San Lucas 17:3 - Guayabero: Pajelwʉajan Dios pejjamechan

³ Samata, ¡chiekal taem xamal nijaxtat asew jiw babijaxan isasamata! “Nejmach-aton, Dios pejjamechan naexasitpon, is wʉt babijax xamalliajwa, ¡japon aton xamal fia'e kofsliajwapon babijax ispox! Dolison, japox babijax isax koft wʉt, ¡japon aton beltaem!

San Lucas 17:3 Iomraidhean Croise

San Mateo 18:21

Do jawʉt, Pedro mox soepan Jesús kawʉajnachaemsliajwa. Jawʉt Pedro kawʉajnachaemt wʉt, jʉm-aechon Jesúsliajwa: —Tajpaklon, ¿masveceskat xan beltaeyaxaelen, nawe-isfʉl wʉt babijaxan xanliajwa? ¿Xankat beltaeyaxaelen hasta siete veces? —aech Pedro.

San Lucas 21:34

“¡Chiekal taem! ¡Nabej nejchaxoele' babijaxan isaxan, saxa feyaxanbej! ¡Nabej nejchaxoele'bej ampathatpijaxan! Japoxan nejchaxoelafʉlam wʉt, xan chalechkal paskax wʉt, xamal laepaxaelam Dios naexasis-elaxtat.

Efesios 5:15

Samata, duilam wʉt, ¡chiekal taem babijaxan isasamatam! ¡Nabej duile', me-ama Jesús pejwʉajan naexasis-eli! ¡Chiekal duilafʉlde! Me-ama chiekal matabijapi Jesús pejwʉajan, ¡ja-amde, xamal duilafʉlam wʉt!

Hebreos 12:15

Dios xabich pachaem xatisliajwa. Samata, ¡nabej kofe' Dios naexasitampox! ¡Chiekal taem babijax isasamatam! Isam wʉt babijax, asew jiw, Dios xanaboejapi, japox taen wʉt, japibej isaxael japox babijax.

Santiago 5:19

Takoew, xamalxot kaen aton Jesús pejwʉajan naexasitpox koft wʉt, ¡asan xamalxot nej naewʉajnason, japon aton pejme naexasisliajwa Jesús pejwʉajan!

2 San Juan 1:8

¡Xamal kaenanʉla najut chiekal natataeflafʉlde napelsasamata nabistampoxanliajwa, Dios chaxdusaxaelpox chiekal puexa kifisliajwam!