Apocalipsis 21:17 - Guayabero: Pajelwʉajan Dios pejjamechan

¹⁷ Do jawʉx, xajajʉlison paklowax chaxxajajialspox. Japox xajajʉpon sesenta y cinco metros athʉlel. Me-ama xatis xajajʉs wʉt métrotat, ja-aechbej japon ángel, xajajʉ wʉt.

Apocalipsis 21:17 Iomraidhean Croise

Apocalipsis 13:18

¡Jiw nej nejchaxoele chiekal matabijaliajwa! Ja-aech wʉt, matabijaxaeli marxot nakolsanpon pejnúmero. Japon pejnúmero, seiscientos sesenta y seis. Japanúmero jiw matabijaliajwa japon pejwʉl.

Apocalipsis 14:3

Cordero pejjiw pajeljajuit jajuw Dios pejwʉajnalel, cuatro choef kabʉan-aechpi wʉajnalelbej, ancianos wʉajnalelbej. Asew jiw, asamʉtpijiw, matabija-el jajuiliajwa japajajuit. Ciento cuarenta y cuatro mil jiw, bʉ'wiaspi ampathatat, japikal matabija japot jajuit jajuiliajwa.

Apocalipsis 21:16

Do jawʉt, japon ángel naeyatat xajajʉpon japapaklowax. Kaelel paklowax xajajʉpon dos mil doscientos kilómetros. Japapaklowax puexa fʉletlelan chiekal najʉp. Najʉpbej athʉlel.

Apocalipsis 21:9

Siete ángelesxot, kaen japixot xan napa'an. Japi kaenanʉla copa. Japacopa wʉlʉs siete matdukababijaxan toesliajwapi ampathat. Japon ángel xanxot pat wʉt, najʉm-aechon: “¡Xabʉa't! Xam itpaeyaxaelen Cordero pijwaxaelpow” —na-aech ángel.

Apocalipsis 7:4

Do jawʉx, ángeles kitoet wʉt jiw makmarkax, xan jʉmtaenx jassʉapich jiw makmarkaspox Dios pejsellotat. Makmarkas ciento cuarenta y cuatro mil israelitas.