Tite 2:3 - Nouveau Testament en Gulay 2004

³ Kon-dinyege géa, maje kade nyanra de uwe made nan se nyanra dinyege ke tooi se ninn de gai. Maje kade ei njé tam tede dooge lé a, njé kinye ra de nyein dann yibe’t lé a tɔ. Nè maje kade ei njé ndó made dege rebe nyan ke maje.

Tite 2:3 Iomraidhean Croise

Nje Ke Rome 1:29

Nyanrage ke se dè naje’n lé gai-gai se kêmyêr, se kêmkein, se kêm majelé rusu kêm de njin-njin. Ngur tɔl doo, se tɔl nan, se tà sú kum nan, se nyanra ke majelé rusu kêm de njin-njin.

Nje Ke Rome 16:2

Uweii ke ra si’t se kêmnda káng se ri Kuwe-ɓee titeke njétaakêm-Kristge rai se nan bè. I rai se’n dè nyan malang ke è aw ndoo’n kade i rai se’n dè’t nga. E taa dè dooge ke rang bule ngain. Man ke mbain kuwe géa è taa dè’m a tɔ.

Nje Ke Ephese 5:3

Maje kade ri tò se nan ke kaiya’t se ra mine se nede nyan ke rara géa ɓar dann si’t lé. Nyange nè nga tuwe sei njétaakem̂-Kristge ɗêw lé karè.

1 Timothee 3:11

Neen dege géa, gar-gar à ei dinyege ke ri de ɓar maje, à ei njé tam tede dooge lé, à ei njé kain yibe kade ule mbe dè de’t lé a tɔ. Gar-gar à ei ke maje-kojege ɔje dè nyange malang.

1 Timothee 3:8

Njékan dè nyange le njékebe nange le Nube nga géa, gar-gar à ei dooge ke ri de ɓar maje, à ei njé kum tà minye’t joo lé, à ei gon kain yibe lé a, à ei njé kain ngɔde go nyankinge ke se dè naje’n lé lé a tɔ.

1 Timothee 5:23

I nga ratur rai dɔ-dɔ. Ebe rai kain mann ke karè kuwe njing-njing. An-in mann nduu ndêin bè tede kem̂i ke rai se ndɔ karé-karé nga.

Tite 1:7

Njèkan dè njékebe nange le Nube nga, gar-gar à è doo ke tà karé géa uwe dè’n lé tede è njèkan dè nyange le Nube. Gar-gar, doo ke njèkan dè njékebe nange le Nube à è doo ke njè kede yer éké njè ra wong lé, à è njè ra ɓer le yibe éké njè ɓeekos lé éké à è njè ra ɓer le nyankinge ke se dè naje’n lé lé.

Tite 2:4

Titeke bè á à ndói dinyege ke nain-in mande loo tár ngaw dege se ngann dege.

Hebreuge 5:12

Kò si tò ngain kade né gar-gar ɓila sei njéndó nyan made sige ta. Nè ɗarinè, sei awi ndoo kade dé tel dé ndó sei nyange le Nube titeke dé ndó’n sei nyange desêin kuwe ɓai-ɓai. Sei teli tooi asinan se ngannge ke awi ndoo mbà se mur ke mɔré tá bè.

Lookilera’n 2:20

Nè i inye Jézabel, dinye ke ra ra’n ke njèribe-dè-tà ke tà Nube’t nga rai’t ɓai. Dinye nè nga ade ɓer kulege le’m ndemi rebe tede è ndó de tò se nan ke kaiya’t a, ade usei dan ke polé’n magege a tɔ. E ke nè á è nyan karé ke ade m’aw’n sei se tà.