1 Juan 2:11 - Biblia Yanowamö

¹¹ Ö̦jö ma cui, cama ai ebä nofi lä wa̦libou wejei bä lä cui, mö didi jamö ö̦jö bei bä cua. Ö̦jamö bä cudia showaa lä cule. Mö didi tänö jai jubäbö bä li cuwä yalo, bä nö cadidoblobimi waiquiwä.

1 Juan 2:11 Iomraidhean Croise

Proverbios 4:19

¿Ö̦jö tawä? Bä doblou lä mlai bä lä cui, tä mö didi suble jamö bä fuu. Bä lä wäcäcamaö wei tä lä cui, tä daimije. Bä bufi dao mlalanö bä nö mojodili bleaafälöö.

Juan 12:35

Abinaja Jesúsnö bä nowa tama. —Cafä wamacö nija lobe tä shi̦i cublaa. Ei tä shi̦i cua lä showale däjä, bä da cadidofälö, mö didi tä ja wamacö shi wa̦lia dicoicu. Tä mö didiobä jamö bä lä juu wei, bä mojodili ca̦i juu.

Juan 12:40

Jai bä mamo casö miblawä, Yai Bada tänö bä tablamalema. Bä bufi ca̦i jifumaboma, tä lä dablaö wejei tä nö ö̦jöböaö mlaobeje. Bä bufi yai jaducublou mlaobä. Bä demi cudiobä, Yai Bada nija bä bufi mö yabajadou mlaobä. Einaja tä a̦ cuu.

2 Corintios 3:14

Ö̦jö ma cui, ö̦jö bä lä cui bä bufi jifua dicolayoma. Fei däjä ma cui, Yai Bada tänö tä a̦ jaba lä wäqueno wei tä a̦ ji̦liaöje däjä, etä läblawä malä showai, bä bufi jaducäblou mlaobä. Moisesi buficö jo̦yao däjä, a dablaö lä mlaono wejeinaja bä cuwä malä showai. Ö̦jö etä lä läblai, Cristo a bufiblamou däjä etä shi̦lo joyamou.

2 Corintios 4:4

Bita jamö Sadanasi a bada lä bufiblamou wei a lä cuinö, ö̦jönö bä bufi mojodumabou. Dodijidawä tä a̦nö bä bufi wacacablou mlaobä cama etä a̦ li lämaö. Tä a̦ bejedi bufii lä mlajei, showadi inaja bä li taamaö, Cristo a nö doblao ö̦jöböaö mlaobeje. ¿Ö̦jö tawä? Yai Bada a cuwä lä dodijiinaja, Cristo a cua mö fedua.

Tito 3:3

¿Ö̦jö tawä? Camiyä bämacö ma cui, bämacö dodijaö mada mlaoblei. Bämacö bufi mojoduo bufi fa doblaonö, bämacö fe mada blacäjoblei. Bämacö bufi yaclälayoma. Bufi waiyou tänö bämacö nö bleaaö fa balalönö, bämacö bayeliblamobä tä cuonomi. Bämacö bufi wa̦lidiwä ca̦i fa bälöonö, bä dodijaö lä ayao wei showadi bäma bä nofi wa̦liboma. Bämacö nofi bluca wa̦liayoma.

2 Pedro 1:9

Inaja bä cuaaö lä mlai bä lä cui, jai täbä möö blajabloimije bä cuwä. Jai bä jubäbö bä cuwä. Bä jaba lä cuaano wei tä ja, Yai Bada tänö bä aublaö ma waiquilayono wei ma cui, ö̦jö tä nofi mojodubou co̦o majöo dicooje. Ö̦jö ma cui cafä wamacö lä cui, inaja bä cuaa dijä. Dodijidawä tä shino yai da balamalöje.

1 Juan 1:6

Mö didi tä jamö bämacö cua showalanö, ö̦jö sho bämacö nofi a̦fa tamayou ma wäyämou wei ma cui, bämacö jolemou waiquiwä. Bejedi tä lä cule jamö bämacö cuami.

1 Juan 2:10

Cama ai ebä lä nofimaö wejei bä lä cui, shi̦i wacacawä jamö ö̦jö bei bä shino yanöcöwä cua lä cule. Ö̦jamö lä bä mojodili wäcäcäablalobä tä cuami.

1 Juan 2:9

Ai bä lä cui, “Shi̦i wacacawä tä jamö ya cua”, bä ma cuu wei ma cui, cama ebä mashi nofi wa̦libou dicooje ja bä jolemou. Mö didi jamö bä cua showaa.

1 Juan 3:15

Cama ai ebä nofi lä wa̦libou wejei bä lä cuinö, jai bä shäö waiquiaje Yai Bada tänö bä nofi tabou. ¿Ö̦jö tawä? Täbä lä shäö wejei bä ba̦limi cuobä bä malä mlai. Ö̦jö wama tä daö.

1 Juan 4:20

“Yai Bada ya nofimaö”, bä cuu ma cui, cama ai ebä nofi wa̦libou dicooje ja, bä jolemou waiquiwä. Cama ai ebä ma dablou wei ma cui, ö̦jö lä ebä nofimaimi waiquiweje ja, Yai Bada tä dablamou lä mlai bei tä nofimaimi yaiweje.

Apocalipsis 3:17

Abinaja bä malä cuu wei. “Ya nö madofibö waiquiwä. Fei däjä dodijidawä ya yai cua lä cule. Ya jo̦li malä mlai”, bä ma cuu wei ma cui bä nö yai beblalou dodijiwä. Bä nofi ojode tablamobä bä li. Bä nö jo̦lili bleaaö. Bä jubäbö. Bä shinoco.