1 Juan 2:12 - Biblia Yanowamö

¹² Ijiluyä wamacö. Jesucristo a shämou lä läono wei tänö wamacö nowa mladamalema yalo, cafä wamacö nija ei ya tä a̦ oni shömaö.

1 Juan 2:12 Iomraidhean Croise

Lucas 24:47

Bluca bä bälöjöwä lä yaiblai bä nija, camiyä ya wa̦ lojodenö, tä a̦ nia wäyämou blaucubloma, wa̦lidiwä tä ja bä bufi lä lädou wei, Yai Bada tänö tä nowa nia lä mladamaö wei tä a̦ lä cui. Jelusale jamö tä a̦ nia wäyämou fa balöonö, bluca bä lä bälöblai bä nija tä a̦ nia wäyämou cuaaö nomöjöoma.

Lucas 5:20

A nofi lä mölabou wejei, Jesúsnö etä fa dalalönö, abinaja a cuma, a lä ya̦toliböono wei a nija. —Bei. Wa doblou lä mlai, afä ya tä nowa bluca mladamaö lä cule —a cuma.

Hechos 10:43

¿Ö̦jö tawä? Yai Bada a wa̦no wäyälewä bä bluca lä cuinö, Jesucristo a wa̦fa wäyäö balöomaje. Ö̦jö a bejedi lä bufibou wejei bä bluca lä cui, bä doblou lä mlai tä ma cule, Yai Bada tänö tä nowa nia jo̦wa mladamama. Inaja bä jo̦wa cuu balöoma —Pedronö bä nowa tama.

Hechos 13:38

’¿Ö̦jö tawä? —a cuma—. Iba wamacö. Ei ya wa̦ lä cui, wamale a̦ da ji̦lilä. Ö̦jö a demi jocädamaö lä co̦layono wei a lä cui, wama a nofi mölabou ja, wamacö doblou lä mlai tä ma cule, Yai Bada tänö tä nowa mladamalei. Tä nowa lä mladamaö wei tä a̦ ja, bämacö yömölaö lä cule.

Hechos 4:12

Ai a nija bämacö nia lä jucäamou wei a cuami. Jödödöwä täbä lä bälöblai täbä ma cui nija, ai a wa̦fa wäyämamou malä mlai, bämacö jucäamobä —Pedronö bä nowa tama.

1 Corintios 6:11

Inaja ai wamacö ca̦i jaba cuaaö ma balöono wei ma cui, wamacö aublaliyoma. Yai Bada wama ecö cublaliyoma. Bada tä Jesucristo lä cuaano wei tänö, jai wamacö dodijaö waiquiwä wamacö nofi tabou majöa. Yai Bada tä Bufinö inaja wamacö taamama, bäma a lä bufiblaö wei a Yai Bada lä cuinö.

Efesios 1:7

Wa̦lidiwä tä ja, Jesucristo i̦yäbönö bämalecö fujeblamalema. Bämacö doblou lä mlai tä nowa mladamalema. ¿Ö̦jö tawä? ¡Bejedi lä bämalecö nofi ojodabou!

Efesios 4:32

Dodijidawä täbä ca̦i shi̦lo yai da cuoje. Täbä nofi da ojodaboje. Cristo lija wamacö fa yädäicunö, Yai Bada tänö wamacö nofi asibou lä cuono weinaja, cafä wamacö ma cui wamacö nofi nia asiboyou cuo.

Colosenses 1:14

Ö̦jö lija bämacö nowa co̦molayoma. Bämacö doblou lä mlai, tä nowa bluca mladamalema.

1 Juan 1:4

¿Ö̦jö tawä? Cafä wamacö nija yama tä a̦ wäyäö lä cule, bämacö bufi bluca yai doblalou fe balojoobä.

1 Juan 1:7

Ö̦jö ma cui, tä shi̦i lä wacacai jamö cama Yai Bada tä lä culenaja, ö̦jamö bämacö cudia mö fedua ja, dodijidawä bämacö nofi nia yai shino tamayou. Ö̦jö däjä Yai Bada bei Ijilubö Jesús i̦yäbönö, wa̦lidiwä bäma tä lä taö wei tä bluca ja, bämacö aublou co̦layou.

1 Juan 1:9

Wa̦lidiwä bäma tä lä taö wei, Yai Bada nija bäma tä a̦fa wäaö ja, tä nowa nia mladamaö. Bämalecö nia aublaö co̦o. A wa̦ malä cadidou wei. Ö̦jö lä showadi a shino dodijaö.

1 Juan 2:1

Ijilu bä. Wa̦lidiwä wama tä taö mlaobä, ei ya tä a̦ oniblaö lä cule. Ö̦jö ma cui, wa̦lidiwä bäma tä taö bädao ja, bämalecö nofi nia lä bäyäbou wei a cuadayoa. Bä Fö̦ö e nijamö Jesucristo a cuadayoa, a shino lä cadidou wei a lä cui.

1 Juan 2:21

Wama tä a̦ daö yalo, cafä wamacö nija ya tä a̦ oni shömaö. “Tä a̦ daimije”, bämacö nofi taboimi. Bejedi tä a̦ jamö, jolemou tä a̦ coyocoo dao lä mlai wama tä ca̦i daö waiquiwä.

1 Juan 2:7

Iba wamacö. Cafä wamacö nija Yai Bada tänö tä tamaö lä bufii wei ya tä a̦ oniblaö lä cule. Jesucristo wama a lä bufiblaleno wei däjä, wama tä a̦ jaba lä ji̦lileno wei tä a̦ showawä. Tä a̦ dudemi. Wama tä a̦ ji̦lia waiquilema.