1 Juan 1:3 - Biblia Yanowamö

³ Yama a lä möno wei, yama a wa̦ ca̦i lä ji̦lino wei, cafä wamacö nija yama a wa̦fa wäyäö, cafä sho bämacö nofi bluca tamayobä. Bämacö lä Fö̦ömou wei a sho, bä Ijilubö Jesucristo e ca̦i sho, bämacö nofi bluca tamayobä.

1 Juan 1:3 Iomraidhean Croise

Números 10:32

Camiyä yamacö nijamö wa yauaö ja, Jeobaanö yamalecö bayeliblaö lä cuaaö weinaja, cafä bäfä nia ca̦i bayeliblaö cuaaö mö feduo showao —a cuma.

Juan 17:11

Fei däjä, ei bita a lä cui ya nia daaö. Iba bä cuo juo däjä, cafä nijamö ya nia co̦o. ’Fabe. Cafä yami wa yaia —a cuma—. Cafä sho bäfäcö moli lä culenaja bä molio mö feduobä, bä da nowama. Cafä wa lojodenö wa bä nowamabä, camiyä nija wa lojode lä wäyämono wei tä showawä lä cuinö.

Juan 17:21

Jai moli bä bluca cublobä ya wa̦. Fabe. Camiyä nija cafä wa lä culenaja, cafä nija camiyä ya cua mö lä fedulenaja, inaja showawä camiyä bäfäcö nija ö̦jö bä cuo mö feduobä. Ö̦jö bämacö bluca cublobä. Inaja lä bämacö lä cuaaö wei tänö, yanowamö täbä bufi jaducublobä ya wa̦. Cafänö wale lä shömöleno wei tä lä cui, tä a̦ bejedi bufiabeje.

Juan 17:25

’Fabe, cafä wa lä cadidou wei wa. Yanowamö täbänö wa daö ma mlajei ma cui, camiyänö bäfä daö. Iba bä lä cuinö, eja wale lä shömöleno wei, wale ca̦i daöje.

Juan 17:3

Cafä Yai Bada wa bejedi cua lä ayale wa daöje ja, camiyä Jesucristo wale lä shömöleno wei wale ca̦i daö mö feduoje ja, ö̦jö tänö bä nia ba̦limi cuo.

Juan 19:35

¿Ö̦jö tawä? Camiyänö ya tä daa fa cadidilalönö ya tä a̦ wäyäö lä cule, cafä wamacö ma cuinö, wama tä a̦ ca̦i bejedi bufii mö feduobä. Ya bejedimou. Yale a̦ nofi mölabobä ya wa̦.

Hechos 13:32

’Yama tä a̦ dodijidawä wäabä, cafä wamacö nija yamacö waloo lä cule —a cuma—. Bämacö nö badabö nija, Yai Bada tänö tä a̦fa wäyäö lä balöono wei tä a̦ lä cui,

Hechos 13:41

Bei. Yai Bada wama a wa̦ nö lä waiblaö wei wamacö lä cui. Wamacö bufi nia möblou ca̦i nomaö. Cafä wamacö bälöo däjä, ya tä nia taö nö malä quiliaö wei. Wamacö ma yömölaö wejei ma cui, wama tä a̦ nia bejedi bufiimi. ’¿Ö̦jö tawä? —Pablo a cuma—. Einaja tä a̦ cuu.

Hechos 2:42

Jesucristonö bä lä shömöleno wei bä a̦ ji̦liaö bufi doblaomaje. Ö̦jö bä sho, bä nofi tamayou bufi doblaoma. Bä iyabä jamö ma cui, bä ca̦i co̦caablalou bufi doblaoma. Yai Bada nija bä nö bayeli nacaobä jamö ma cui, bä ca̦i yädäablalou bufi doblao showaoma.

Hechos 20:27

Yai Bada tänö täbä taamaö lä bufii wei tä a̦ ja, wawädowä bämacö malä yömölano wei.

Hechos 4:20

Yafä tä lä möno wei tä ma cui, yafä tä a̦ lä ji̦lileno wei tä a̦ ma cui, yafä tä a̦ wäyäö mladobä tä cua malä mlai —cäcöbö cuu mö feduoma.

Romanos 15:27

Bä bayeliblaö bufi doblaomaje. ¿Ö̦jö tawä? Bä bayeliblabeje lä. Jelusaleteli bä lija, cama judio bä lä mlai bä bayeliblamou malä balöono wei. Jesucristo etä a̦ ja, bä bufi yai bayeliblamou waiquilayoma yalo, madofi bä ma cui ja, bä bayeliblaö mö yabao co̦obeje bä li waiquiwä.

1 Corintios 1:30

Jesucristo lija wamacö bufi fa yädäicunö, Yai Bada tänö wamacö ba̦limibou lä cule. ¿Ö̦jö tawä? Cama bufi moyawe etä lä cuinö bämacö bufi li camiyä moyawäblaliyoma. Cama dodijidawä etänö, bämacö li dodijidablaliyoma. Yai Bada bäma ecö dodijidawä cuobä, Jesucristo lija bämacö yaimoa yädälayoma. Bämalecö nowa fa co̦macönö, Yai Bada lija bämalecö ajedea comaquema.

1 Corintios 1:9

Yai Bada wama a nofi mölabobä cätä. Ö̦jönö wamacö nacalema, bä Ijilubö Bada tä Jesucristo sho wamacö nofi tamayobä.

1 Corintios 15:1

Bei. Iba wamacö. Cafä wamacö lija Jesucristo dodijidawä ya etä a̦ lä wäyäno wei tä a̦ ja, bämacö bufi nia fa jaducäblamanö, ei cä ya wa̦. Ö̦jö wama tä a̦ bejedi fa dälänö, wamacö bufi lofotolanö, Jesucristo wama a nofi mölabou malä showai.

2 Corintios 13:14

Bei. Yai Bada lija showadi wamacö bayeliblamobä. Bada tä Jesucristonö wamacö nofi shi̦lo ojodabobä. Yai Bada tänö showadi wamacö nofimabä. Yai Bada tä Bufi sho, wamacö nofi shi̦lo tamayobä.

Efesios 3:6

Tä a̦ jo̦yabou lä showaono wei, ei tä a̦. Yai Bada tänö judio yamalecö nia lä bayelibono weinaja, judio wamacö lä mlai wamacö nia ca̦i bayelibou mö feduo lä showaono wei, ö̦jö bei tä a̦ waiquiwä. Moli bämalecö nia bluca tablamaö majöoma. Jesucristo a wa̦fa wäyäö lä balöono wei etä a̦ dodijidawä fa wäyämonö, ö̦jö lija judio yamacö fa yädäicunö yamacö nia bayeliblamoma. Inaja showawä, judio wamacö lä mlai wamacö nia ca̦i bayeliblamou mö feduo showaoma.

Filipenses 1:7

¿Ö̦jö tawä? ¡Inaja bämacö nofi tabou lä! Bämacö malä bufibole. Yai Bada lija ya ojodamobä ya cuono ma mlai ma cui, wale nofi fa ojodadalönö wale shimöa fe yadilema. Ya lä ojodamou wei jamö, blada bä ja wamale bayeliblaö ja, bämacö bufibou. Fei däjä wale cafe ma quefubolajei ma cui, ya fe lao showaono mlai ja ma cui, showadi wamale bayelibladima. Jesucristo ya wa̦ nofi bäyäbou ma cui, ya wa̦ bayelibou ma cui, wamale bayeliblaö showawä.

Filipenses 2:1

¿Ö̦jö tawä? Jesucristonö bämalecö bufi lofotomabou, bämalecö ca̦i nofimaö. Ö̦jö bäma a Bufi malä tabou wei. Ö̦jönö bämalecö bufi ca̦i malä bayelibou wei. Bämalecö nofi ca̦i malä ojodabou wei. Inaja bämalecö taamaö ja lä,

Filipenses 3:10

Jesucristo ya daö wawädoobä, ö̦jö ya tä bluca joyaö ojodaoma. A demi lä jocädamaleno wei etä lofote showawänö, showadi wale bayelibobä. Jesucristo ya wa̦ lä fuaö wei tä nowa ja, wale nö ma bleaamaö wejei ma cui, Yai Bada lija ya noshi ö̦jödao fe yadiobä. Yai Bada a wa̦ fuama yalo, Jesucristo a nö bleaaö ojodao malä balöono wei. Ya nomabä tä ma cublou däjä ma cui, ya noshi ö̦jödao fe yadiobä. Cama a nomaö malä ojodaono wei.

Colosenses 1:13

Didi tä jamö tä bada lä läle tänö bämalecö tabou ma balöono wei ma cui, Yai Bada tänö bämalecö fujeblamaö majölayoma. Bä Ijilubö e yai lä nofimaö wei a Bada lä läle jamö, bämalecö yai taa majömaquema.

1 Tesalonicenses 1:10

Fei däjä bä Ijilubö e lä culadi wama e nö ca̦i dabou. Ö̦jö Jesús a lä cui, a ma nomalayono wei a demi jocäa co̦malema. Yai Bada a nö waiteli lä quiliaö wei däjä bämalecö noshi nia umlabou.

1 Timoteo 6:2

Bä lä tabou wejei bänö Yai Bada tä bejedi ca̦i bufibou mö feduoje ja, bä nö waiblaö mlajei, bä a̦ yai fuaö dodijidaobeje. Bä lä bayeliblamou wei bä lä cuinö, Jesucristo a ca̦i bufiblaö mö malä feduo wejei. Yai Bada tänö, ö̦jö bä nofimaö mö malä feduo wei. ¿Ö̦jö tawä? Ei tä a̦ lä cui, wa tä a̦ wäyäö cadidiobä. “Ei tä a̦ da däleje”, wa bä nowa taö dodijio.

Hebreos 2:12

Yai Bada etä a̦ oni jamö abenaja Jesús a jo̦wa cuu. Fääshäyä bä lija, cafä bä a̦fa nia dodijaö wäyäö. Yamacö yododabä jamö, cafä bä nofi nia doablaö. Einaja a cuu.

Hebreos 3:1

¿Ö̦jö tawä, iba wamacö? Jesucristo ai ebä yaia lä culenaja, cafä wama ecö ma cui, wama ecö yaia cua mö fedua. Cafä wamacö ma cui, wamacö ca̦i cadidia mö fedulema. Jesús lija bä bufi da daeo, Yai Bada a wa̦no wäyäyolubä a lä shimöledayono wei a lä cui lija. Nofi bäyäalewä bäma a shi̦lo Bada bufibobä, ö̦jö Jesús a waiquiwä.

Hebreos 3:14

Cristo bäma a nofi jaba lä mölabono weinaja, bäma a nofi tabou cadidia fe yadia showalanö, cama a ojodamobä jamö bämacö yädäa.

1 Pedro 5:1

Jesucristo wama ebä ca̦i lä yododaö wei wamacö lä cui nija ya wa̦ nia faö nomöjöo, camiyänö iba ya bä ca̦i yododaö mö lä feduo wei ya lä cui. Jesucristo ya nö bleaaö lä dalaleno wei cä ya. Fedu jamö a lä doblaladi tä wawäblou däjä, camiyä ma cui ya nia doblao cuo mö feduo. ¿Ö̦jö tawä? Ö̦jö lä ya lä cuinö, abinaja bämacö nowa taö lä cule.

2 Pedro 1:16

Cafä bämacö yömölaö däjä yamacö bejedimoma. Inaja wamalecö nofi tabobä ya wa̦. Yanowamö täbä mölamabeje täbä jole lä cuu weinaja yama bä a̦ owäblalanomi. Ma. “Bäma bä joleblamabä, abinaja bämacö yai cubä”, yamacö nowa ca̦i tayonomi. Bada tä Jesucristo lä cui, bejedi lä yama etä doblao dalalema. A waloo däjä, a nö yai wa̦lojayoluma, cafä wamacö nija yamacö da cubleinaja showawä.

1 Juan 1:1

Jaba tä a̦ cuo showao lä balöono wei a lä cui, ö̦jö ya wa̦fa wäyäbä ya tä a̦ oniblaö lä cule, täbä lä ba̦limiblamaö wei a lä cui. ¿Ö̦jö tawä? Yama a wa̦ ji̦lii cublelei. Bei yamacö mamocunö yama a ca̦i möö cublelei. Bei yamacö imicönö yama a ca̦i jubaö cublelei.

1 Juan 1:5

Jesús nija yama tä a̦ lä ji̦lileno wei tä a̦ lä cui, cafä wamacö nija ei yama tä a̦ wäyäö nomöjöa lä cule. Tä shi̦i lä wacacai, ö̦jö lä Yai Bada bei tä waiquiwä. Cama nija wiisibö ma cui tä mö ca̦i wai didi cuami.

1 Juan 1:7

Ö̦jö ma cui, tä shi̦i lä wacacai jamö cama Yai Bada tä lä culenaja, ö̦jamö bämacö cudia mö fedua ja, dodijidawä bämacö nofi nia yai shino tamayou. Ö̦jö däjä Yai Bada bei Ijilubö Jesús i̦yäbönö, wa̦lidiwä bäma tä lä taö wei tä bluca ja, bämacö aublou co̦layou.