1 Juan 2:3 - Biblia Yanowamö

³ Yai Bada tänö tä tamaö lä bufii wei bäma tä a̦ nofi shino cadidibou ja, bämacö bufi nia wedinajamoimi. “Yai Bada ya daö lä”, bämacö nia lojode cudou showadao.

1 Juan 2:3 Iomraidhean Croise

Isaías 53:11

A bufi nö ma bleaano wei ma cui, ö̦jö tä dodijidawä fa dalalönö, a bufi nia doblao fe yadio. Jeobaa a nosie fuamobä a lä cui, a lä bejedimou wei ö̦jö a. Ö̦jö a lä daö wejei bä lä cui, a daöje yalo, jai bä bejedimou waiquiwä Jeobaanö bä nofi nia bluca tabou. Bä doblou lä mlai, cama lija etä nowa nia bluca yädäo.

Lucas 6:46

Abinaja Jesúsnö bä nowa taö showaoma. —Cafä wamacö nija ya tä tamaö lä bufii wei wama tä taö mlao däjä, ¿wedi tä tabä camiyä nija “¡Bada tä, Bada tä!” wamacö jole jole cudii buo?

Juan 14:15

Jesús a wa̦ faö co̦oma. —Wamale nofimaö ja, ya tä tamaö lä bufii wei wama tä nofi nia cadidibou.

Juan 15:10

Wamale a̦ nofi cadidibou ja, bämacö lä nofimale tä ja wamacö nia yanöcöo. Fayä ya wa̦ nofi cadidibolanö, camanö wale lä nofimale tä ja ya e yanöcöwä lä culenaja showawä.

Juan 15:14

Ya tä taamaö lä bufii wei wama tä taö ja, iba nofi lä wamacö.

Juan 17:3

Cafä Yai Bada wa bejedi cua lä ayale wa daöje ja, camiyä Jesucristo wale lä shömöleno wei wale ca̦i daö mö feduoje ja, ö̦jö tänö bä nia ba̦limi cuo.

2 Corintios 4:6

Tä mö didiobä jamö, cama a wa̦nö tä jaba lä wacacadamaleno wei a lä cuinö, ö̦jö a showawänö, yamalecö bufi malä wacacamabole. Cristonö Yai Bada tä doblao lä damalaleno weinaja, inaja showawä yama tä dablamaö cuo mö feduobä. ¿Ö̦jö tawä? Tä mö ma dödöono wei ma cui, abenaja a jaba cuu malä balöono wei. Bei. Tä da wacacablalu. Einaja a cuma.

Hebreos 5:9

A wa̦ fuaö fe lä yadiono wei tänö, a nia lä doblao wei a yai cublou dodijilayoma. Inaja a fa cublalunö, cama a wa̦ lä fuaö wejei bä lä cui, bä fucäaö shi wa̦libä e cublou showadalayoma.

1 Juan 2:13

Bada wamacö. Yai Bada a sho cäcöbö cuo lä balöono wei a lä cui wama a daö cudeenö, cafä wamacö nija ya tä a̦ oni shömaö mö fedua. Fiya wamacö. Fecula bada a yai lä wa̦lidii a lä cui nija wamacö nö wa̦lojaö waiquia yalo, cafä wamacö nija ya tä a̦ oni ca̦i shömaö mö fedua. Oshe wamacö. Yai Bada nija bämacö lä Fö̦ömou wei wama a fei däjä daö yalo, cafä wamacö ma cui nija ya tä a̦ ca̦i shömaö mö fedua.

1 Juan 3:14

Bämacö nomaö shi wa̦libä, bämacö ma cuono wei ma cui, ba̦limi bämalecö tablamaö nömöjölayoma. Jesucristo bäma ebä lä nofimaö wei tänö, ba̦limi bämalecö lä tablamaleno wei bäma tä daö. Täbä nofimaö lä mlajei bä lä cui, bä nomaö shi wa̦libä jamö bä cudia showaa lä cule.

1 Juan 3:19

Inaja bämacö cuaaö ja, Yai Bada tä lä bejedi wei, bäma ecö nö nia ö̦jöböamou. Bufi quilijou mlai ja, Yai Bada bäma a wa̦ nofi mölabolanö, bämacö nia icuo.

1 Juan 3:6

Ö̦jö cudeenö, Jesucristo nija bä yanöcöwä lä cuo wei bänö tä wa̦lidiwä taimije. Wa̦lidiwä tä lä taö wejei bä lä cui, Jesucristo nija bä bufi jaducuwämi. A ca̦i daimi waiquiweje.

1 Juan 4:13

Camiyä bämacö nija Yai Bada tä Bufi jöbömobema yalo, a yanöcöwä lä cudio wei bäma tä daö. Cama nija bämacö yanöcöwä cudia mö lä fedule tä ca̦i.

1 Juan 4:7

Iba wamacö. Bämacö yai da nofimayo, ö̦jö lä. Nofimou tä lä cui, ö̦jö Yai Bada etä waiquiwä malä cui. Täbä yai lä nofimaö wejei bä lä cui, ö̦jö Yai Bada bei ijilubö ebä waiquiwä. Ö̦jö bänö a ca̦i daöje.

1 Juan 5:19

Camiyä Yai Bada bei ijilubö bäma ecö waiquiwä ma cui, a yai lä wa̦lidii a lä cuinö, yanowamö täbä bluca tabou dicoa. Ö̦jö bäma tä ca̦i daö.

1 Juan 5:2

Yai Bada bäma a nofimaö däjä, tä tamaö lä bufii wei bäma tä a̦ nofi ca̦i cadidibou däjä, ö̦jö däjä cama bäma ebä yai nofimaö cuquei.

1 Juan 5:3

Yai Bada bäma a nofimaö ja, tä tamaö lä bufii wei bäma tä a̦ nofi nia cadidibou. Bämacö bufi nö modawä bleaaö mlai ja, bämacö nia cadidou.

Apocalipsis 12:17

Ö̦jö däjä, suwä nija täcö nö wa̦lowä fa jushudalunö, bä ijilubö ai ebä nija a ishou mö juma, Yai Bada tänö tä tamaö lä bufii wei tä a̦ nofi lä cadidibou wejei bä lä cui nija. Jesucristo a wa̦fa lä wäyäö wejei bä nija ca̦i.

Apocalipsis 14:12

¿Ö̦jö tawä? Yai Bada ebä lä cui, bä nö wa̦lojaö fe yadiobä, ö̦jö lä. Ö̦jö bä lä cuinö, Yai Bada tänö tä tamaö lä bufii wei tä a̦ nofi cadidibouje. Jesús a nofi mölabou fe yadioje.

Apocalipsis 22:14

Bä camishibö lä yaluu wejei bä lä cui, bä aublou cudeenö bä bufi nia yai doblalou. Inaja bä cuaaö yalo, Jelusale a shabono dude jamö bä li fablaabä bä li, bei yocabä lä cublai jamö. Ba̦limiblamodima fibä ja bä iyabä.