowa bluca co̦cablobä. ¿Ö̦jö tawä? Abele a jaba shämolayoma. Ö̦jö däjä, Yai Bada ai ebä bluca yanöcöwä shäa jäa fa nomöjöabodujenö, ya̦cumö nofi bäyäalewä Sacalia a shäa nomöjölemaje, Belequia bä ijilubö e lä cui. Yai Bada etä yano je̦fa jamö a nabä quequemaje. Yalo bä ö̦shö lä maqueblaaö wejei täcö ajede ja, Yai Bada etä yano sibo mötale jamö, a shälemaje. ¿Ö̦jö tawä? Cafä wamacö bälöo lä nodiablalou wei wamacö nija, ö̦jö lä bä nowa nia bluca bäshälö tablaö.

Mateo 27:23

—¿Wedi tabä fii balitama defi jamö ya li basua bädamaquei? ¿Wedi bei tä li taö dodijioma? —a Bilado cuma ma cui, ö̦jö a wa̦ ja, bä a̦ yai balaa dicolayoma. —¡Fii balitama defi jamö, a da basumacö! —bä cublaloma.

Mateo 5:37

¿Ö̦jö tawä? “Awei”, wamacö nia lä cuu wei, bä a̦ nö bejediaö da showadao. “Ma”, wamacö nia lä cuu wei, inaja showawä. Wamacö bejedimou dablamobä, ai wama tä a̦fa jayumaö lä bashiblao wei tä lä cui, ö̦jö fecula bada bei mayo li waiquiwä, a yai lä wa̦lidii a lä cui —Jesús a cuma.

Lucas 11:51

’Abele a jaba shämolayoma —a cuma—. Ö̦jö däjä, Yai Bada ai ebä bluca yanöcö shäa jäa fa nomöjöabodujenö, ya̦cumö nofi bäyäalewä Sacalia a shäa nomöjölemaje. Yai Bada e yano je̦fa jamö a nabä quequemaje. Yalo bä ö̦shö lä maqueblaaö wejei täcö ajede ja, Yai Bada etä yano sibo mötale jamö a shälemaje. ¿Ö̦jö tawä? Awei, cafä bämacö nowa taö lä cule. Cafä wamacö fei däjä lä bälöle wamacö nija, ö̦jö tä nowa nia bluca jödödöwä cuo.

Juan 10:32

Abinaja Jesúsnö bä nowa tama. —Fayänö dodijidawä tä wawämaö lä bufii wei, cafä wamacö nija bluca ya tä wawämalema. ¿Wedi jamö tä nowa yai ja, maa mabänö bei wamale nia li shäyäö? —bä nowa tama.

Juan 8:40

Ö̦jö ma cui, inaja wamacö cuaaimi dicowä. Yai Bada nijamö ya wa̦ lä ji̦lileno wei, cafä wamacö nija ya tä a̦ bejedi ma wäyäö wei ma cui, wamale shäö bufi doblaa dicoa lä cule. Inaja Ablaamö a cuaano malä mlai.

Juan 8:41

Wamacö fö̦öbö yai lä cuaano weinaja, wamacö cuaaö yauaö dicoa lä cule —Jesús a cuma. Abinaja bä cuma. —Shomi yamacö ijilubö malä mlai. Yamacö yai lä fö̦ömou wei, ö̦jö lä Yai Bada tä waiquiwä —bä cuma.

Hechos 7:52

Yai Bada a wa̦no wäyälewä bä lä cui, ¿bä nö bluca bleaamanomi sijewä? Yai Bada a wa̦ juamobä a lä yaileno wei a ma cui, ö̦jö a wa̦fa juu wäyäö lä balöono wejei bä bluca ca̦i shäa balöalalemaje. Ö̦jö a wa̦fa juu lä wäyäno wejei a lä cui, cafä wamacö lä nodiblaliyono wei wamacö ma cuinö, fei däjä wama a fa nomojolilänö wama a shämalema.

1 Tesalonicenses 2:14

Iba wamacö. Wamacö bufi shomi yalo, wamacö nö mada bleaamablejei. Judea tä ulufi jamö, Jesucristo ai ebä lä taamano wejeinaja showawä. Ö̦jamö Yai Bada ebä yododaö lä cuaaö wei, ebä nö malä bleaamano wejei. Jesucristo lija wamacö bufi mö blucao yalo, cafä ai wamacönö wamacö nö da bleaamablejeinaja, judio bänö cama ebä nö ca̦i jaba bleaamaö showaomaje.

Hebreos 11:4

Abele a lä cuinö, Yai Bada a wa̦ nofi mölaboma yalo, dodijidawä etä dodoboma. Bä a̦iyobö Cainonö täbä dodobou lä cuono weinaja mlai. Ö̦jö cudeenö, Abele lija Yai Bada a dobämamou bufi doblaoma. A wa̦fa dodijidawä wäyäma. ¿Ö̦jö tawä? Abele a nomamalema ma cui, Yai Bada a wa̦ nofi lä mölabono wei tä lä cui, fei däjä ma cui tä a̦ ji̦limamou showawä.

Hebreos 12:24

Jesús a lä culadi jamö wamacö cua, dude tä a̦ ca̦i lä läle a lä cui lija, cama i̦yäbö lä yomösamodayono wei jamö. Abele i̦yäbö nö yuamou lä bufiono weinaja mlai, camiyä bämalecö nofi nia lä ojodabou wei i̦yäbö a̦fa shi̦lo wäyämamou.

1 Pedro 4:4

Ö̦jö bä sho wamacö jaba lä cuono wei bä lä cui, fei däjä cafä wamacö nija bä bufi wedinajamou nomöjöa. Bä bufi lämou mlai ja, bä nofi showadi jushuabä jamö wamacö fei däjä yädäomi ja, wamacö nö waiblaö nomöjöoje.

1 Juan 3:8

Wa̦lidiwä tä lä taö wejei, fecula bada ö̦jö ebä li. Jaba däjä ma cui, ö̦jönö tä wa̦lidiwä taö malä showadaono wei. ¿Ö̦jö tawä? Fecula badanö tä lä taö wei etä wa̦liabä, Yai Bada bei Ijilubö e wawälayoyoluma.

Judas 1:11

¡Bä nö bleaamabä lä! Caino a lä cui, ö̦jö a owämaö dicooje. Balaama a bufi yacläö lä cuaano weinaja bä ca̦i cuaaö nodiablalou. Ö̦jö a lä cui, a dobämou bufi fa doblaonö a noshi ö̦jödao dicooma. Colei a ma cui a ca̦i owämaöje. Bada bä a̦ ji̦liblaö fa mlacunö, a fe ou yalo cama ebä mö ca̦i bluca watäblamolayoma. Inaja showawä, miji bä mö ca̦i watäblamou nodiobä bä li cuaaö.

Apocalipsis 17:6

Ö̦jö ya suwä möö ja, ya shi wa̦li dalalema. Yai Bada ebä i̦yäbönö a shi wa̦lima, Jesucristo a nofi mölabou fe lä yadiono wejei bä lä shäalaleno wejei bä i̦yäbönö. Ya suwä möö däjä ya bufi ca̦i shädayaimoma ma cui,