1 Juan 3:10 - Biblia Yanowamö

¹⁰ ¿Ö̦jö tawä? Yai Bada bei ijilubö ebä nö shino ö̦jöböamou si ijejewä. Fecula bada ebä nö ca̦i ö̦jöböamou mö feduo. Dodijidawä tä taö lä mlajei bä lä cui, Yai Bada ebämi. Bä ai ebä nofimaö lä mlajei bä lä cui, ö̦jö ebä ca̦i malä mlai.

1 Juan 3:10 Iomraidhean Croise

Mateo 13:38

Ficali ya täca a̦fa wäyäö lä yacläoblei, ei bita a lä blaucui, ö̦jö lä täca. Dodijidawä mobä lä cui, Yai Bada tänö cama ebä nia ca̦i lä cuo wei, ö̦jö mobä li. ¿Ö̦jö tawä? Wa̦lidiwä mosibä lä cui, tä yai lä wa̦lidii ö̦jö bä ijilubö ebä.

Lucas 6:35

’Ö̦jö ma cui, abinaja bä yai da cuaa —a cuma—. Wamacö nofi lä wa̦libou wejei bä lä cui wama bä fa nofimanö, bä da bayeliblaje. Tä nowa nia lä co̦amaö wejei tä ja, wamacö mölaö mlai ja, madofifä no mlai ja bä da majöaje. Ö̦jö lä däjä Yai Bada nija wamacö nia yai dobämou. Inaja wa lä cuaaö wei tänö, Yai Bada tä Bada lä ayai wama ecö ijilubö nia dablamou dodijio. ¿Ö̦jö tawä? Cama Yai Bada nija bä bufi a̦fa doblalou wäyämou ma mlai ma cui, bä doblou ma mlai ma cui, dodijidawä bä bayeliblaö fe malä yadio wei.

Juan 1:12

Ö̦jö ma cui, a wa̦ juaö fe lä yadiono wejei bä lä cui, a wa̦ bejedi lä bufino wejei, Yai Bada ijilubö ebä cuobä, bä tablamalema.

Juan 11:52

¿Ö̦jö tawä? Cama judio bä bayeliblamou ayaobä mlai. Yai Bada bei ijilubö ebä bälöblawä lä shedequeblai, bä co̦amodayobä a nia shämoma, Yai Bada bei ijilubö moli ebä cuobä.

Juan 8:44

’Faafä fecula bada wama ecö yai ijilubö. Ö̦jönö tä tamaö lä bufii weinaja, wamacö cuaaö bufi doblao. Jaba däjä ma cui, täbä shäö bufi doblao showaoma. A bejedimou daimi yalo, tä lä bejedi wei tä julii daimi waiquiwä. A jolemou däjä, cama a bufi lä cuaaö wei etä wawälayou. Jolemolewä a waiquiwä malä cui. Bä lä jolemou wei bä lä cui, ö̦jö nija bä li fö̦ömou.

Juan 8:47

Yai Bada ebä lä cuinö, cama Yai Bada etä a̦ ji̦liaöje. Yai Bada wama ecö waiquiwämi yalo, wama etä a̦ li ji̦liaimi —bä nowa tama.

Hechos 13:10

Ö̦jö a möö fa cadidionö, a wa̦ fama. —¡Fecula bada wa ijilubö! Tä lä dodijidai wa tä nofi bluca lä wa̦libole wa. Showadi wa täbä mölamaö. Wa̦lidiwä showadi wa tä tadii. Yai Bada etä a̦ lä bejedi wei, wa etä a̦ shomiblamabä, ¿bei wa nia shijilodoimi?

Romanos 13:8

Wama tä nowa co̦amabä tä cua ja, tä nowa co̦amaö da showadaoje. Ai tä nowa läa mlai ja, dodijidawä wamacö shi̦lo yai nofimayobä. Cama ai ebä yai lä nofimaö wejei bä lä cuinö, Moisesi etä a̦ nofi bluca cadidibou waiquiweje.

Efesios 5:1

Ö̦jö cudeenö, Yai Bada bei ijilubö wama ecö yalo, ö̦jö a shi̦lo yai da owämaje. Wamacö nofimaö fe balojowä.

Colosenses 3:14

Abenaja bä shi̦lo yai da cuaa. Bä bufi yai da nofio, ¿ö̦jö tawä? Wamacö yai lä nofimayou wei tänö, dodijidawä wamacö nia shi̦lo yai cuo.

1 Timoteo 1:5

Shomi tä a̦ ja bä yabäcäo mlaobä, ya bä wasöö bufii lä cule. Yai Bada lija bä bufi cadidilanö, dodijidawä Jesucristo ebä yai nofimayobä. Bä bufi wacacalanö, bä bufi bejedimolanö, bä nofimayobä.

1 Juan 2:29

Jesucristo wama a cadejewä daö waiquiwä ja lä, bufi wedinajamou mlai ja, Yai Bada bei ijilubö wama ebä nö nia ca̦i ö̦jöböaö. Bä cadejewä mö lä fedule bä lä cui, ö̦jö lä bei ebä waiquiwä.

1 Juan 3:1

Bämacö lä Fö̦ömou wei a lä cuinö, ¡bejedi lä bämalecö nofimaö! Bämalecö nofimaö dodijia ja lä, Yai Bada bei ijilubö bäma ecö a̦fa jilamobä bämalecö tablamalema. Ö̦jö bäma ecö waiquiwä malä cui. Yanowamö täbänö Yai Bada tä daö fa mlacujenö, camiyä bämalecö nö ca̦i ö̦jöböboimi mö feduweje.

1 Juan 3:2

Iba wamacö. Yai Bada bei ijilubö bäma ecö waiquiwä. Bämacö nia yai lä cublou wei bäma tä daö ma mlai, ei bäma tä shino daö. Jesucristo a bädou däjä, cama a lä culenaja bäma tä yai fa dalalönö, inaja showawä bämacö nia cublou mö feduo.

1 Juan 4:21

Camiyä bämacö nija, Yai Bada tänö ei tä lä cui tä nabä yai shömaö, Yai Bada bäma a lä nofimaö wei bämacönö, aiyä bäma bä ca̦i nofimaö mö feduobä.

1 Juan 4:6

Camiyä bämacö mö feduwä lä cui, Yai Bada bei bäma ecö li. Yai Bada tä lä daö wejei bänö bämalecö a̦ ji̦liaö bufi doblaoje. Yai Bada ebä lä mlai bänö bämalecö a̦ ji̦lii bufiomije. Ö̦jö lä tänö Yai Bada tä Bufi lä tabou wejei bäma bä nö ö̦jöböaö. Bä lä jolemou wei bä ca̦i.

1 Juan 4:8

Bä nofimaö lä mlajei bänö Yai Bada bei a daimije. Nofimou tä lä cui, ö̦jö Yai Bada bei etä waiquiwä malä cui.

1 Juan 5:19

Camiyä Yai Bada bei ijilubö bäma ecö waiquiwä ma cui, a yai lä wa̦lidii a lä cuinö, yanowamö täbä bluca tabou dicoa. Ö̦jö bäma tä ca̦i daö.

1 Juan 5:2

Yai Bada bäma a nofimaö däjä, tä tamaö lä bufii wei bäma tä a̦ nofi ca̦i cadidibou däjä, ö̦jö däjä cama bäma ebä yai nofimaö cuquei.

3 Juan 1:11

Bäfä lä nofimale. Wa̦lidiwä tä lä taö wejei bä owäma dijä. Bä lä dodijaö wei bä shino yai da owäma. Bä lä dodijaö wei bä lä cui, ö̦jö Yai Bada bei ebä li waiquiwä. Bä doblou lä mlai bä lä cuinö, Yai Bada tä daimije.