1 Juan 3:1 - Biblia Yanowamö

¹ Bämacö lä Fö̦ömou wei a lä cuinö, ¡bejedi lä bämalecö nofimaö! Bämalecö nofimaö dodijia ja lä, Yai Bada bei ijilubö bäma ecö a̦fa jilamobä bämalecö tablamalema. Ö̦jö bäma ecö waiquiwä malä cui. Yanowamö täbänö Yai Bada tä daö fa mlacujenö, camiyä bämalecö nö ca̦i ö̦jöböboimi mö feduweje.

1 Juan 3:1 Iomraidhean Croise

2 Samuel 7:19

’Jeobaa wa Bada lä ayai —David a cuma—. Bluca wale bayeliblaö ma waiquio wei ma cui, “Inaja lä waiquiwä”, bei wa bufi li cuimi. Cafä bä a̦ fuabä ya lä cui, iba wa bä nia obi bayelibou lä nodio wei tä ma cui, ö̦jö wa tä a̦fa bluca ca̦i wäyäö showaoma. ¿Ö̦jö tawä, Bada tä? ¡Jeobaa wa Bada lä ayai! Iba bä nia cuaaö lä nodio wei tä ma cui ja, ö̦jö wa tä ca̦i wawäblamaleyoluma.

Lucas 20:36

Täbä nia nomaö co̦daaö malä mlai. A̦jele täbä doayou lä mlainaja täbä li cublou showadalayou. Yai Badanö täbä demi jocädamaö yalo, ö̦jö ijilubö ebä nia yai cuo.

Juan 1:12

Ö̦jö ma cui, a wa̦ juaö fe lä yadiono wejei bä lä cui, a wa̦ bejedi lä bufino wejei, Yai Bada ijilubö ebä cuobä, bä tablamalema.

Juan 11:52

¿Ö̦jö tawä? Cama judio bä bayeliblamou ayaobä mlai. Yai Bada bei ijilubö ebä bälöblawä lä shedequeblai, bä co̦amodayobä a nia shämoma, Yai Bada bei ijilubö moli ebä cuobä.

Juan 15:21

Ö̦jö ma cui, wale lä shömöleno wei a daimije yalo, iba wamacö cudeenö wamacö nia inaja taamaö dodijioje.

Juan 16:3

Camiyä wale daimije yalo, Fayä a ca̦i daimije cudeenö, bä nia inaja cuaaö.

Juan 17:25

’Fabe, cafä wa lä cadidou wei wa. Yanowamö täbänö wa daö ma mlajei ma cui, camiyänö bäfä daö. Iba bä lä cuinö, eja wale lä shömöleno wei, wale ca̦i daöje.

Juan 3:16

’Yai Bada tänö yanowamö täbä nofimaö fa dodijionö, bä Ijilubö moli ya e lä cui yale shömölema. Wale a̦ bejedi lä bufii wejei bä bluca lä cui, bä nomaö mlai ja bä ba̦limi cuobä.

Romanos 5:8

Ö̦jö ma cui camiyä bämalecö bayeliblabä, dodijidawä mlai, wa̦lidiwä talewä bämacö yai cuo showao däjä, Cristo a shämoa lälayoma. Ö̦jö tä lä cublaliyono wei tä ja, Yai Bada tänö bämalecö yai lä nofimaö wei tä jimöa cadidiquema.

Romanos 8:19

¿Ö̦jö tawä? Yai Bada tänö täbä bluca lä tablaleno wei, täbä nö bluca malä dablai. Yai Bada bä ijilubö bämalecö nia dodijidawä lä wawäblamaö wei, bufi shi jalimolanö tä nö dabouje.

Romanos 8:21

Täbä bluca lä tablamono wei, täbä nia bayeliblamou. Showadi täbä lä wa̦icou wei tä ja, Yai Bada tänö bä nia fujeblaö, täbä inaja cuaaö co̦daaö mlaobä. Bä ijilubö doblao ebä nia lä tabou weinaja, jödödöwä täbä lä tablamono wei täbä ma cui, bä nia bluca doblamabou mö feduo.

Romanos 8:32

Cama bä Ijilubö e ma cui, Yai Bada tänö a noshi umlabonomi. Bämalecö bluca bayeliblabä, a noshi malä ö̦jödabono wei. ¿Ö̦jö tawä? Bä Ijilubö e jibäaö ojodao waiquioma ja lä, ai täbä bluca ma cui ja, bei bämalecö dobäa yailei.

2 Corintios 6:18

Camiyä wamale nofi nia ca̦i Fö̦ömaö. Inaja showawä, cafä wamacö lija ya nia ijilumou. Ijiluyä wamacö nia cuo, tääyä wamacö nia ca̦i cuo. Bada ya shi̦lo lofote lä ayai, inaja ya cuu waiquiwä. Einaja Bada a cuma.

Gálatas 3:26

Jesucristo lija wamacö lä yädäle wamacönö, ö̦jö wama a nofi mölabou yalo, Yai Bada bei ijilubö wama ecö li bluca cublou malä majölayono wei.

Gálatas 3:29

Cristo wama ecö waiquiwä ja lä, Ablaamö ö̦jö wama ecö ca̦i nodiwä waiquiwä. Yai Bada tänö Ablaamö a wa̦fa bayeliblamou wäyäö lä balöono weinaja, wamacö ca̦i bayeliblamou cuo nodiobä.

Colosenses 3:3

Cristonö wamacö ca̦i nomaa malä waiquilayono wei. Ö̦jö sho ba̦limi wamacö nia lä cuo wei, Yai Bada tänö a wawämaimi showawä ma cui,

1 Juan 3:10

¿Ö̦jö tawä? Yai Bada bei ijilubö ebä nö shino ö̦jöböamou si ijejewä. Fecula bada ebä nö ca̦i ö̦jöböamou mö feduo. Dodijidawä tä taö lä mlajei bä lä cui, Yai Bada ebämi. Bä ai ebä nofimaö lä mlajei bä lä cui, ö̦jö ebä ca̦i malä mlai.

1 Juan 3:2

Iba wamacö. Yai Bada bei ijilubö bäma ecö waiquiwä. Bämacö nia yai lä cublou wei bäma tä daö ma mlai, ei bäma tä shino daö. Jesucristo a bädou däjä, cama a lä culenaja bäma tä yai fa dalalönö, inaja showawä bämacö nia cublou mö feduo.

1 Juan 4:17

Yai Bada tänö täbä nofimaö lä culenaja bäma bä nofimaö cuo mö feduobä bämalecö shino bayelibou, täbä bluca jömabä jamö, bämacö bufi mölaö ca̦i icuobä. Bita jamö Jesús a lä cuono wei däjä, bä Fö̦ö e nija a lä cuono weinaja camiyä bämacö cua mö fedua cudeenö, quilii mlai ja bämacö icuo.

Apocalipsis 21:7

Bä nö wa̦lojaö lä ayao wei bä lä cui, dodijidawä bä cuobä ya bä nia dobäö. Cama bä nija ya nia bufiblamou. Ya bä nofi nia ijiluaö.