1 Juan 2:16 - Biblia Yanowamö

¹⁶ Yanowamö täbä doblou malä mlai. Bä cuaaö bufi lä doblao wei tä ja, bä shi shino li jaliblalou. Bä bufi waiyou. Cama bä nofi shino doablamou. Yai Bada bäma a nofi lä Fö̦ömaö wei a lä cuinö, ö̦jö tä nabä shömaimi. Yanowamö ö̦jö cama etä li.

1 Juan 2:16 Iomraidhean Croise

Génesis 3:6

Einaja cäcö cuu ja, suwä anö defi fa mönö, täcö dodijidawä dalalema. Defi ca̦i liyäjäwä dalalema. A bufi nia lä jaducublou wei tä ca̦i fa dalalönö, imicö quequema. Täcö fa jucälänö täcö walema. Bei fe̦yalobö e ca̦i dobäa fa showadalönö, ö̦jönö täcö ca̦i waa mö fedulema.

Génesis 6:2

yai täbä bälöo mö lä feduono wei täbänö, bä moco liyäjäwä dalalemaje. Bä fa yaialalöjenö, bä dolalemaje.

Proverbios 6:25

Ö̦jö wa suwä liyäjäwä möö ja, a bufi daeo dijä. Wa lä mödii wei tänö a bufi taamamo dijä.

Números 11:34

Ö̦jö cudeenö, tä a̦fa ulifi jilaquemaje. Ö̦jamö yalo bä ja bä bufi waiyou nofi lä jushuano wei bä nomawä didiquemaje yalo, Quiblodadaba tä a̦fa ulifi jilaquemaje.

Números 11:4

Bei. Isaeli ebä nijamö, shomi bä lä coyocoono wei bänö, yalo bä bufijadii nofi jushuamaje. Ö̦jö bä a̦ fa julejenö, inaja showawä Isaeli ebä ca̦i ö̦cöö cuaaö mö feduoma. Abinaja bä cuma. —¡Shädayai! ¡Yalo yama bä nö wabimi waiquiwä!

Mateo 4:8

Ö̦jö däjä, tä jefu ösöwä lä dodijii jamö, fecula badanö Jesús a bälaquedayoma. Ö̦jamö cäcöbö culanö, Jesús nija, bita jamö täbä jödödöwä bälöblawä lä yaiblai täbä jömaö cuaama, täbä madofibö nowa lä bluca wei bä ca̦i.

Mateo 5:28

Ö̦jö ma cui, abinaja bämacö nowa taö lä cule. Suwä bä nijamö täbä mamo beshili lä showablalou wei bä lä cui, bei bä bufi jamö bä joleblalou waiquia lä cule.

Lucas 4:5

Ö̦jö däjä, tä ösöwä lä dodijii jamö, fecula badanö Jesús a bälaquedayoma. Ö̦jamö cäcöbö culanö, Jesús nija, bita jamö täbä jödödöwä bälöblawä lä yaiblai täbä jömaö cuaama.

Romanos 13:14

Bada tä Jesucristo a shi̦lo yai da owämaje, cama a lä dodijano weinaja wamacö cuaaö mö feduobä. Yanowamö täbä showadi cuaaö bufi lä doblao wei tä ja bä bufi daeo dijä, wamacö inaja cuaaö dicoo mlaobä.

1 Corintios 10:6

¿Ö̦jö tawä? Yai Bada tänö ö̦jö bä nö badabö taamaö lä cuaano wei tä a̦ ja, bämacö wasöobä tä a̦ li. Wa̦lidiwä tä lä cui ja, ö̦jö bä bufi yaimou lä cuaano weinaja bämacö bufi yaimou cuaaö mlaobä.

Gálatas 5:17

¿Ö̦jö tawä? Yanowamö täbä showadi lä cuaaö wei tä ja, Yai Bada tä Bufi läa malä cui. Inaja showawä, Yai Bada tä Bufinö täbä taamaö bufi lä doblao wei tä ma cui ja, yanowamö täbä bufi läa mö fedua. Täbä doblamaö mlaobä showadi tä läa.

Gálatas 5:24

¿Ö̦jö tawä? Yanowamö showadi täbä bufi waiyou nofi lä jushuaö weinaja, Jesucristo ebä bufi jaba cuaaö mö ma feduono wei ma cui, fei däjä bä cuaaimi majöwä. Fii balitama tefi jamö Jesucristo a lä shämolayono wei däjä, cama etä ca̦i shadia yädämaquemaje.

Efesios 2:3

Ö̦jö bä lä cuaaö weinaja, camiyä bämacö bluca ma cui, inaja bämacö ca̦i jaba cuaama. Wa̦lidiwä bäma tä lä didibole tä ja, bämacö showadi luluamoma. Bämacö cuaaö bufi lä doblaono wei tä ja, bämacö cuaaö shalilioma. Wa̦lidiwä bämacö cuo waiquioma yalo, Yai Bada tä nö wa̦lowä lä jushudou wei a lä cuinö bämalecö nö nia blemaboma, ai bä nö nia lä blemabou weinaja showawä.

Tito 2:12

Bämalecö nofi lä jalujubou wei bäma tä fa dalalönö, bämacö bufi wasöo cuquei. Yai Bada tänö tä tamaö bufio lä mlai, bäma tä bluca joyaö cuquei, bämacö bufi lä shominajaaö wei tä ja bämacö bufi yacläö mlaobä. Bita jamö bämacö cua showalanö, bufi dao bämacö cuobä. Bufi cadidiwä bämacö cuobä. Yai Bada bäma a bufi doblamabobä.

Tito 3:3

¿Ö̦jö tawä? Camiyä bämacö ma cui, bämacö dodijaö mada mlaoblei. Bämacö bufi mojoduo bufi fa doblaonö, bämacö fe mada blacäjoblei. Bämacö bufi yaclälayoma. Bufi waiyou tänö bämacö nö bleaaö fa balalönö, bämacö bayeliblamobä tä cuonomi. Bämacö bufi wa̦lidiwä ca̦i fa bälöonö, bä dodijaö lä ayao wei showadi bäma bä nofi wa̦liboma. Bämacö nofi bluca wa̦liayoma.

Santiago 3:15

Wamacö bufi a̦fa jaducuwä ma tao wei ma cui, inaja wamacö lä cuaaö wei wamacö lä cui, wamacö bufi jaducuwämi. Yai Bada nija wamacö bufi taamamou malä mlai. Ma, yanowamö showadi täbä lä cuaaö weinaja, wamacö cuaaö bädawä dicowä. Yai Bada tä Bufi ja wamacö luluamou mlai ja, fecula bada a nija wamacö yai luluamou dicoa.

Santiago 4:16

Ö̦jö ma cui wamacö nofi yaimamou fa dicoonö, jai cafä wamacö showawänö wama tä bluca cadejebou waiquiwä, wamacö a̦ ji̦limamou cuwä dicowä. Inaja täbä a̦fa wäamamou lä cuo wei tä wa̦lidiwä waiquiwä.

1 Pedro 1:14

Yai Bada tä a̦ yai da juaje, bä fö̦ö ebä a̦ dodijidawä juaö lä culajeinaja showawä. Wamacö malä Fö̦ömou wei. Wamacö bufi mojoduo showao däjä, wamacö showadi cuaaö bufi lä doblaono weinaja bä cuaa dijä.

1 Pedro 2:11

Iba bämacö lä nofimaö wei wamacö. Ei cafä wamacö ulifibö mlai. Shomi täbä bälöblao cuo lä bädao weinaja wamacö cublao buobä wamacö. Ö̦jö cudeenö, cafä wamacö nija ya wa̦ fe blacäjou. Yanowamö showadi täbä cuaaö bufi lä doblao wei tä ma cule ma cui, ö̦jö tä ja bä noshi ö̦jödao dijä. Wamacö bufi wa̦lidiblou dicoo mlaobä. ¿Ö̦jö tawä? Shomi wamacö malä cui.

2 Pedro 2:10

¿Ö̦jö tawä? Bä doblou lä mlai, Yai Bada tänö bä nö bleaamaö daö lä. Bä nofi showadi lä jushublalodii wei bä lä cui, ö̦jö bei bä nö bleaamaö yaio, bä lä joleblalou wei bä lä cui. Yai Bada tä a̦ juaö bufiomije. Bä fe yadiblou cudeenö, ö̦jö bä nö bleaamaö yaiquei. Mijamö tä a̦ jole lä wäyäö wejei bä lä cui, bä caficö a̦ ca̦i quilibloimi. Täbä lojode lä läladi täbä ma cui täbä nö ca̦i waiblaöje. Bä quiliimi dodijiwä.

2 Pedro 2:18

Inaja showawä, miji bä lä jolemou wei bä a̦nö täbä mölamaöje. Jesucristo nija bä dude lä cublou wei bä lä cui, ö̦jö bä yai mölamaöje. Täbä bufi lä yacläle täbä nija bä mili docuu ma waiquio wei ma cui, miji bä lä jolemou wei bänö bä jo̦wa yabäcadii dicoaje. Bä a̦ dobloimi. Cama bä a̦ ji̦limamou bufi fa doblaonö bä a̦ faablalou ma cui, bä a̦ shifilimoablalou bädao. Bä nofi cama lä jushuaö wei jamö bä luluaö nomöjöaje.