1 Juan 2:4 - Biblia Yanowamö

⁴ “Ya tä daö”, bämacö ma cuu wei ma cui, tä tamaö lä bufii wei bäma tä taimi ja, bämacö jolemou waiquiwä. Tä a̦ lä bejedi wei bäma tä a̦ taboimi.

1 Juan 2:4 Iomraidhean Croise

Juan 8:44

’Faafä fecula bada wama ecö yai ijilubö. Ö̦jönö tä tamaö lä bufii weinaja, wamacö cuaaö bufi doblao. Jaba däjä ma cui, täbä shäö bufi doblao showaoma. A bejedimou daimi yalo, tä lä bejedi wei tä julii daimi waiquiwä. A jolemou däjä, cama a bufi lä cuaaö wei etä wawälayou. Jolemolewä a waiquiwä malä cui. Bä lä jolemou wei bä lä cui, ö̦jö nija bä li fö̦ömou.

Tito 1:10

Bä a̦ wasöo lä mlai bä malä tetei, jole jole bä a̦ lä faö wei. Ö̦jö bä a̦nö bä mölamaöje. Judio inaja bä yai cuaaö si ijejewä, showadi täbä mosi sicö joyamaö lä bufii wejei bä lä cui.

Tito 1:16

Yai Bada ebä a̦fa ma jilou wei, bä lä cuaaö wei tänö bä jolemou damolaliyo. Bä wa̦lidiwä waiquiwä. Bä wasömamoimi. Bä dodijaö fe yadiobä etä cuami.

1 Juan 1:10

“Ma, wa̦lidiwä ya tä tanomi”, bämacö cuu dicoo ja, Yai Bada bei bäma a wa̦fa jole taö dicoo. Cama bäma etä a̦ taboimi waiquiwä.

1 Juan 1:6

Mö didi tä jamö bämacö cua showalanö, ö̦jö sho bämacö nofi a̦fa tamayou ma wäyämou wei ma cui, bämacö jolemou waiquiwä. Bejedi tä lä cule jamö bämacö cuami.

1 Juan 1:8

“Iba tä cuami”, bämacö cuu ja, camiyä bämacö mölamamou bädaquei. Bejedi tä a̦ lä cui bäma tä a̦ taboimi.

1 Juan 2:3

Yai Bada tänö tä tamaö lä bufii wei bäma tä a̦ nofi shino cadidibou ja, bämacö bufi nia wedinajamoimi. “Yai Bada ya daö lä”, bämacö nia lojode cudou showadao.

1 Juan 2:9

Ai bä lä cui, “Shi̦i wacacawä tä jamö ya cua”, bä ma cuu wei ma cui, cama ebä mashi nofi wa̦libou dicooje ja bä jolemou. Mö didi jamö bä cua showaa.

1 Juan 3:6

Ö̦jö cudeenö, Jesucristo nija bä yanöcöwä lä cuo wei bänö tä wa̦lidiwä taimije. Wa̦lidiwä tä lä taö wejei bä lä cui, Jesucristo nija bä bufi jaducuwämi. A ca̦i daimi waiquiweje.

1 Juan 4:20

“Yai Bada ya nofimaö”, bä cuu ma cui, cama ai ebä nofi wa̦libou dicooje ja, bä jolemou waiquiwä. Cama ai ebä ma dablou wei ma cui, ö̦jö lä ebä nofimaimi waiquiweje ja, Yai Bada tä dablamou lä mlai bei tä nofimaimi yaiweje.

1 Juan 4:7

Iba wamacö. Bämacö yai da nofimayo, ö̦jö lä. Nofimou tä lä cui, ö̦jö Yai Bada etä waiquiwä malä cui. Täbä yai lä nofimaö wejei bä lä cui, ö̦jö Yai Bada bei ijilubö ebä waiquiwä. Ö̦jö bänö a ca̦i daöje.