Tite 3:3 - Nouveau Testament en Gulay 2004

³ Jè géa, kété jè njé kem̂ tɔ kuju tà lége, njé dum nange tà Nube’t a, njé ndemge a tɔ. Jè nga kété jè ɓerge le ngur nyange ke gai-gai a, jè njé ra majelége se njé kem̂keinge a, jè njé kɔr nan njêtge a tɔ.

Tite 3:3 Iomraidhean Croise

Matthieu 21:29

Ngonn nè nga tel ile bɔ’n dè’t ede nè: «M’ndige lé.» Nè mbɔr ɓaa, ngonn nè nga tel gir ɓaa ɔte aw kêm ndɔr nduu’t.

Tà ke Maje ke Luc ndang 21:8

Nè Jésu ede de ede nè: – Undei kumkunju dè ra si’t le kade dé sú kum si lé. Tede dooge bule à unni ri’m tam’n kedi nè: «E man nga kuwe á m’ee Krist.» «Ndɔ nain ngɔr.» I ndolèi go de lé.

Jean 8:34

Jésu tel ede de ede nè: – Kerɔte kuwe, man m’ede sei ndàt, nanan á ke inye ra’n nyein dann kaiya’t se ndɔ’n-ndɔ’n ɓaa, è ɓer le kaiya kuwe.

Nje Ke Rome 11:30

Sei nga kété sei njékaltà tà Nube’t. Nè ɗarinè, è ra se si kêmkanm ade ingei kêm tin mbit tede kaltà le Juipge.

Nje Ke Rome 6:12

Danra ke ndɔn’t à wei nga adi kaiya tel on ɓee dènn’t ndan lé ta. I teli i turi ra si go ngur nyange’t ke ɔje dè danra si nga ndan lé a tɔ.

Nje Ke Rome 6:17

Ade jè rai Nube oiyo. Sei nga kété kaiya on ɓee dè si’t ade sei ɓerge le’n. Nè ɗarinè sei taai nyan ke dé ndó sei se ngarankêm si, ilei koje dè’t.

Nje Ke Rome 6:22

Nè ɗarinè d’ɔr sei ɓee ɓer’t le kaiya d’ade i ndii dè si pal le kade i teli ɓerge le Nube. Titeke bè á sei dooge le Nube ke i tooi se ninn si a, loo tɔl tà’n ɓaa a ingei ndikumgajer ke à tò sár se non a tɔ.

Nje Ke Rome 6:6

Jè ger titeke danra jéi ke mari nga, dé tɔl’n se Jésu nan’t kade kage-ke-dese’t le kade danra ke majelé ke ur sire tutu nga tel unde nang ndagja. Gir’n ke nè á jèi ɓerge le kaiya gugu lé ta.

2 Nje Ke Corinthe 12:20

M’ɓel kêm’t tede bainléa loo ke m’a m’aw ra si’t nga, m’a m’inge sei dè nyanra ke kêm’m ndige lé’t. Sei géa, bainléa a ingei man dè nyange ke kêm si ndige’t lé nga a tɔ. Man ɓel kêm’t m’ede nè bainléa m’a kaw kinge sei dè kɔl nan’t, dè ra jang’t, dè ra wong’t, dè kaw se nan se tà, dè tam tede nan, dè ti ra’t, dè tà kede yer éké dè sule nan dè tà’t a tɔ.

Nje Ke Galatie 6:3

Ke nè á doo karé ke è doo ke raikarè gir kem̂n’t ede nè: N’ee doo ke n’ase ɓaa, è kuwe sú kum ra’n.

Nje Ke Colosses 1:21

Sei nga kété mari d’an sei ke mbage a, ke njébange le Nube se go tàgirge le si a, se go kule ra sige ke majelé nga a tɔ.

Nje Ke Colosses 3:7

Sei géa, kété ke i ndii dann kaiyage’t nè ɓai nga, sei njé ra nyange nè nga tɔ.

2 Timothee 3:13

Nè njé kem̂ majelége se njé libe kum dooge à awi kum de ke kété-kété dè majelé’t. Njé kem̂ majelége se njé libe kum dooge nè nga à súi dooge le kade ndemi a, ei kuwe géa à ndemi a tɔ.

2 Timothee 3:6

Njé ke nange dann de’t ei njé toso kem̂ keige le libe kum dinyege ke njé kem̂ mɔrége. Dinyege nè nga kaiya taa ra de pel-pel a, ngur nyange gai-gai ndɔri de a tɔ.

Tite 1:16

Dooge nè nga tami edi nè: N’geri Nube, nè nyanra de ɔrgir de titeke dé ger Nube ndan lé. Dooge nè nga ei dooge ke tooi yêr tàkum Nube’t. Dé njé dum nange, d’ase ra nyan ke maje karé bè géa lé.

Tite 2:12

Kem̂noje le Nube nè nga ndó jèi loo mbate nyange ke uwe made nan se le Nube lé a, se ngur nyange ke ɔje dè dè nang nè a tɔ. Nè kem̂noje nè nga ndó jèi rebe kunde kumkunju dè ra’t dann dooge ke ndii dè nang nè ɗarinè. Kem̂noje le Nube nga ndó jèi nyanra ke se dè naje’n ke uwe made nan se kile koje dè Nube’t.

Jacques 1:26

Ke nè á doo karé dann si’t an ra’n ke njè ger Nube, nè è ger loo kule aljem̂ tann’t lé ɓaa, è sú kum ra’n è kuwe. Ger Nube le doo nè nga tel è nyan ke raikarè.

1 Pierre 1:14

Ilei koje dè Nube’t. Inyei go nyanrage ke majelé ke kété i rai loo ke ndɔ ke i geri Krist lé ɓai nga kɔke ta.

Lookilera’n 12:9

Dan-kɔbe ke bò ke ri’n nè li ke mari, dé ɓar’n sú, njèkɔse tà se dooge a tɔ nga, dé sure’n mbeng d’ile’n nata dè nang nè. Dan-kɔbe ke bò è njè libe kum dooge dè nang nè bere mbak. E se dooge le’n nga, dé sure de mbeng d’ile de nata dè nang nè.

Lookilera’n 13:14

E libe kum dooge ke dè nang nè se nyankɔbege ke kade tɔli nyan ndajii dan ke ndɔ ke d’ade’n dò ke ase yo’n á tel ndi kumgajer ɓai nè nga.

Lookilera’n 18:2

Doo ke danrán nè nga tam tà se ndu’n ke bòi beng ede nè: «Ɓee-bò ke Babylone nga tuju! ɓee-bò ke Babylone nga tuju! Ɓee-bò nè nga tel è kei ndi ndilge ke majelé a, kei ɓɔyɔ ra le ndilge ke yêr a tɔ. Ɓee-bò nè nga tel è kei ndi helge ke yêr a, dange ke yêr ke kum kan lé a tɔ.