1 Juan 1:2 - Biblia Yanowamö

² Ba̦limi täbä lä tablamaö wei a lä cui, Yai Bada tänö a fa yanowamöblamalönö, yama a möma. Ö̦jö lä bei yama a wa̦fa wäyäö. Ba̦limi täbä lä tablamaö wei a lä cui, bä Fö̦ö e nija a ba̦limi cuo showao balöoma. Cafä wamacö nija, ö̦jö yama a wa̦fa wäyäö, camiyä yamacö nija a lä damalaleno wei a showawä lä cui.

1 Juan 1:2 Iomraidhean Croise

Juan 1:18

Yanowamö bämacö nija Yai Bada tä dablamoimi. Tä dablamou ma mlai ma cui, bä Ijilubö moli e lä cuinö, bä Fö̦ö e nija a lä ajedelenö, ö̦jönö tä damalalema.

Juan 1:4

Täbä lä ba̦limiblamaö wei, ö̦jö a cuoma. Ö̦jö ba̦limiblamodima tä shi̦i lä cuinö, täbä bufi nia bluca wacacamaboma.

Juan 10:28

Ö̦jö bä lä cui ya bä ba̦limiblamaö. Bä nia ca̦i nomaimi. Camiyä nija ö̦jö bä nia lä jucäaö wei, moli ma cui a ca̦i cuami.

Juan 14:6

Abinaja Jesús a cuma. —Camiyä ö̦jö ya yoca waiquiwä. Bejedi tä lä cui, ö̦jö ya ca̦i. Täbä ba̦limi cuobä, ö̦jö ya showawä. Camiyä nija bä juu lä mlai, Fayä nija bä waloo daomi.

Juan 15:27

Cafä wamacö ma cuinö wamale a̦fa wäyäbä wamacö li. Ya bä jaba lä yömölano wei däjä, camiyä nija wamacö cudio fa showaonö, wamacö cua showaa malä cule.

Juan 16:28

Fayä nijamö ya culanö, bita jamö ya waloqueyoluma. Fei däjä ei bita ya tabi fa feicönö, Fayä nijamö ya nia co̦jamöö —a cuma.

Juan 17:3

Cafä Yai Bada wa bejedi cua lä ayale wa daöje ja, camiyä Jesucristo wale lä shömöleno wei wale ca̦i daö mö feduoje ja, ö̦jö tänö bä nia ba̦limi cuo.

Juan 17:5

Fabe. Cafä wa lä cule jamö camiyä wale doblao da damalalö. Bita wa tablaö showao mlao däjä, cafä sho bäfäcö doblao lä cuono weinaja showawä.

Juan 19:35

¿Ö̦jö tawä? Camiyänö ya tä daa fa cadidilalönö ya tä a̦ wäyäö lä cule, cafä wamacö ma cuinö, wama tä a̦ ca̦i bejedi bufii mö feduobä. Ya bejedimou. Yale a̦ nofi mölabobä ya wa̦.

Juan 21:14

¿Ö̦jö tawä? A demi jocädou fa co̦lonö, cama ebä lä nocamabono wei bä nija Jesús a lä damolaliyono wei, ö̦jö 3 a cuo waiquioma.

Juan 3:13

Abinaja e cuu co̦oma. —Fedu jamö a yanowamö lä ösölayono wei a cuami, wama a wa̦ ji̦liabä. Ö̦jamö lä ya cuoma ya lä itolayono wei ya lä cuinö ya tä shino li daö, ya lä yanowamöblaleyoluno wei ya lä cuinö.

Juan 7:29

Camiyänö ya shino daö lä cule. Cama a lä culadi jamö ya cuoma ya malä waloqueno wei. Ö̦jönö wale shömölema —a cuma.

Juan 8:38

Fayä nijamö ya tä lä möno wei ya tä a̦fa wäyäö. Inaja showawä, cafä wamacö yai lä fö̦ömou wei nija wama tä a̦ lä ji̦lileno wei, wama tä li taö dicoo —bä nowa tama.

Hechos 10:41

Judio bä bluca nija mlai, camiyä yama ecö yai co̦dawä nija a demi damalalema, yama a wa̦fa wäyäö cuaabä yamalecö lä yaileno wei yamacö nija. A demi jocäblou fa co̦lonö, yama a ca̦i lä iyano wei yamacö lä cui nija.

Hechos 2:32

Ö̦jö Jesús a lä cui, Yai Bada tänö a demi jocädamaö co̦layoma. Camiyä bluca yamacö mamocunö, yama a demi daa co̦lalei cublelei.

Hechos 3:15

¿Ö̦jö tawä? —a cuma—. Täbä lä demidamaö wei, wama a shäa dicomalema. Wama a ma shämaleno wei ma cui, Yai Bada tänö a demi jocädamaö co̦layoma. Camiyä yamacönö, yama a demi daa co̦lalema.

Hechos 5:32

¿Ö̦jö tawä? Tä lä cublaliyono wei yama tä a̦fa wäyäbä, ö̦jö yamacö. Yai Bada a Bufi ma cuinö tä a̦fa ca̦i wäyäö. A wa̦ lä juaö wejei bä nija a Bufi jöböamou —bä cuma.

Romanos 8:3

¿Ö̦jö tawä? Yanowamö bämacö showadi dobloimi yalo, Moisesinö tä a̦ ma lämaqueno wei ma cui, ö̦jö tä a̦ ja, bämacö nö bayeli cublobimi waiquiwä. Ö̦jö ma cui, Yai Bada tänö bämalecö bayeliblaö fe yadioma. Cama bä Ijilubö e fa shimölödunö, e yanowamöblaleyoluma. Bämacö doblou lä mlai tä nowa ja, a shämou läobä. Bä Ijilubö e lija tä nowa mladamabä, a shämalema,

Gálatas 4:4

Ö̦jö ma cui, Yai Bada tänö bä Ijilubö e shimabä tä yai lä cublaliyono wei däjä, suwä a lija a fa tablamolunö, a yanowamöblaleyoluma. Judio bä lija a cublaliyoma yalo, Moisesi etä a̦ ja a nosiemamobä a li cuo mö feduoma.

1 Timoteo 3:16

Yai Bada tä a̦ lä wawäblaliyono wei, bäma tä a̦fa bejedi wäyäö. Bejedi fe balojowä lä tä a̦. Abenaja tä a̦ cuu. Jesucristo a yanowamöblaleyoluma. Yai Bada tä Bufinö a bejedi jimöquema. A̦jele bä lä doblaladi bä lija a damolaliyoma. Bluca täbä caficö a̦ ja, a wa̦fa wäyämou cuaama. Yanowamö täbä lä bälöblai bänö a bejedi bufibomaje. Fedu tä lä doblale jamö a co̦molayoma. Ö̦jö lä bäma tä a̦ wäyäö.

2 Timoteo 1:10

Ya̦cumö tä bejedi fa wawäblalunö, bämalecö nia lä fucäaö wei a Jesucristo wawäblaliyoma. Ö̦jö a lä cuinö bämacö nia nomaö shi lä wa̦lijio wei tä joyalema. Jesucristo dodijidawä tä a̦ lä wäyämou wei tä a̦nö, dodijidawä bämacö nia yai lä cudio wei tä wawäa nomöjömalema. Bämacö nia ba̦limi lä cuo wei tä ca̦i.

Tito 1:2

Bä nia lä ba̦limio wei tä ja bä nö daobä, ya bä yömölaö. Yedu ja, bämalecö nia lä ba̦limiblamaö wei, Yai Bada tänö tä a̦fa wäaö balöoma. A jolemoimi.

1 Pedro 5:1

Jesucristo wama ebä ca̦i lä yododaö wei wamacö lä cui nija ya wa̦ nia faö nomöjöo, camiyänö iba ya bä ca̦i yododaö mö lä feduo wei ya lä cui. Jesucristo ya nö bleaaö lä dalaleno wei cä ya. Fedu jamö a lä doblaladi tä wawäblou däjä, camiyä ma cui ya nia doblao cuo mö feduo. ¿Ö̦jö tawä? Ö̦jö lä ya lä cuinö, abinaja bämacö nowa taö lä cule.

1 Juan 1:1

Jaba tä a̦ cuo showao lä balöono wei a lä cui, ö̦jö ya wa̦fa wäyäbä ya tä a̦ oniblaö lä cule, täbä lä ba̦limiblamaö wei a lä cui. ¿Ö̦jö tawä? Yama a wa̦ ji̦lii cublelei. Bei yamacö mamocunö yama a ca̦i möö cublelei. Bei yamacö imicönö yama a ca̦i jubaö cublelei.

1 Juan 2:25

¿Ö̦jö tawä? Camiyä bämacö nija Jesucristonö tä a̦fa lä wäyäno wei tä lä cui, bämacö nia lä ba̦limiblou wei tä a̦fa yai wäyäma.

1 Juan 3:5

Wama tä malä dale. Wa̦lidiwä tä bluca lä cui, Jesucristonö tä joyabä a juma. Cama etä wa̦lidiwä cuami.

1 Juan 3:8

Wa̦lidiwä tä lä taö wejei, fecula bada ö̦jö ebä li. Jaba däjä ma cui, ö̦jönö tä wa̦lidiwä taö malä showadaono wei. ¿Ö̦jö tawä? Fecula badanö tä lä taö wei etä wa̦liabä, Yai Bada bei Ijilubö e wawälayoyoluma.

1 Juan 4:14

Yanowamö täbä jucäabä, bämacö lä Fö̦ömou wei a lä cuinö, bä Ijilubö e shömölema. Yama a möma. Yama a wa̦fa bejedi ca̦i wäyäö.

1 Juan 4:2

Wama bä a̦ fa ji̦lilänö, Yai Bada wama a Bufi nö nia ö̦jöböaö. ¿Ö̦jö tawä? “Yai Bada tänö a shömabä, Jesucristo a yailema. A yanowamöblaleyoluma.” Einaja bä cuu lä wawädoo wei, ö̦jö lä Yai Bada ebä waiquiwä.

1 Juan 5:11

Ba̦limi bämacö cuobä Yai Bada tänö bämalecö lä dobäleno wei tä a̦fa yai wäyämou. Bä Ijilubö bäma a bejedi lä bufii wei tänö bämacö yai ba̦limi cuobä.

1 Juan 5:13

Yai Bada bei Ijilubö wama a bejedi lä bufii wei wamacö bufi jaducublobä, ei ya tä a̦ oni shömaö. Ba̦limi wamacö cua lä waiquile wama tä dabä.

1 Juan 5:20

Yai Bada a lä cui, ö̦jö a shino yai bejedimou. Ö̦jö bäma a dabä, bei Ijilubö e fa itoliyonö bämalecö bufi jaducumabou lä cule. Bä Ijilubö Jesucristo nija bämacö cua lä cule, a yai lä bejedi wei a lä cui nija. A bufiblamobä ö̦jö a shino yai bejedi cua ayaa. Ba̦limi bämacö cuobä, ö̦jö a waiquiwä.