1 Juan 1:8 - Biblia Yanowamö

⁸ “Iba tä cuami”, bämacö cuu ja, camiyä bämacö mölamamou bädaquei. Bejedi tä a̦ lä cui bäma tä a̦ taboimi.

1 Juan 1:8 Iomraidhean Croise

Isaías 53:6

Oweja bä mojoluu si ijejewä lä cuaaö weinaja bämacö bluca cuaaö fa dicoonö, bämacö mojoluolaliyoma. Camiyä bämacö cuaaö bufi lä doblao weinaja bämacö li cuaaö dicooma. Ö̦jö tä nowa ja, Jeobaanö bämalecö nö bleaamabä tä ma cuono wei ma cui, ö̦jö lija tä nowa fa majöcönö, tä li yädämaquema.

Juan 8:44

’Faafä fecula bada wama ecö yai ijilubö. Ö̦jönö tä tamaö lä bufii weinaja, wamacö cuaaö bufi doblao. Jaba däjä ma cui, täbä shäö bufi doblao showaoma. A bejedimou daimi yalo, tä lä bejedi wei tä julii daimi waiquiwä. A jolemou däjä, cama a bufi lä cuaaö wei etä wawälayou. Jolemolewä a waiquiwä malä cui. Bä lä jolemou wei bä lä cui, ö̦jö nija bä li fö̦ömou.

Romanos 3:10

Yai Bada tä a̦ oni lä cuu weinaja showawä. Abenaja tä a̦ cuu. A cadejewä lä waiquii, moli ma cui a cuami waiquiwä.

Romanos 3:23

Yanowamö täbä jödödöwänö wa̦lidiwä tä taö malä cujei. Yai Bada tä doblao lä culenaja bä cuwä malä mlai.

1 Corintios 3:18

Jole jole wamacö mölaö bädao mlai. Yanowamö täbä lija a bufi a̦fa jaducäwä tamou shi jalimo dijä. “Wa bufi nofi jaducäbloimi yai”, wa nowa taö fa cunoje ja, tä nö shi̦lo doblaobö wei. Ö̦jö däjä wa bufi shi̦lo yai moyawäblou dodijiobä.

Gálatas 6:3

“¡Camiyä shi̦lo yai!”, wa bufi cuu dicoo ja wa jolemou cuquei.

1 Timoteo 6:5

Bä bufi wa̦lidiwä waiquiwä yalo, Yai Bada tä a̦ nofi mölabou fa mlacujenö bei bä a̦ shi̦lo jö̦shöcou. Abenaja bä bufi jole cuu. “Yai Bada ya bufi doblalamaö ja, ya shi fa ö̦jödamanö ya nö madofibölayou”, bä bufi jole cuu.

2 Timoteo 3:13

Inaja bä taamalajenö, wa̦lidiwä tä lä taö wejei tä ja, bä bufi nia shi̦lo balaö. Jesucristo bufilewä bä a̦fa jole lä jilou wei bä ma cui, ö̦jö bä bufi ca̦i nia balaö mö feduo showao. Ö̦jö bä bluca lä cui, jolemou tä a̦ ja cama bä mölaö fa dicoonö, inaja showawä täbä nia ca̦i mölamaö cuo mö feduoje.

Santiago 1:22

Ö̦jö ma cui, Yai Bada wama tä a̦ ji̦liaö bädao mlai ja, tä a̦ lä cuu weinaja wamacö yai cuaabä. Wama tä a̦ ji̦liaö bädao ja, wamacö nia mölaa bälayou.

Santiago 1:26

“Yai Bada nija ya dodijidawä cuobä ya malä cuaaö wei”, bä nofi lä tamamou wei bä lä cui, inaja bä nofi ma tamamou wei ma cui, bä caficö a̦ wasöomi ja, cama bä nofi mölamamou nö beblalou lä cule. Ö̦jö bä lä cui, bä jole ma dodijiablalou wei ma cui, cama bä caficö a̦ jäo fa mlacunö, Yai Bada tänö bä dodijaö dablaimi waiquiwä.

Santiago 3:2

¿Ö̦jö tawä? Showadi bämacö bluca yacläö si malä ijejeoblou wei. Ö̦jö ma cui, bei a wa̦ lä wasöo wei a lä cui, ö̦jö a bufi shino yai walalawä waiquiwä. A cuu lä bufio wei tä ma cui ja, a nia lä cuaaö wei tä ma cui ja, a wasöo dao.

2 Pedro 2:13

Täbä nö bleaamaöje yalo, inaja showawä cama bä nö nia ca̦i bleaamaö nomöjöo. Bä nö bleaamabä lä. Bä bufi lämou mlai ja, wawädowä bä nofi jushublalou bufi doblao. Bä wa̦lidiwä. Bä ca̦i shami. Jesucristo wama ecö iyaö ca̦i co̦camobä jamö, ¡ö̦jö bä loo ajedeobä bä nofi lä mlai! Wa̦lidiwä tä ja bä quiliblou mlai ja, bä bufi shino yai doblalou dicoo. Bä dobloimi waiquiwä.

1 Juan 1:10

“Ma, wa̦lidiwä ya tä tanomi”, bämacö cuu dicoo ja, Yai Bada bei bäma a wa̦fa jole taö dicoo. Cama bäma etä a̦ taboimi waiquiwä.

1 Juan 1:6

Mö didi tä jamö bämacö cua showalanö, ö̦jö sho bämacö nofi a̦fa tamayou ma wäyämou wei ma cui, bämacö jolemou waiquiwä. Bejedi tä lä cule jamö bämacö cuami.

1 Juan 2:4

“Ya tä daö”, bämacö ma cuu wei ma cui, tä tamaö lä bufii wei bäma tä taimi ja, bämacö jolemou waiquiwä. Tä a̦ lä bejedi wei bäma tä a̦ taboimi.

1 Juan 4:20

“Yai Bada ya nofimaö”, bä cuu ma cui, cama ai ebä nofi wa̦libou dicooje ja, bä jolemou waiquiwä. Cama ai ebä ma dablou wei ma cui, ö̦jö lä ebä nofimaimi waiquiweje ja, Yai Bada tä dablamou lä mlai bei tä nofimaimi yaiweje.

2 Juan 1:2

Camiyä bämacö nija, bejedi tä a̦ yanöcöwä cudia yalo, bämacö nofimayou. Ö̦jö bäma tä a̦ tabou shi wa̦lii waiquia.

3 Juan 1:3

Eja Jesucristo ai ebä waloa fa majöiquiyonö, wa lä bejedimou wei wa wa̦fa wäyäöje ja, ya bufi doblalou fe balojooma. Bejedi tä a̦ lä cui showadi wa tä a̦ nofi jo̦wa cadidibou malä cui.