1 Juan 2:10 - Biblia Yanowamö

¹⁰ Cama ai ebä lä nofimaö wejei bä lä cui, shi̦i wacacawä jamö ö̦jö bei bä shino yanöcöwä cua lä cule. Ö̦jamö lä bä mojodili wäcäcäablalobä tä cuami.

1 Juan 2:10 Iomraidhean Croise

Mateo 13:21

Ö̦jö ma cui, mobä nasöcö daloblou fa mlacunö mosibä nö dedejebloimi. Ö̦jö mosibä lä culenaja bä lä cui, bä nö jaba wa̦lojaö ma bäquei wei ma cui, bä yabäcamou däjä yedu bä waiquidou. Tä a̦ lä däaö wejei tä a̦ nowa ja, bä nö bleaamaöje däjä, inaja showawä bä waicou.

Mateo 18:7

Abinaja Jesús a cuma. —Wa̦lidiwä tä jamö täbä yabäcamobä, showadi tä cublawä yalo, bita jamö bä yanowamö lä bälöblai bä nö bleaaö lä cudi. Tä cua ma cule, täbä yai lä yabäcaö wejei bä lä cui, täbä wa̦lidiblamaöje yalo, ö̦jö bä nö nia shino yai bleaaö dodijio.

Juan 11:9

Abinaja Jesús a cuma. —Bä quili dijä. Tä mö jaba wacacablou lä fenao wei däjä, ¿tä mö wacacawä nö dedeaimi daanö? Tä mö wacacao showaobä jamö täbä juu ja, motoca shi̦i cua yalo, täbä nö mojodili bleaaimi.

Juan 12:35

Abinaja Jesúsnö bä nowa tama. —Cafä wamacö nija lobe tä shi̦i cublaa. Ei tä shi̦i cua lä showale däjä, bä da cadidofälö, mö didi tä ja wamacö shi wa̦lia dicoicu. Tä mö didiobä jamö bä lä juu wei, bä mojodili ca̦i juu.

Juan 8:31

Ö̦jö däjä, Jesús a wa̦ bejedi lä bufileno wejei bä judio lä cui bä nija abinaja a cuma. —Showadi wamale a̦ nofi cadidibou ja, camiyä nija bejedi lä wamacö nia shino yai nocao.

Romanos 14:13

Bämalecö nia yai lä jimaö wei tä cua waiquiadayoa ja lä, bämacö jimayou da mlado. Bämacö nia yai lä doblamayou wei tä ja, bämacö bufi yai da cadido. Camiyä bämacö lä cuaaö wei tänö, Jesucristo ai ebä mö feduwä lä cui bäma ebä yaclämaö dicoo mlaobä. Bäma ebä bufi ca̦i lä wedinajamomaö wei tänö bä dobloimi majöo mlaobä.

Filipenses 1:10

Wamacö bufi walalalanö, dodijidawä tä lä cui wama tä yaiabä. Wamacö bufi ca̦i shomitawä coyocoablalou mlai ja, wamacö yai dodijabä. Inaja wamacö cuaalanö, Jesucristo a fuu co̦o däjä wamacö dobloimi jimaö mlaobä.

2 Pedro 1:10

¿Ö̦jö tawä, iba wamacö? Ö̦jö cudeenö wamacö yai dodijabä, bä bufi nö shino da wa̦lojoicu, Yai Bada tänö wamacö lä nacaleno wei wama tä dablamabä. Wamacö lä yaileno wei tä ca̦i. Cama wama ecö cuobä wamacö malä yaileno wei. Inaja wamacö cuaaö ja, wamacö dodijaö cuquei. Obi ma cui wamacö bufi nia shomiblou majöomi.

1 Juan 2:11

Ö̦jö ma cui, cama ai ebä nofi lä wa̦libou wejei bä lä cui, mö didi jamö ö̦jö bei bä cua. Ö̦jamö bä cudia showaa lä cule. Mö didi tänö jai jubäbö bä li cuwä yalo, bä nö cadidoblobimi waiquiwä.

1 Juan 3:14

Bämacö nomaö shi wa̦libä, bämacö ma cuono wei ma cui, ba̦limi bämalecö tablamaö nömöjölayoma. Jesucristo bäma ebä lä nofimaö wei tänö, ba̦limi bämalecö lä tablamaleno wei bäma tä daö. Täbä nofimaö lä mlajei bä lä cui, bä nomaö shi wa̦libä jamö bä cudia showaa lä cule.