Lilegere 1:3 - Farefare Ninkaré

³ Nẽr-sɛka n karẽŋrɩ Nawẽnnɛ yetɔga tɩ a to'oge tɔgɛ wã, la sɛba n selsrɩ bõn-sɛba n gʋlsɛ gõn-ẽna wã pʋam dee sakra ba tarɩ zu-yẽlga. Wakatɛ la lɛm mɛ, tɩ bɛla wuu wʋn ẽŋɛ.

ZE'ELEGO PAALEGA

³ Sum boi mɛ la fum se'em en kãalɛ yelehum wa yɛla la kɔkɛ'ɛŋa, ti sum bɔna la sɛba woo me en kelehe bu gee tara sɛla woo en gulehɛ bɔna gɔŋɔ wa puan la. Se'ere en sɔi la, saŋa la pɔri mɛ.

Lilegere 1:3 Iomraidhean Croise

Amatie 24:15

Ya wʋn wa yẽ sɛka n de bõn-be'ego n sã'anɩ sɛla woo la, sɛka tɩ Nawẽnnɛ nõtɔ'ɔsa Adanɩyɛlɩ yʋʋn tɔgɛ a yelle la, tɩ a boe Nawẽnnɛ zẽ'e-sõŋɔ la.» Sɛka n karẽŋrɩ mõrgɛ wõm a võorɛ.

Aluki 11:28

Tɩ Azezi lerge yetɩ: «Nẽr-sɛba n wõnnɩ Nawẽnnɛ yetɔga, dee sakra ɩta lan yele se'em na, n tõn tarɩ zu-yẽlga.»

Aromduma 13:11

Ẽŋɛ-ya bɛla, yãma n mi wakat-sɛka tɩ tɩ boe wã la ĩyã, wakatɛ paagɛ mɛ dɛna ya nẽegɛ dee basɛ gẽem. Fãarɛ la lɛm tõma mɛ lɛɛlɛ wã gãnna wakat-sɛka tɩ tõma daan pɔsɛ bɔ Azezi-krisi sɩra la.

Aromduma 13:12

Tẽŋa sʋtʋm mɛ tɩ beere deege wiire. Bɛla, basɛ-ya lika tõoma, dee dɩkɛ Nawẽnnɛ zɛbrɛ lɔgrɔ tõnna peelem tõoma.

1 Pita 4:7

Sɛla woo ba'asgɔ lɛm mɛ. Bɛla ĩyã, tara-ya ya mẽŋa sõŋa, dee mõrgɛ la Nawẽnnɛ pʋ'ʋsgɔ.

2 Pita 3:8

M sɩr-nõŋrɩsɩ, sɛla ayɩla n boe tɩ yãma ka masɛ tɩ ya yĩm, la sãn dɛna la Zuudãana Nawẽnnɛ, daarɛ ayɩla ãn wʋ yʋʋma tʋsrɛ, tɩ yʋʋma tʋsrɛ mẽ ãna wʋ daarɛ ayɩla.

Lilegere 22:10

A yele bɛla dee yele mam yetɩ: «Da sʋgɛ gõŋɔ wã yetɔga tɩ Nawẽnnɛ puke pa'alɛ fʋ la, se'ere n soe la, wakat-sɛka tɩ bõn-bãna wʋn ẽŋɛ la lɛm mɛ.

Lilegere 22:12

Azezi yele yetɩ: «Selse-ya! La kãn yuuge dee tɩ mam wa'am. La mam tarɩ la yɔɔrɔ sẽna tɩ m yɔ nẽra woo masɛ wʋ ẽn tõm se'em.

Lilegere 22:20

Sɛka n tɔgɛ yetɔg-bãna bɔ la yetɩ la de la sɩra, a yetɩ: «Asɩra, la kãn yuuge dee tɩ mam wa'am.» Amina! La dɛna bɛla. Zuudãana Azezi, wa'am.

Lilegere 3:11

Mam sẽm na lɛɛlɛ, gʋrɛ-ya sɛla tɩ ya tarɩ la kãŋkãŋɛ, tɩ nẽra da to'oge ya yɔɔrɔ.