Lilegere 2:3 - Farefare Ninkaré

³ Yãma mõrgɛ sẽnna nẽŋa mɛ, ya nãmsrɩ mam yʋ'ʋrɛ la ĩyã mɛ, dee ka basɛ tɩ ya bʋraanɛ bo'oge.

ZE'ELEGO PAALEGA

³ N me kelum mina ti ya ŋmiberi mɛ la sugeri, gee uhera mam yu'urɛ la zuo, gee me mina ti ya ka taregeri.

Lilegere 2:3 Iomraidhean Croise

Amarkɩ 15:21

Ban daan tarɩ Azezi wɛ'ɛsa la, ba daan tʋ'ʋsɛ la bʋraaga ayɩla yʋ'ʋrɛ n de Asimõ n ze'ele Sirɛnɩ, a de la Alɛgsãndrɩ la Arufusi sɔ. A daan ze'ele la va'am lɛmna. Tɩ sʋdaasɩ la pẽrgɛ ẽ, tɩ a to'oge Azezi kũm dɔ-puurŋa la buke.

Aluki 14:27

La sɛka woo n ka sakɛ nãmsgɔ wʋ nẽra n zɛɛrɩ a kũm dɔ-puurŋa dɔla mam, a kãn tã'agɛ dɛna mam karẽnbia.

Aluki 18:1

Tɩ Azezi makɛ makrɛ pa'alɛ ba tɩ ba sɔsra Nawẽnnɛ wakatɛ wuu da basɛ,

Aluki 21:19

Ya sãn ze'ele kãŋkãŋɛ, ya wʋn yẽ vɔm Nawẽnnɛ zẽ'am.

Aluki 5:5

Tɩ Asimõ lerge ẽ yetɩ: «Zuudãana, tõma nãmsɛ mɛ yʋ'ʋŋɔ wã wuu dee ka yõkɛ sɛla sɛla. La fõn yele la ĩyã, tɩ wʋn lobe tɩ yʋgsɩ la.»

Aluki 8:15

La zẽ'e-sõŋɔ la tɩ bõnbuuri sɛba lui la, ãn wʋ nẽr-sɛba n wõm yetɔga la, dee sakra dɩkra yetɔga la ɩta ba sũure pʋam sõŋa sõŋa, mõrgɛ zɛ kãŋkãŋɛ Nawẽnnɛ sore la pʋam wʋ bõnbuuri la n wɔm biɛ se'em na.»

Azã 15:21

La ba wʋn ẽŋɛ ya bõn-bãma wuu mam yʋ'ʋrɛ ĩyã, se'ere n soe la, ba ka mi sɛka n tõm mam na.

Aromduma 12:12

Ɩta-ya sũ-yẽlga yãma n tarɩ pʋtẽ'erɛ gu'ura sɛla la ĩyã. Mã'agɛ-ya ya sũure toogo pʋam, mõrgɛ-ya sẽŋɛ nẽŋa la Nawẽnnɛ pʋ'ʋsgɔ wakatɛ wuu.

Aromduma 16:12

Pʋ'ʋsɛ-ya Atirfɛnɩ, la Atirfozɩ tɩ ba de la pɔgsɩ n mõrgrɩ tõnna Zuudãana doosgo pʋam. Pʋ'ʋsɛ-ya m sõma Apɛrsidi n mõrgɛ tõm zozo'e bɔ Zuudãana la.

Aromduma 2:7

Nẽr-sɛba n mõrgɛ ɩta sõŋa ɛɛra nã'asgɔ la pẽka, la vɔm n ka ba'asrɩ Nawẽnnɛ zẽ'am na, a wʋn bɔ ba la vɔm n ka ba'asrɩ.

Aromduma 8:25

La tõma n tarɩ pʋtẽ'erɛ gu'ura sɛla tɩ tõma nãn ka yẽ la, tõma mã'agɛ la tɩ mẽŋa gu'ura ẽ.

1 Korẽntɩ 13:7

Sɛka n tarɩ nõŋlʋm ɩtɩ sugri mɛ sɛla woo pʋam. A bɔ sɩra mɛ sɛla woo pʋam, a tarɩ pʋtẽ'erɛ mɛ gu'ura sɛla woo tɩ a bɔ sɩra la, a tã wĩbra mɛ sɛla woo pʋam.

1 Korẽntɩ 16:16

tɩ ya nanna nẽr-bãma, la nẽr-sɛba wuu n tõnnɩ Nawẽnnɛ tõoma wʋ bãma la.

2 Korẽntɩ 10:15

Tõma ka wẽ'erɩ yõ'ogɔ la tõon-sɛba tɩ nẽrba basɛba tõm, bɛla tõma ka yõsgɛ. La tõma tarɩ pʋtẽ'erɛ tɩ yãma n bɔ Nawẽnnɛ sɩra la wʋn pa'asra mɛ, tɩ tõma tõonɛ na zɔ'ɔra pa'asra yãma zẽ'am, tɩ la ken masɛ Nawẽnnɛ n bɔ tõma se'em na beene.

2 Korẽntɩ 11:23

Ba yetɩ bãma de la Krisi tõntõnɩba, mam wʋn tɔgɛ wʋ mam yɛm n bɔɩ la, mam n de Krisi tõntõnna gãnna ba. Mam tõm nãmsɛ gãnna bãma mɛ. Ba kẽ'esɛ mam yʋ'a deem gãnna bãma mɛ, ba wẽ mam zo'oge gãnna bãma mɛ, nõorɛ zozo'e mam deege la m ki.

2 Korẽntɩ 4:1

Nawẽnnɛ n zoe tõma ninbãalga bɔ tõma tõon-ẽŋa la ĩyã n soe tɩ tõma bʋraanɛ ka bɔ'ɔra.

2 Korẽntɩ 4:16

Bɛla tɩ tõma bʋraanɛ ka bɔ'ɔra. La baa tõma ĩyã n sã'anɩ na, tõma sɩa lebgrɩ la paalga daarɛ woo.

2 Korẽntɩ 5:9

Bɛla tɩ tõma mõrgra bɔɔra tɩ tɩ ẽŋɛ tɩ la paagɛ a yɛm, tõma sãn bɔna dũnia ĩyã wã pʋam, bɩɩ tɩ sãn sẽŋɛ a zẽ'am.

2 Korẽntɩ 6:5

Ba wẽ tõma mɛ, dee yʋ tõma yʋ'a deto pʋam. Ba botɩ nẽrba zozo'e gire mɛ zɛbɛ la tõma, tõma tõnnɩ tõon-ke'eno mɛ targɛ ka gĩsra, ka dita.

Galatɩ 6:2

Sõŋra-ya taaba malgra taaba yɛla, tɩ bɛla tɩ ya wʋn ẽŋɛ Krisi nõorɛ n yele se'em na.

Galatɩ 6:9

Bɛla, tɩ da targɛ-ya la tõon-sõma tõoma. Tɩ sãn ɩta dee ka basɛ, wakatɛ la sãn wa paagɛ, tɩ wʋn yẽ a yõorɔ.

Filipi 2:16

wʋn pa'alɛ nẽrba yetɔga n bɔ'ɔrɩ vɔm. Ya sãn ẽŋɛ bɛla, ya wʋn botɩ mam zuugo zẽkɛ Krisi lemŋo daarɛ, pa'alɛ tɩ mam tõoma, la mam n mõrgrɩ la wuu dagɩ zãŋa.

Filipi 4:3

La fõn mẽ, m tõntõn-tadãan-sõŋɔ, mam sosrɩ fʋ mɛ tɩ fʋ sõŋɛ pɔg-bãma. Ba daan lagɩm na mam mɛ, la Akelma, la mam tõntõn-taaba basɛba la, mõrgɛ tõm Krisi kõ-yẽlga la tõoma, tɩ ba wuu yʋ'ʋra gʋlsɛ vɔm gõŋɔ pʋam.

Kolɔsɩ 1:11

Nawẽnnɛ wʋn bɔ ya pãŋa sɛla woo pʋam a na'am pãn-kãtɛ la ĩyã, tɩ ya wʋn wĩbe sɛla woo pʋam la sũ-mã'asʋm.

1 Tesaloniki 1:3

Tõma tẽrɩ ya yelle tɩ Sɔ Nawẽnnɛ nẽŋam, yãma n bɔ sɩra tõnna se'em, la yãma n tarɩ nõŋlʋm tõnna zozo'e se'em, dee ken tẽra yãma n tarɩ pʋtẽ'erɛ gu'ura sɛla tɩ ya bɔ sɩra, zɛ kãŋkãŋɛ tɩ Zuudãana Azezi-krisi doosgo pʋam ka bigsra la yelle.

1 Tesaloniki 2:9

M sɔbiisi, yãma tẽrɩ tõma n daan tõm nãmsɛ se'em, tõma n daan mõolɩ Nawẽnnɛ kõ-yẽlga la bɔ ya la. Tõma daan tõm na wʋntɛɛŋa la yʋ'ʋŋɔ, tõma daan ka boorɩ tɩ tõma dia yelle dɛna nãmsgɔ bɔ ya nẽra baa ayɩla.

1 Tesaloniki 5:12

M sɔbiisi, tõma sosrɩ ya mɛ tɩ ya nanna sɛba n tõnnɩ ya tẽŋasʋka la, sɛba tɩ Zuudãana looge tɩ ba bɔna ya nẽŋa pa'ala ya Azezi sore la pʋam, dee kã'ana ya la.

2 Tesaloniki 3:13

La sãn dɛna yãma, m sɔbiisi, da kãn targɛ-ya la tõon-sõma ɩrgɔ.

2 Tesaloniki 3:5

Zuudãana la wʋn basɛ tɩ ya tara Nawẽnnɛ nõŋlʋm, dee mõrgɛ zɛ kãŋkãŋɛ wʋ Krisi la.

2 Tesaloniki 3:8

la tõma ka diti nẽra dia zãŋa, tõma daan tõnnɩ na wʋntɛɛŋa la yʋ'ʋŋɔ nãmsra zozo'e ka bɔɔra tɩ tõma dia yelle dɛna nãmsgɔ bɔ ya nẽra baa ayɩla.

1 Timoti 4:10

Bɛla, tõma n tõnnɩ nãmsra mõrgra la, la de la tõma n tarɩ pʋtẽ'erɛ gu'ura vɔm dãana Nawẽnnɛ n de nẽrsaalba wuu Fãagra la ĩyã, la a de la sɛba n bɔ ẽ sɩra la Fãagra gãnna.

1 Timoti 5:17

Wẽndeego nẽrba kẽma sãn bɩsrɩ nẽrba la yelle sõŋa, lan gãnnɩ wuu, sɛba n mõrgrɩ mõola dee zãsna Nawẽnnɛ yetɔga la, ba wʋn yẽ la nã'asgɔ bʋyi.

Hiburuduma 10:36

Yãma de la ya nargɛ pãŋa sẽŋɛ nẽŋa ẽŋɛ Nawẽnnɛ n boorɩ se'em, tɩ ya wʋn to'oge sɛla tɩ a bĩŋe nõorɛ tɩ a bɔ ya la.

Hiburuduma 12:1

Bɛla, tõma n tarɩ nẽrba zozo'e n gilge tõma pa'ala tɩ sore la, tɩ mẽ basɛ bõn-sɛba n gu'uri tɩ sẽnnɛ, la tõon-be'ero tɩ tɩ ɩtɩ nãana nãana la, dee mõrgɛ zɔta zʋa n boe tɩ nẽŋa na.

Hiburuduma 13:13

Bɛla, tɩ yese-ya sẽŋɛ a zẽ'am tẽŋa la kẽnkɛrŋa ka po sakɛ pɔ'ɔrɛ la.

Hiburuduma 6:10

Nawẽnnɛ de la sɩra dãana, a kãn yĩm ya tõoma, la yãma n pa'alɛ tɩ yãma nõŋɛ ẽ mɛ, tõm bɔ a nẽrba, dee ken tõnna bɔ'ɔra ba lɛɛlɛ wã.

Hiburuduma 6:12

Tõma ka boorɩ tɩ ya tara zẽyãgrɛ, ɩta-ya wʋ nẽr-sɛba n bɔ Nawẽnnɛ sɩra, mõrgɛ sẽŋɛ nẽŋa yẽ sɛla tɩ Nawẽnnɛ bĩŋe nõorɛ tɩ a bɔ a nẽrba la.

Hiburuduma 6:15

Tɩ Abraham mõrgɛ sẽŋɛ nẽŋa, yẽ sɛla tɩ Nawẽnnɛ bĩŋe nõorɛ tɩ a ẽŋɛ la.

2 Pita 1:6

tɩ bãŋrɛ la pʋam, yõk-m-mẽŋa pa'asɛ, tɩ yõk-m-mẽŋa la pʋam, wĩbga pa'asɛ, tɩ wĩbga la pʋam, Nawẽnnɛ doosgo sɩra sɩra pa'asɛ,

Lilegere 1:9

Mam de la Azã n de ya sɔbia n po nãmsra, lagɩm na yãma po tara pʋrɛ Nawẽnnɛ so'olʋm na pʋam, ken po lagɩm na yãma mõrgra sẽnna nẽŋa Azezi doosgo la pʋam. Mam daan tɔgɛ la Nawẽnnɛ yetɔga, la Azezi-krisi yelle, tɩ ba tarɩ mam sẽŋɛ tẽŋa tɩ ko'om gilge yʋ'ʋrɛ n de Patmõsɩ.

Lilegere 3:10

Yãma n sakɛ mam yetɔga la mõrgɛ sẽŋɛ nẽŋa na ĩyã, mam mẽ wʋn gu'ura ya sõŋa tɩ toogo sɛka n sẽm dũnia wuu zuo, tɩ a makɛ nẽr-sɛba wuu n boe dũnia zuo la, da paagɛ ya.