Bìoball air-loidhne

Lilegere 2:9 - Farefare Ninkaré

⁹ ‹Mam mi ya nãmsgɔ la ya nõŋɔ la yelle mɛ, la baa bɛla, ya de la bõntatba. Mam mi be'em yetɔg-sɛba tɩ nẽr-sɛba n yetɩ bãma de la Zifdõma dee ka dɛna la tɔgɛ ya. Ba de la Asũtãana nẽrba.

Faic an caibideil Dèan lethbhreac

ZE'ELEGO PAALEGA

⁹ “N mi' ya pɔgeleŋɔ, la ya nɔŋɔ, la yan pun tara la za'a. N mi' yu'sageŋɔ seko n paari ya, doohe sɛba en yeti ba dela Yuda buuri gee dagena, gee dɛna Sagena la lageŋɔ yire la.

Faic an caibideil Dèan lethbhreac

dol air ais ⬆

Lilegere 2:9
29 Iomraidhean Croise

Lilegere 3:9

Mam n wʋn ẽŋɛ nẽr-sɛba n dolɩ Asũtãana la se'em n wãna: Nẽr-bãma yetɩ bãma de la Zifdõma, la dagɩ bɛla, ba de la põmpɔrndõma. Mam wʋn basɛ mɛ tɩ ba wa'am wa ka dũma ya nẽŋam, la ba wʋn bãŋɛ tɩ mam nõŋɛ ya.

Faic an caibideil

2 Korẽntɩ 8:9

Yãma mi tõma Zuudãana Azezi-krisi yel-sõnnɛ na mɛ: Baa la ẽŋa n daan de bõntarsõm dãana la, a daan ẽŋɛ a mẽŋa la nasa yãma ĩyã. Tɩ ẽn ẽŋɛ a mẽŋa nasa la, wʋn botɩ yãma lebge bõntatba Nawẽnnɛ zẽ'am.

Faic an caibideil

Aromduma 9:6

Mam n yele se'em na, la ka boorɩ tɩ la yetɩ Nawẽnnɛ ka ẽŋɛ ẽn yetɩ a ẽŋɛ se'em na. La, la dagɩ sɛba wuu n de Ɩsrayɛlɩ buuri la n de Ɩsrayɛlɩ dõma mẽŋa mẽŋa Nawẽnnɛ zẽ'am.

Faic an caibideil

2 Korẽntɩ 6:10

Ba bɩsrɩ tõma wʋ tõma tarɩ la sũ-sã'aŋɔ, la tõma tarɩ la sũ-yẽlga daarɛ woo. Ba bɩsrɩ tõma wʋ nasdõma, dee tɩ tõma botɩ nẽrba zozo'e tara bõntarsõm. Ba bɩsrɩ tõma wʋ nẽrba n ka tarɩ sɛla, dee tɩ tõma tara sɛla woo.

Faic an caibideil

1 Timoti 6:18

Kã'an ba yetɩ, ba ɩta sõŋa, ba dɛna nẽrba n tõnnɩ tõon-sõma zozo'e, la ba dɛna nẽrba n bɔ'ɔrɩ, dee pʋta sɛla tɩ ba tarɩ bɔ'ɔra nẽrba la sũ-yẽlga.

Faic an caibideil

Aluki 4:18

«Zuudãana Nawẽnnɛ Sɩa n boe la mam, ẽŋa n looge mam bɔ mam pãŋa, tɩ m bʋglɛ sũ-sã'aŋɔ dõma sũure, tɩ m mõolɛ kõ-yẽlga la bɔ nasdõma, dee tõm mam tɩ m tɔgɛ bɔ yamsɩ tɩ ba wʋn yẽ yolsgo, dee tɔgɛ bɔ fɔɔsɩ tɩ ba nini wʋn pike, dee yese sɛba n boe nãmsgɔ pʋam la basɛ,

Faic an caibideil

Lilegere 2:2

‹Mam mi yãma n tõnnɩ se'em, yãma n nãmsrɩ dee mõrgra sẽnna nẽŋa se'em mɛ. Mam mi tɩ ya ka sakɛ basɛ tɩ nẽr-wẽensɩ tõnna la ya. Yãma makɛ nẽr-sɛba n yetɩ bãma de la Krisi Tõntõnɩba dee dagna bɛla la bɩsɛ mɛ, la yãma bãŋɛ mɛ tɩ ba de la põmpɔrndõma.

Faic an caibideil

Aluki 6:20

Tɩ Azezi gorge bɩsɛ a karẽnbiisi la yetɩ: «Yãma sɛba n de nasdõma la tarɩ zu-yẽlga, se'ere n soe la, Nawẽnnɛ so'olʋm de la ya bõnɔ.

Faic an caibideil

Aromduma 12:12

Ɩta-ya sũ-yẽlga yãma n tarɩ pʋtẽ'erɛ gu'ura sɛla la ĩyã. Mã'agɛ-ya ya sũure toogo pʋam, mõrgɛ-ya sẽŋɛ nẽŋa la Nawẽnnɛ pʋ'ʋsgɔ wakatɛ wuu.

Faic an caibideil

Aromduma 5:3

La tõma ken ɩta la sũ-yẽlga nãmsgɔ pʋam, tõma mi tɩ nãmsgɔ botɩ tɩ mõrgra sẽnna la nẽŋa.

Faic an caibideil

1 Timoti 1:13

Baa mam n daan pɔ'ɔrɩ a yʋ'ʋrɛ, nãmsra a nẽrba, dee tʋʋra ẽ na, a zoe mam ninbãalga mɛ. Se'ere n soe la, mam daan ka bãŋɛ mam ɩtɩ sɛla, mam n daan ka bɔ Azezi sɩra la ĩyã tɩ mam ɩta bɛla.

Faic an caibideil

1 Tesaloniki 3:4

Tõma n daan boe la yãma la, tõma daan dẽŋɛ yele ya yetɩ, tɩ wuu wʋn yẽ nãmsgɔ mɛ. La ya mi tɩ la de la bõn-ẽŋa n bɛla n wa'am.

Faic an caibideil

2 Korẽntɩ 8:2

Ba yẽ toogo mɛ nãmsɛ zozo'e, la ba tarɩ sũ-yẽlga zo'oge mɛ, tɩ baa la ba nõŋɔ la n zo'oge la, ba bɔ sõŋrɛ zo'oge mɛ la ba sũure wuu.

Faic an caibideil

Aromduma 8:35

Ãne n wʋn welge tõma la Krisi nõŋlʋm na? Toogo bɩɩ, sũ-sã'aŋɔ bɩɩ, nãmsgɔ bɩɩ, kɔm bɩɩ, nõŋɔ bɩɩ, yel-pakrɛ bɩɩ, bɩɩ kũm n wʋn yãŋɛ welge tõma? Sɛla ka boe.

Faic an caibideil

Lilegere 7:14

Tɩ mam lerge ẽ yetɩ: «M zuudãana, fõn mi.» Tɩ a yele mam yetɩ: «Ba de la nẽr-sɛba n ze'ele toog-kãtɛ pʋam na. Ba peege ba futo mɛ Pebila la zɩɩm pʋam tɩ ba pelge.

Faic an caibideil

Aluki 22:65

La ba tʋ ẽ na tʋʋrɛ basɛba zozo'e pa'asɛ.

Faic an caibideil

Aluki 12:21

La Azezi le yetɩ: «La de la bɛla la nẽr-sɛka woo n lagsrɩ bõntarsõm bĩŋra a mẽŋa ĩyã, dee ka tara sɛla sɛla Nawẽnnɛ zẽ'am.»

Faic an caibideil

Aromduma 2:17

Fõn yetɩ fõn de la Zifu la, fõn te'ege la Amoyisi lɔɔ la yẽsna tɩ fõn de la Nawẽnnɛ nẽra,

Faic an caibideil

Tõoma 26:11

La wakatɛ zozo'e tɩ mam daan nãmsɛ ba Zifdõma wẽndeto pʋam, mõrgra tɩ ba basɛ ba sore la. Tɩ mam sũure daan yĩige la ba halɩ tɩ mam doose tẽnsɩ basɛba nãmsɛ ba.

Faic an caibideil

Tõoma 14:22

La ba daan tɔgɛ pa'alɛ karẽnbiisi la mɛ, bɔ ba bʋraanɛ yetɩ, ba mõrgɛ bɔna Azezi sɩra la pʋam da basɛ. Dee yele ba yetɩ: «Tɩ wʋn yẽ la nãmsgɔ zozo'e dee kẽ Nawẽnnɛ so'olʋm pʋam.»

Faic an caibideil

Azã 16:33

Mam yele ya bɛla tɩ ya tara la sũ-mã'asʋm mam yetɔga la ĩyã. Dũnia wã pʋam ya tarɩ la nãmsgɔ, la keŋe ya sũure, tɩ mam yãŋɛ dũnia mɛ.»

Faic an caibideil

Amatie 4:10

Tɩ Azezi yele ẽ yetɩ: «Sẽŋɛ fõrgɛ, Asũtãana! La gʋlsɛ Nawẽnnɛ gõŋɔ pʋam yetɩ: ‹Nã'asra Zuudãana Nawẽnnɛ, dee sakra ẽŋa ayɩla mã'a.› »

Faic an caibideil

Lilegere 1:9

Mam de la Azã n de ya sɔbia n po nãmsra, lagɩm na yãma po tara pʋrɛ Nawẽnnɛ so'olʋm na pʋam, ken po lagɩm na yãma mõrgra sẽnna nẽŋa Azezi doosgo la pʋam. Mam daan tɔgɛ la Nawẽnnɛ yetɔga, la Azezi-krisi yelle, tɩ ba tarɩ mam sẽŋɛ tẽŋa tɩ ko'om gilge yʋ'ʋrɛ n de Patmõsɩ.

Faic an caibideil

Lilegere 2:13

‹Mam mi zẽ'e-sɛka tɩ yãma boe la mɛ, zẽ'e-ẽŋa tɩ Asũtãana na'am bĩmbĩnne boe. La ya dɩkɛ ya mẽŋa lablɛ la mam mɛ, ze'ele kãŋkãŋɛ bɔ mam sɩra ka basɛ, baa la wakatɛ sɛka tɩ ba daan kʋ A'ãntipasɩ n de sɩra dãana n tɔgɛ mam yelle ya zẽ'am, zẽ'e-sɛka tɩ Asũtãana boe la.

Faic an caibideil

Lilegere 2:24

La yãma Tiyatiiri nẽr-sɛba n ka sakrɩ zãsŋɔ bãma, dee ka mina sɛla tɩ ba wi'iri tɩ Asũtãana yɛla n sʋgɛ la, mam ka tarɩ sɛla wʋn yele ya pa'asɛ.

Faic an caibideil

Lean sinn:

Ceanglaichean taic

Sanasan

Sanasan