1 Juan 1:7 - Biblia Yanowamö

⁷ Ö̦jö ma cui, tä shi̦i lä wacacai jamö cama Yai Bada tä lä culenaja, ö̦jamö bämacö cudia mö fedua ja, dodijidawä bämacö nofi nia yai shino tamayou. Ö̦jö däjä Yai Bada bei Ijilubö Jesús i̦yäbönö, wa̦lidiwä bäma tä lä taö wei tä bluca ja, bämacö aublou co̦layou.

1 Juan 1:7 Iomraidhean Croise

Mateo 6:12

Yamacö doblou lä mlai, tä nowa ca̦i da mladamalö, camiyä yamalecö lä yabäcaö wejei bä nija, yama tä nowa bluca mladamaö lä cuaaö weinaja showawä.

Juan 1:29

Ö̦jö tä fena ja, Jesús a juu fa dalalönö, Juan a wa̦ fama. —¡Ei, ei! Quiji a lä cui, Yai Bada tänö a shömölema. Oweja a wa̦fa ocalo lä jilamou wei a. Bita jamö täbä lä bälöblai täbä nowa wa̦lidiwä mladamabä, a nia lä shämou wei, ö̦jö lä a.

Juan 12:35

Abinaja Jesúsnö bä nowa tama. —Cafä wamacö nija lobe tä shi̦i cublaa. Ei tä shi̦i cua lä showale däjä, bä da cadidofälö, mö didi tä ja wamacö shi wa̦lia dicoicu. Tä mö didiobä jamö bä lä juu wei, bä mojodili ca̦i juu.

Juan 5:4

¿Ö̦jö tawä? Yai Bada etä a̦jele fa itoblaayonö, u qui̦yaamaö ja, a jalili itoo lä balöo wei a lä cui, bä jaloobloma.

Romanos 13:12

Mö didi tä mlaafälöö. Tä mö jaluu a lä cuimi. Ö̦jö cudeenö, mö didi däjä tä lä tamou wei tä ja, bämacö da waiquido. Bei bämacö bufi mö lä jalu wei tänö, bämacö yai da nowamöo, bämacö nö wa̦lojaö fe yadiobä.

1 Corintios 6:11

Inaja ai wamacö ca̦i jaba cuaaö ma balöono wei ma cui, wamacö aublaliyoma. Yai Bada wama ecö cublaliyoma. Bada tä Jesucristo lä cuaano wei tänö, jai wamacö dodijaö waiquiwä wamacö nofi tabou majöa. Yai Bada tä Bufinö inaja wamacö taamama, bäma a lä bufiblaö wei a Yai Bada lä cuinö.

Efesios 1:7

Wa̦lidiwä tä ja, Jesucristo i̦yäbönö bämalecö fujeblamalema. Bämacö doblou lä mlai tä nowa mladamalema. ¿Ö̦jö tawä? ¡Bejedi lä bämalecö nofi ojodabou!

Efesios 5:8

Wamacö bufi mö jaba dödöoma ma cui, fei däjä Bada wama ecö li yalo, tä lä wacacai jamö wamacö cua malä majöle. ¿Ö̦jö tawä? Tä mö lä wacacai jamö täbä dodijaö lä cuaalenaja bä shi̦lo yai da cuaa.

1 Timoteo 6:16

Ö̦jö a shi̦lo ba̦limi cua ayaa. Tä shi̦i lä wacalamiladi jamö a cuadayoa. Bämacö icuo dao lä mlai jamö a cua, yanowamö täbä lija a dablamou lä mlai. A dablamoimi waiquiwä. ¡Ö̦jö a wa̦fa shi̦lo yai doblao tamobä! ¡Ö̦jö a yai shi̦lo Bada cuo dodijiobä! Inaja lä tä cuobä.

Tito 2:14

Wa̦lidiwä tä ja bämalecö fucäabä, Jesucristo a jibämoquema. A nomaa lälayoma. Dodijidawä tä ja bämacö shi jalimobä bämalecö bufi aublalema, cama dodijidawä bäma ecö yaiobä.

Hebreos 9:14

¡fei däjä yai! Cristo i̦yäbönö fei däjä bei wamacö bufi yai aublou dodijia yailayou. Etä wa̦lidiwä cua mlai ja, Yai Bada lija a dodomoquema. Yai Bada tä Bufi lä ba̦limi wei tä lofotenö, a dodijidawä dodomoquema. Wamacö lä cuaano wei tänö wamacö mili nomama ma cui, bei wamacö bufi jamö tä wa̦lidiwä lä läono wei, Cristo i̦yäbönö tä mladamalema. Wamacö bufi aublou majölayoma. Fei däjä wamacö yai au, Yai Bada a cua shi lä wa̦lile wama a nosie yai fuaö majöobä.

Santiago 1:17

Täbä yai lä doblamaö wei a lä cui, ö̦jö Yai Bada a waiquiwä, fedu jamö a lä culadi. Ö̦jamö culanö bämalecö yai bayeliblaö. ¿Ö̦jö tawä? Bäma a nofi lä Fö̦ömale a lä cuinö tä ulifi wacacamabobä, judu mösö jamö täbä shi̦i shadimaquedayoma. Tä shi̦i yai lä doblaladi, cama a waiquiwä. Tä mö dödöjöblou majöobä a nia shomibloimi.

1 Pedro 1:19

Tä nowa yai lä bluca wei tänö wamacö nowa co̦molayoma, ö̦jö Cristo i̦yäbö showawänö. Jaba däjä yanowamö täbä doblou lä mlai etä nowa mladobä, oweja bä shämou läoma, moli etä wai wa̦lidiwä cuono lä mlai bä oweja lä cui. Inaja showawä, wa̦lidiwä etä cua mlai ja, Cristo a ma cui a shämoa läa majölayoma.

1 Juan 1:3

Yama a lä möno wei, yama a wa̦ ca̦i lä ji̦lino wei, cafä wamacö nija yama a wa̦fa wäyäö, cafä sho bämacö nofi bluca tamayobä. Bämacö lä Fö̦ömou wei a sho, bä Ijilubö Jesucristo e ca̦i sho, bämacö nofi bluca tamayobä.

1 Juan 1:5

Jesús nija yama tä a̦ lä ji̦lileno wei tä a̦ lä cui, cafä wamacö nija ei yama tä a̦ wäyäö nomöjöa lä cule. Tä shi̦i lä wacacai, ö̦jö lä Yai Bada bei tä waiquiwä. Cama nija wiisibö ma cui tä mö ca̦i wai didi cuami.

1 Juan 5:6

Yai Bada bei Ijilubö a Jesucristo lä cui, yanowamö täbä nijamö a waloqueyoluma. Mau u jamö a fe ojoblamolayoma. A befi ca̦i lä i̦taono wei jamö a i̦yä nö ca̦i beblaloma. ¿Ö̦jö tawä? Mau unö a fe lä ojoblamono wei tä bädawänö mlai, bei i̦yäbö lä falayono wei tä ma cuinö a nö ca̦i ö̦jöböamou waiquiwä.

1 Juan 5:8

Tä a̦ nö bejedi lä ö̦jöböamaö wejei, 3 bä cua. Yai Bada tä Bufinö tä a̦ nö bejedi ö̦jöböamaö. Jesucristo a fe lä ojoblamolayono wei tänö tä a̦ nö bejedi ca̦i dablamaö. A befi ca̦i i̦taobä jamö, i̦yäbö lä falayono wei tänö ca̦i. Ö̦jö lä bä 3 lä cuinö tä a̦fa bejedi taö fe usucuweje.

2 Juan 1:4

Bämacö lä Fö̦ömou wei a lä cuinö bämalecö taamaö lä bufii wei tä ja, afä ai bä jo̦wa cadidou yalo, ya bufi doblalou fe balojoo. Bä jo̦wa bejedimou.

3 Juan 1:4

Ijiluyä ya bä a̦fa bejedimou ji̦liaö däjä, bei ya bufi yai doblalou dodijio lä talei.

Apocalipsis 1:5

Jesucristonö wamacö nofi ca̦i ojodabobä, wamacö bufi ca̦i yanöcömabobä, Yai Bada a wa̦fa wäyäö lä cadidou wei a lä cuinö. A jaba demi jocädou lä co̦layono wei a showawä lä cuinö. Bita jamö bä bada lä cublai, ö̦jönö bä bluca nosiemaö. Ö̦jö Jesucristo a lä cuinö bämalecö nofimaö fe balojowä. Bämacö doblou lä mlai tä blucanö bämacö ma ja̦ono wei ma cui, ö̦jö a fa shämolunö, i̦yäbö fa falönö, bämalecö jujeblamalema.

Apocalipsis 12:11

¿Ö̦jö tawä? Oweja a wa̦fa ocalo lä jilamou wei i̦yäbönö, fecula bada a nö bleaamamaje, bejedi tä a̦ lä wäyäno wejei tä a̦ ca̦inö. Bä shämobä tä ma cui ja bä quilino malä mlai.

Apocalipsis 7:14

Abinaja ya e cuma. —Bada tä. Cafänö wa bä li daö —ya e cuma. Inaja ya cuu ja wale yömölama. —Fei bä lä cui, yanowamö täbä nö yai bleaaö nö lä quiliano wei däjä, bä demi lä feiblaliyono wei fei cäbä. Oweja a wa̦fa ocalo lä jilamou wei i̦yäbö ja esibä fa yalulalöjenö, esibä li aublaliyoma.