1 Juan 2:2 - Biblia Yanowamö

² Camiyä bämacö doblou lä mlai, ö̦jö nija Yai Bada tänö bämalecö nowa bluca mladamalema. ¿Ö̦jö tawä? Camiyä bämacö befi shino ayawä mlai, yanowamö täbä bluca lä cublai bä nowa ca̦i mladamaö mö feduobä, a shämou ojodaoma.

1 Juan 2:2 Iomraidhean Croise

Levítico 16:10

Ö̦jö ma cui, fecula Asaselo e yalo lä cui, täbä yanowamö doblou lä mlai bä nija ya tä nowa mladamabä, Jeobaa ya lä cule jamö wa nia demi dodobou, ulifi bloque jamö a yalo shömamobä, Asaselo nija.

Lucas 14:22

’Ö̦jö däjä, bada a nosie juamobä e lä cui, a waloa fa co̦icunö, abinaja e cuma. “Bada tä. Wale nowa lä tano weinaja ya cuaaö bäa ma cule, bä oimi showawä”, a cuma.

Juan 1:29

Ö̦jö tä fena ja, Jesús a juu fa dalalönö, Juan a wa̦ fama. —¡Ei, ei! Quiji a lä cui, Yai Bada tänö a shömölema. Oweja a wa̦fa ocalo lä jilamou wei a. Bita jamö täbä lä bälöblai täbä nowa wa̦lidiwä mladamabä, a nia lä shämou wei, ö̦jö lä a.

Juan 12:32

Camiyä ya lä cui, ya befi ca̦i nia i̦tao. Ö̦jö däjä, bluca bä lä bälöblai, camiyä nija ya bä nia ajedamaö —a cuma.

Juan 4:42

Ö̦jö bä lä cui, abinaja Samaliateliyoma nija bä cuma. —Fei däjä, ö̦jö bäma a wa̦ bejedi bufii lä cule, cafä wa wa̦ ja bädawänö mlai. Camiyä yamacö ma cuinö yama a wa̦ malä ji̦lileno wei. Yama a daö. Yanowamö jödödöwä täbä nia lä jucäaö wei, ö̦jö lä a waiquiwä —bä cuma.

Hebreos 2:17

Jesús bäma ecö fääshäbö cuwä lä dodijiinaja Jesús a cublou mlao fa cunoja, Yai Bada tä lä cule jamö dodijidawä bämalecö nofi nia lä bäyäbou wei, a nö Bada cuobö mlai. Camiyä bämacö lä culenaja a cuoma cudeenö, a bufi asimou. Bäma a nofi mölabobä a. Yanowamö bämacö lija tä nowa ma cule ma cui, a shämou läoma, bämalecö nowa mladamabä. ¿Ö̦jö tawä?

1 Pedro 2:24

Cama mayo mlai ja, camiyä bämacö mayo ja a yai shämolayoma. Wa̦lidiwä bäma tä lä tano wei, cama nija tä bluca fa yädäblalunö, fii balitama defi jamö ö̦jö tä ca̦i bluca wa̦lidiwä yauoma. Wa̦lidiwä tä ja bämacö cuo co̦o mlaobä a li inaja cuaama. Nomawä bä yabäcäomi lä culenaja bämacö fa cuonö, tä lä dodijidai tä jamö bämacö shino yai cuo nomöjöobä. Cama a lä dusimalaleno wejei tänö, bämacö bufi malä jalolayono wei.

1 Pedro 3:18

Cristo a ma cui, nowa mlai ja a nö malä bleaamano wejei. Camiyä bämacö doblou lä mlai tä nowa ja, ö̦jö cä lä a moli shämoa malä showadalayono wei. A yai lä cadidou wei a lä cui, a shämoa lälayoma, bämacö cadidou lä mlai, Yai Bada nija bämalecö lulubobä. Bei a yai nomaa cadidilayoma ma cui, Yai Bada bei a Bufinö a demi jocädamaö co̦layoma.

1 Juan 1:7

Ö̦jö ma cui, tä shi̦i lä wacacai jamö cama Yai Bada tä lä culenaja, ö̦jamö bämacö cudia mö fedua ja, dodijidawä bämacö nofi nia yai shino tamayou. Ö̦jö däjä Yai Bada bei Ijilubö Jesús i̦yäbönö, wa̦lidiwä bäma tä lä taö wei tä bluca ja, bämacö aublou co̦layou.

1 Juan 3:5

Wama tä malä dale. Wa̦lidiwä tä bluca lä cui, Jesucristonö tä joyabä a juma. Cama etä wa̦lidiwä cuami.

1 Juan 4:10

¿Ö̦jö tawä? Camiyä Yai Bada nija bämacö nofimou dobloimi dicowä. Camanö bämalecö lä nofimaö wei bäma tä dablaö däjä, nofimou tä lä cui bei bäma tä shino yai dalalei. Bä Ijilubö e shämou läobä a malä shömöleno wei, wa̦lidiwä bäma tä lä taö wei tä nowa bluca mladamabä.

1 Juan 4:14

Yanowamö täbä jucäabä, bämacö lä Fö̦ömou wei a lä cuinö, bä Ijilubö e shömölema. Yama a möma. Yama a wa̦fa bejedi ca̦i wäyäö.

1 Juan 5:19

Camiyä Yai Bada bei ijilubö bäma ecö waiquiwä ma cui, a yai lä wa̦lidii a lä cuinö, yanowamö täbä bluca tabou dicoa. Ö̦jö bäma tä ca̦i daö.

Apocalipsis 12:9

Ö̦jö däjä Yaitawä täcö bada shäyäbalemaje, täcö cuo lä balöono wei täcö lä cui. Fecula bada täcö a̦fa jilou. Sadanasi täcö a̦fa ca̦i jilou. Jödödöwä bä lä bälöblai bä lä mölamaö wei täcö. Cama täcö ma cui, cama ebä ma cui, bita jamö ö̦jö bä bluca shäyäbalemaje.