1 Juan 2:5 - Biblia Yanowamö

⁵ Ö̦jö ma cui, bäma a wa̦ nofi cadidibou ja, Yai Bada bäma a shino yai nofimaö fe balojoo. Bäma a wa̦ nofi lä cadidibou wei tänö, bämacö bejedimou nö ö̦jöböamou.

1 Juan 2:5 Iomraidhean Croise

Proverbios 8:32

’Bei. Ijiluyä wamacö. Wamale a̦ da ji̦li. Wale a̦ nofi lä jaducäbou wejei bä bufi shi̦lo yai doblao.

Lucas 11:28

Ö̦jö ma cui, abinaja Jesús a cuma. —Ma. Yai Bada etä a̦ fa ji̦liajenö, tä a̦ nofi lä jaducubou wejei, ö̦jö bä bufi shino yai doblalobä bä li —a cuma.

Juan 14:21

’¿Ö̦jö tawä? Ya tä tamaö lä bufii wei tä nofi lä cadidibou wejei bä lä cuinö, ö̦jö bä lä cuinö wale yai nofimaöje. Wale lä nofimaö wejei bä lä cui, Fayänö bä nia nofimaö mö feduo. Camiyä ya ma cuinö ya bä nia ca̦i nofimaö. Ö̦jö bä nija ya nia dablamou —a cuma.

Juan 14:23

Abinaja Jesús e cuma. —Wale lä nofimaö wejei bänö, wale a̦ nofi nia cadidibouje. Fayänö bä nia nofimaö. Ö̦jö bä nija yafäcö nia walooyoluu, yafäcö bälödiobä.

Juan 15:5

Camiyä bei ya toto colo, ¿ö̦jö tawä? Cafä wamacö lä cui, bei ya totocu boco. Camiyä nija bä lä yanöcöo wei bä lä cui, cama bä nija ya ca̦i yanöcölanö, ö̦jö bä nia dodijaö. Ö̦jö bä lä cuinö, uba bä dodijidawä lalou lä culenaja, bluca tä nia dodijidawä wawämaö cuoje. Camiyä nija bä yanöcöomi ja, bä dobloimi malä waiquii.

Juan 6:56

Wale ya̦ji lä waö wejei, wale i̦yabö lä coaö wejei, ö̦jö bä lä cui camiyä nija bä yanöcöwä cua, cama bä nija ya ca̦i yanöcöwä cua mö fedua.

Romanos 8:1

Fei däjä Jesucristo lija bämacö lä yädäle, Yai Bada tänö bämalecö nö nia bleaamaimi.

1 Corintios 1:30

Jesucristo lija wamacö bufi fa yädäicunö, Yai Bada tänö wamacö ba̦limibou lä cule. ¿Ö̦jö tawä? Cama bufi moyawe etä lä cuinö bämacö bufi li camiyä moyawäblaliyoma. Cama dodijidawä etänö, bämacö li dodijidablaliyoma. Yai Bada bäma ecö dodijidawä cuobä, Jesucristo lija bämacö yaimoa yädälayoma. Bämalecö nowa fa co̦macönö, Yai Bada lija bämalecö ajedea comaquema.

2 Corintios 5:17

Cristo lijamö bä lä yädäle, bä dude cublou majölayoma cäbä. Bä jaba lä cuaano weinaja fei däjä bä cuaaimi. Dude tä a̦ jamö bä cublou lä majölayono wei cäbä.

2 Corintios 5:21

Cristonö wa̦lidiwä tä dano ma mlai ma cui, camiyä bämacö bayeliblamobä, bäma tä wa̦lidiwä lä tano wei Cristo lija tä yädämaquema. Camiyä bämacö lija, Cristo dodijidawä etä lä cui etä yädäo mö feduobä. Cristo lija bämacö bufi fa cuicunö, Yai Bada lija bämacö dodijidawä dablamou fe yadiobä.

Santiago 2:22

¿Ö̦jö tawä? Ei malä cui. Yai Bada a nofi mölabolanö Ablaamönö a wa̦ li juaö cadidioma. A lä dodijano wei tänö, Yai Bada a nofi lä mölabono wei etä damalalema.

1 Juan 3:24

Yai Bada tänö tä tamaö lä bufii wei tä a̦ nofi lä cadidibou wejei bä lä cui, Yai Bada nija ö̦jö bä yanöcöwä cudia. Cama bä nija Yai Bada tä ca̦i yanöcöwä cudia mö fedua. ¿Ö̦jö tawä? Camiyä bämacö nija Yai Bada tä Bufi jöbömobema yalo, a yanöcöwä lä cudio wei bäma tä daö.

1 Juan 4:17

Yai Bada tänö täbä nofimaö lä culenaja bäma bä nofimaö cuo mö feduobä bämalecö shino bayelibou, täbä bluca jömabä jamö, bämacö bufi mölaö ca̦i icuobä. Bita jamö Jesús a lä cuono wei däjä, bä Fö̦ö e nija a lä cuono weinaja camiyä bämacö cua mö fedua cudeenö, quilii mlai ja bämacö icuo.

1 Juan 4:18

“Bejedi lä, Yai Bada tänö wale nofimaö”, bä nofi lä tamamou wei bä lä cui bä quiliimi. Bä nofimamou lä dodijio wei tänö quilii tä mladamalei. Bä bufi lä quilii wei bä lä cui, “Ya doblou lä mlai tä nowa ja wale nö nia bleaamaö”, bä nofi li tamamou cudeenö bä li quilii. Yai Bada tänö bä lä nofimaö wei tä ja, bä yai mölaimi. ¿Ö̦jö tawä?

1 Juan 5:2

Yai Bada bäma a nofimaö däjä, tä tamaö lä bufii wei bäma tä a̦ nofi ca̦i cadidibou däjä, ö̦jö däjä cama bäma ebä yai nofimaö cuquei.

1 Juan 5:20

Yai Bada a lä cui, ö̦jö a shino yai bejedimou. Ö̦jö bäma a dabä, bei Ijilubö e fa itoliyonö bämalecö bufi jaducumabou lä cule. Bä Ijilubö Jesucristo nija bämacö cua lä cule, a yai lä bejedi wei a lä cui nija. A bufiblamobä ö̦jö a shino yai bejedi cua ayaa. Ba̦limi bämacö cuobä, ö̦jö a waiquiwä.

2 Juan 1:6

Yai Bada tänö tä tamaö lä bufii wei bäma tä taö ja, bäma a yai nofimaö. Showadi wamacö nofimayobä, Jesús wama a jaba bufiblaö däjä wamacö nowa lä tano wejeinaja showawä.

Apocalipsis 12:17

Ö̦jö däjä, suwä nija täcö nö wa̦lowä fa jushudalunö, bä ijilubö ai ebä nija a ishou mö juma, Yai Bada tänö tä tamaö lä bufii wei tä a̦ nofi lä cadidibou wejei bä lä cui nija. Jesucristo a wa̦fa lä wäyäö wejei bä nija ca̦i.

Apocalipsis 14:12

¿Ö̦jö tawä? Yai Bada ebä lä cui, bä nö wa̦lojaö fe yadiobä, ö̦jö lä. Ö̦jö bä lä cuinö, Yai Bada tänö tä tamaö lä bufii wei tä a̦ nofi cadidibouje. Jesús a nofi mölabou fe yadioje.