1 Juan 2:1 - Biblia Yanowamö

¹ Ijilu bä. Wa̦lidiwä wama tä taö mlaobä, ei ya tä a̦ oniblaö lä cule. Ö̦jö ma cui, wa̦lidiwä bäma tä taö bädao ja, bämalecö nofi nia lä bäyäbou wei a cuadayoa. Bä Fö̦ö e nijamö Jesucristo a cuadayoa, a shino lä cadidou wei a lä cui.

1 Juan 2:1 Iomraidhean Croise

Lucas 10:22

’¿Ö̦jö tawä? —a cuu nomöjöoma—. Jödödöwä täbä nija ya Bada läobä, Fayänö wale tablamalema. ¿Ö̦jö tawä? Yanowamö täbänö wale daimije. Fayä a lä culadinö, bä Ijilubö ya e lä cui, wale shino daö ayawä. Inaja showawä, Fayä a daö ma mlajei ma cui, camiyä bä Ijilubö ya enö, ya shino daö ayawä. Fayä ya dablamaö bufi lä doblao wei bä lä cui nija ya fa damalalönö, ö̦jö bä ma cuinö a daö mö feduaje —a cuma.

Juan 13:33

’Ijiluyä wamacö —a cuu co̦oma—. Cafä wamacö nija lobe ya cublaa lä cule. Wamale nia dayäö. Judio bä nija ya lä cuno weinaja, cafä wamacö ma cui, bämacö nowa taö co̦a lä cule. Ya nia lä cuo wei jamö, wamacö juu daomi.

Juan 14:16

Fayä nija cafä bämacö nö bayeli fa nacalänö, cafä wamacö nija Bayeliawä ai a nia shömaö. Ö̦jönö wamacö ca̦i nia cuo shi wa̦lii.

Juan 14:6

Abinaja Jesús a cuma. —Camiyä ö̦jö ya yoca waiquiwä. Bejedi tä lä cui, ö̦jö ya ca̦i. Täbä ba̦limi cuobä, ö̦jö ya showawä. Camiyä nija bä juu lä mlai, Fayä nija bä waloo daomi.

Juan 21:5

Ö̦jö bä nija abinaja Jesús a cudaliyoma. —Ijilubä. ¿Yuli wama bä ya̦caaö mlao cufe? —a cuma. —Ma. Yama bä ca̦i ya̦caaö buonomi —bä cuma.

Juan 5:14

Ö̦jö tä cublou fa waiquilonö, a lä jalomaleno wei a lä cui, Yai Bada etä yafi jamö Jesúsnö a daa fa co̦lalönö, e a̦ fama. Abinaja e cuma. —Fei däjä wa demi, ¿ö̦jö tawä? Wa̦lidiwä tä taö co̦daa dijä, wa nö yai bleaaö fe balojoa dicoicu —a cuma.

Juan 5:36

’Ö̦jö ma cui, Juannö wale a̦fa ma wäyäö wei ma cui, yale a̦fa yai bejedi wäyäö lä lojode wei, ai tä cua. ¿Ö̦jö tawä? Ya lä cuaaö wei tä showawänö, Fayänö wale lä shömöleno wei tä dablamou malä wawädole. Camanö wale taamaö cudeenö, ya e li cuaaö.

Juan 6:27

’Nii bä mladou si lä ijejei bä ja, bä cuaablalou fe balojoo dijä. Täbä ba̦limi cuobä cäcö nii ja, wamacö shino yai ojodamobä. Ö̦jö cäcö nii ja wamacö dobämobä, ei lä ya waiquiwä, camiyä ya lä yanowamöblaleyoluno wei ya lä cui. Fayä Yai Bada tänö wale nö malä ö̦jöböamale —bä nowa tama.

Juan 8:11

—Ma, tä a̦ wäyäle. Moli ma cui, a wa̦ ca̦i fanomi —a suwä cuma. Abinaja Jesús e cuma. —Camiyä ma cui, ya wa̦ ca̦i nia faimi. A da co̦jamö. Wa̦lidiwä wa tä taö co̦daaö mlai —e cuma.

Hechos 7:52

Yai Bada a wa̦no wäyälewä bä lä cui, ¿bä nö bluca bleaamanomi sijewä? Yai Bada a wa̦ juamobä a lä yaileno wei a ma cui, ö̦jö a wa̦fa juu wäyäö lä balöono wejei bä bluca ca̦i shäa balöalalemaje. Ö̦jö a wa̦fa juu lä wäyäno wejei a lä cui, cafä wamacö lä nodiblaliyono wei wamacö ma cuinö, fei däjä wama a fa nomojolilänö wama a shämalema.

Romanos 5:10

Yai Bada lija bämacö nö nabämou showao däjä, bä Ijilubö e nomaa lä lälayono wei tä ja, bämalecö nofiblamalema. Inaja a cuaama cudeenö, fei däjä Yai Bada tä sho bämacö nofimayou majöa. Bämacö nofimayou waiquilanö, bä Ijilubö e demi cua lä co̦le tänö bämalecö noshi nia yai umlabou.

Romanos 6:15

¿Wedinaja tawä? Moisesi tä a̦ ja bämacö nosiemamobä bämacömi cudeenö, fei däjä ¿wa̦lidiwä bäma tä nia shi̦lo taö daanö? Yai Bada tänö no mlai ja bämalecö nofi ojodabou waiquiwä yalo, ¿“Cuaaö buo”, bämacö nia cuu daanö? Ma. Einaja bämacö nia cuimi.

Romanos 8:34

Bämacö doblou lä mlaono wei tä nowa ja, ¿wedinö bämalecö nö nia li bleaamaö? Jesucristo a shämou malä läono wei. A demi jocädou co̦oma. Yai Bada jayu boco mashi jamö, a loadayoa. Bämalecö nofi bäyäbou culadi.

1 Corintios 15:34

Bä bufi da jaducäicu. Wa̦lidiwä wama tä taö dicoo mlai. “Yai Bada ya daö”, wamacö cuu ma cui, ai wamacö bejedimou malä mlai. Wamacö shädayaimobä ya wa̦.

2 Corintios 5:21

Cristonö wa̦lidiwä tä dano ma mlai ma cui, camiyä bämacö bayeliblamobä, bäma tä wa̦lidiwä lä tano wei Cristo lija tä yädämaquema. Camiyä bämacö lija, Cristo dodijidawä etä lä cui etä yädäo mö feduobä. Cristo lija bämacö bufi fa cuicunö, Yai Bada lija bämacö dodijidawä dablamou fe yadiobä.

Gálatas 4:19

U̦asimi cäbä. Ijilu bä ninibouje ja, bä nofi fo̦limamolanö bä tablaö shi jalimou lä cuaaö wejeinaja, inaja showawä Cristo wama ecö cublobä ya shi ca̦i jalimou cuoma. Fei däjä ma cui, Cristo lija wamacö bufi yai jaducäblobä, bufi yanöcöa mlai ja, shi jalimolanö bämacö yai taamaö bufi doblaa showaa lä cule.

Efesios 2:18

Cafä wamacö ma cui, camiyä yamacö ma cui, Cristo a lä cuaano wei tänö, bä Fö̦ö e lija bämalecö bluca ajedamaö dao malä cui. Ö̦jö cama a Bufi showawänö bämacö ajedou.

Efesios 4:26

Wamacö jushudou bädao ja bä da moyaweicu, wa̦lidiwä wama tä taö mlaobä. Wamacö jushuo showalanö bä fe weya dijä.

1 Timoteo 2:5

A bufiblamobä moli tä Yai Bada malä cule. Öjö lija bämalecö ajedamaö co̦obä, moli a ca̦i yanowamö malä cule, Jesucristo a lä cui.

1 Timoteo 3:14

Bä fe walou jaödao bufi ma doblao wei ma cui, ei ya si oni shimaö balöo, wa moyawäobä.

Hebreos 9:24

Ö̦jö cudeenö, yanowamö täbänö Yai Bada etä yano lä tablaleno wejei jamö, Cristo a fanomi. Ö̦jö a yano lä cui, fedu jamö a yano yai lä culadi a nö li owä cuo balöo bädaoma. Fedu jamö, Yai Bada etä yai yano lä culadi jamö, Cristo a shi̦lo yai falayoma, Yai Bada tä lä culadi jamö bämalecö nofi yai bäyäbodayobä.

Santiago 1:27

Yai Bada bäma a nofi lä Fö̦ömale a lä cuinö bämalecö dodijaö dablabä, abinaja bämacö nia yai cuaaö. Ijilu wajadi bä lä cui bäma bä nofi nia tabou. Suwä bä lä feiblou wei bä ca̦i. Bä nö bleaaö cudeenö bäma bä nia bayeliblaö. ¿Ö̦jö tawä? Yanowamö täbä showadi lä cuaaö wei tä ja, bämacö nia ca̦i yädäbloimi. Inaja bämacö yai cuaaö ja, Yai Bada tänö bämalecö nia shino yai dodijaö dablaö.

Santiago 3:9

Bei bämacö caficönö, Bada bäma tä nofi lä Fö̦ömale bäma tä a̦fa doblao wäyäö. Ö̦jö lä bämacö caficö showawänö, yanowamö bäma bä wafäö. Inaja dicoo mlai. Yai Bada a lä culenaja bä cuobä bä yanowamö ma tablamolayono wei ma cui, Yai Bada a Bufi owäbobeje bä waiquiwä ma cui, ¿wedi tabä bäma bä a̦fa nia li taö dicoo?

1 Pedro 2:22

Cristo a lä cuaano wei tä nofi mojodubo dijejä. Wa̦lidiwä tä tanomi dodijiwä. A wa̦ ca̦i wa̦lidiwä faö buonomi.

1 Pedro 3:18

Cristo a ma cui, nowa mlai ja a nö malä bleaamano wejei. Camiyä bämacö doblou lä mlai tä nowa ja, ö̦jö cä lä a moli shämoa malä showadalayono wei. A yai lä cadidou wei a lä cui, a shämoa lälayoma, bämacö cadidou lä mlai, Yai Bada nija bämalecö lulubobä. Bei a yai nomaa cadidilayoma ma cui, Yai Bada bei a Bufinö a demi jocädamaö co̦layoma.

1 Juan 3:18

Ijilu bä. Bämacö a̦fa nofi wäyämamou buo mlai. Bämacö bejedimolanö, bämacö lä cuaaö wei tänö bämacö yai da nofimayo.

1 Juan 3:5

Wama tä malä dale. Wa̦lidiwä tä bluca lä cui, Jesucristonö tä joyabä a juma. Cama etä wa̦lidiwä cuami.

1 Juan 3:7

Ai shomi täbä a̦ bädawä ja bä möla dijä, ijilu bä. Bä cadidoimi ja, ¿wedi tabä wama bä a̦ li juaö cuquei? Bä lä cadidou wei bä lä cui, ö̦jö bä li cadejewä waiquiwä cudeenö bä li cadidou, Jesucristo a cadidou lä culenaja showawä.

1 Juan 4:4

Ijilu bä. Yai Bada wama ecö waiquiwä. Yai Bada a wa̦no jole jole wäyälewä bä lä cui bä nija wamacö nö wa̦lojoblou waiquilayoma. Bita jamö bä lä cublai bä nija, fecula bada a nö wa̦lojaö ma cule, Yai Bada wama a Bufi lä bälömabole a nö shino yai wa̦lojaö ayawä malä cui.

1 Juan 5:17

Wa̦lidiwä tä bluca lä tamou wei tä wa̦lidiwä waiquiwä ma cui, tä wayu lä mlai tänö täbä nomaimi.

1 Juan 5:21

Ijilu bä. Täbä nö idubö lä bufiblaö wejei täbä ja, bä bufi yabäcamo dijä.

3 Juan 1:4

Ijiluyä ya bä a̦fa bejedimou ji̦liaö däjä, bei ya bufi yai doblalou dodijio lä talei.