1 Juan 1:1 - Biblia Yanowamö

¹ Jaba tä a̦ cuo showao lä balöono wei a lä cui, ö̦jö ya wa̦fa wäyäbä ya tä a̦ oniblaö lä cule, täbä lä ba̦limiblamaö wei a lä cui. ¿Ö̦jö tawä? Yama a wa̦ ji̦lii cublelei. Bei yamacö mamocunö yama a ca̦i möö cublelei. Bei yamacö imicönö yama a ca̦i jubaö cublelei.

1 Juan 1:1 Iomraidhean Croise

Miqueas 5:2

Belena Eflada jamö wamacö lä bälöle wamacö blucami. Judawä ai ebä mö feduwä lä cublai bä shi̦lo teteblawä ayawä. Ö̦jö ma cui, Isaeli ebä lija a bada läobä, cafä Belenateli wamacö lija, iba ya nia wawäblamaö, yedu ja a cuo lä showadaono wei.

Lucas 1:2

Yamalecö yömölaöje ja bä lä cuno weinaja, inaja showawä tä a̦ oniblaö cadidiomaje. ¿Ö̦jö tawä? Tä bluca lä cuaano wei däjä, bä mamo lä showaono wei bä lä cuinö yamalecö yömölamaje, tä a̦ showadi lä wäyäno wejei bä lä cuinö.

Lucas 24:39

Wamale imicö dusi da mö. Wamale mamicö da mö. Ö̦jö ya showawä. ¿Ö̦jö tawä? Wamale da juba, ö̦jö lä. Bei ya ya̦jicö ca̦i malä cule, bei ya ubä ca̦i malä cule. Inaja bolebole bä cuwä malä mlai —bä nowa tama.

Juan 19:35

¿Ö̦jö tawä? Camiyänö ya tä daa fa cadidilalönö ya tä a̦ wäyäö lä cule, cafä wamacö ma cuinö, wama tä a̦ ca̦i bejedi bufii mö feduobä. Ya bejedimou. Yale a̦ nofi mölabobä ya wa̦.

Juan 20:27

Ö̦jö däjä, Tomás nija abinaja a cuma. —Eja wale imicö da jubayo. Wale imicö da möyo. Wa fa ajedeblaliyolunö, bei ya leboco jamö imicö da lucäliyo. Wa mölaö lä mlai tä da joyalö. Wale nofi yai da mölabo —a cuma.

Juan 5:26

Ba̦limi bä cuobä Fayänö bä lä taamaö weinaja, bei Ijilubö ya e ma cui, inaja showawä ya e ca̦i cuaaö mö feduobä wale malä tablamaleno wei.

Juan 8:58

Abinaja Jesús e cuma. —Cafä wamacö nija ei ya wa̦ lä cui, bejedi lä ya wa̦. Ablaamö a cua showaa mlai ja, ya cuo lä balöono wei, ei ya —e cuma.

Hechos 1:3

A nö lä bleaamano wejei däjä a fa nomalönö, a demi ca̦i jocädou fa co̦lonö, cama ebä showawä lä cui nija a demi damoa co̦laliyoma. A lä cuaano wei tä blucanö, a nö demi ö̦jöbömolayoma. 40 tä mö didi cublou jaöo mlao däjä, ö̦jö bä nija a dablamou lä cuaale jamö, Yai Badanö cama ebä nia ca̦i lä cuo wei tä a̦ wäyäö cuaama.

Hechos 4:20

Yafä tä lä möno wei tä ma cui, yafä tä a̦ lä ji̦lileno wei tä a̦ ma cui, yafä tä a̦ wäyäö mladobä tä cua malä mlai —cäcöbö cuu mö feduoma.

Hebreos 2:3

bämacö bufi yai da jaducäblo, ö̦jö lä, camiyä bämalecö nö bleaamaö nomöjöo mlaobä. Bämacö nia lä fucäamou wei tä a̦ lä cui, cama Bada tä showawänö, tä a̦ wäyäö balöoma. Ö̦jö däjä, camiyä bämacö lija a wa̦ lä ji̦liano wejei bänö, walalawä a wa̦no wäyäö nomöjöomaje.

1 Juan 4:14

Yanowamö täbä jucäabä, bämacö lä Fö̦ömou wei a lä cuinö, bä Ijilubö e shömölema. Yama a möma. Yama a wa̦fa bejedi ca̦i wäyäö.

1 Juan 5:7

Yai Bada tä Bufinö, ö̦jö tä a̦ ca̦i bejedi wäyäö. Tä a̦ lä bejedi wei tä a̦ wäyäbä, ö̦jö Yai Bada tä Bufi malä waiquii.

Apocalipsis 1:11

A wa̦ faö ja abinaja wale nowa tama. —Cafä nija tä lä wawäblou wei wa tä a̦ bluca fa oniblalönö, iba 7 bä lä yododoblai bä nijamö si oni da shömölö. Efesoteli bä nija ca̦i, Eminateli bä nija ca̦i, Becamoteli bä nija ca̦i, Diadilateli bä nija ca̦i, Saditeli bä nija ca̦i, Filadefiateli bä nija ca̦i, Laodiseateli bä nija ca̦i —wale nowa tama.

Apocalipsis 1:8

Bada tä lä bufiblamou wei a lä cui, abinaja a cuu. —Camiyä ya lä cuinö täbä bluca cublaliyoma. Camiyä ya showawä ma cuinö täbä nia bluca waicou —a cuu. Einaja a lojode shi lä wa̦lile a cuu, jaba däjä a cuo fa showaonö a cua lä showale a lä cui. A nia juu lä co̦o wei a lä cui.

Apocalipsis 19:13

Camishi labe cäcö lä i̦yämalaleno wei cäcö ja, a didia. Yai Bada bei tä a̦, bei a wa̦fa jilaöje.

Apocalipsis 2:8

Ya tä lä möno wei, abinaja a cuu nomöjöoma. —Emina jamö, iba bä lä yododaö wei bä nija a lä läle a lä cui nija, wa etä a̦ ca̦i nia oni shömaö. Camiyä jaba ya, jödödö ya ca̦i. Nomawä ya ma cuono wei ya demi jocädou co̦layoma. Ö̦jö ya lä cui wale wa̦no nia oniblaö.