Tite 1:4 - Nouveau Testament en Gulay 2004

⁴ I ngonn’m Tite ke m’oji gir kundekem̂’t le jéi nga, maje kade kem̂noje se kem̂lom ke in ra Bɔ jéi Nube’t se ra Jésu-Krist ke njèkaje jèi nain sei.

Tite 1:4 Iomraidhean Croise

Tà ke Maje ke Luc ndang 2:11

Ɓila d’oje njèkaje sei kêm ɓee’t le ngar David. E nè nga à è Kuwe-ɓee a, Krist a tɔ.

Jean 4:42

Dooge ke reei ra Jésu’t nga edi dinye nè edi nè: – Jè j’um kêm jé dènn’t tede tà tami nga lé ta. Nè j’um jé dènn’t tede tà tam’n ke jè kuwe j’oo se mbi jé. Jè ger titeke è nga è njé kaje dooge dè nang nè kerɔte kuwe.

Nje Ke Rome 1:12

Eké le kade j’ulei dingem kêm nan’t dè kundekêm’t le jéi malang. Kundekêm le si à ra se’m a, kundekêm le’m à ra se si a tɔ.

Nje Ke Rome 1:7

Sei malang ke kêm ɓee-bò ke Rome nga Nube tár sei á ɓar sei kade sei dooge le’n ke i tooi se ninn si. Maje kade Bɔ jéi Nube se Kuwe-ɓee Jésu-Krist adi sei kêmnoje se kêmlom.

2 Nje Ke Corinthe 12:18

Ndɔ ke m’ule Tite ɓéee le si. Ngokon jéi karé ke ndɔ ke m’ede sei tà le’n nga géa, m’ule’n made aw se’n nan’t tɔ. Ké ndɔ ke Tite ube maje dè si’t wa? Ké tàgir le jé se nyanra jé ei karé se le Tite lé wa?

2 Nje Ke Corinthe 2:13

Nè né è bè géa kêm’m tò lom lé, tede m’inge ngokon’m Tite kêm ɓee-bò’t nè nga lé. Gir’n ke nè á m’sure’n njétaakêm-Kristge ke kêm ɓee ke Troas m’inye de, m’ɔte m’aw’n kêm ɓeekon ke Macédoine.

2 Nje Ke Corinthe 4:13

Dé ndang kêm magtub ke tò se ninn’n d’ede nè: «M’unde kêm’m dè Nube’t, gir’n ke nè á m’ede sei tàge le’n.» Jè kuwe géa, se go kêm jé ke j’unde dènn’t á jè tam’n tà nè nga bè tɔ.

2 Nje Ke Corinthe 7:6

Nè Nube ke njè sɔl kêm dooge ke ulei dè de sɔl kêm jé takul ree le Tite.

2 Nje Ke Corinthe 8:16

Ra Tite olé pêl-pêl dè ra se si’t titeke m’ra’n se si bè tɔ. Nube ke njè kade ra’n ɔlé pêl-pêl nga, m’ra’n oiyo ngain.

2 Nje Ke Corinthe 8:23

Tite ɓaa, è made-loo-kaw le’m. E made-kule le’m ke ra se’m kule nan’t-nan’t tede le si. Ngakon jéige ke dannii nga, è njékebe nange le Nube á ulei de. Dé ndi d’ade ra kule tede riɓar le Kuwe-ɓee.

2 Nje Ke Corinthe 8:6

Jè ndeje Tite le kade ra se si ade i tɔli tà kule tann nyan-noje ke ndɔ ke è unn gir ra dann si’t kété nga mbas.

Nje Ke Galatie 2:3

Tite è se’m. E nga è Juip lé nè doo unde tɔge dènn’t ade uje tà mɔte’n lé.

Nje Ke Galatie 3:26

Ɗarinè sei Juipge se njé ke ei Juipge lé ke undei kem̂ si dè Jésu-Krist’t nga, sei malang sei ngann le Nube.

Nje Ke Galatie 3:28

Doo ke è Juip éké è Juip lé goto ɗarinè ta. Ɓer éké doo ke ndi dè’n pal goto ta, dingem éké dinye goto ta; tede sei malang sei dooge ke karé takul kum ke umi nan’t bɔk se Jésu-Krist.

Nje Ke Ephese 1:2

Maje kade kem̂-maje se kem̂lom ke in ra Bɔ jéi Nube’t a, ke in ra Kuwe-ɓee Jésu-Krist a tɔ, nain se si.

Nje Ke Colosses 1:2

jè ndang magtub nè j’ade sei ngakon jé ke njétaakem̂-Kristge ke tooi se ninn de ke i ndii kem̂ ɓee-bò ke Colosses. Maje kade kem̂-maje se kem̂lom ke in ra Bɔ jéi Nube’t nain se si.

1 Timothee 1:12

Kuwe-ɓee le jéi Jésu-Krist ke ade’m tɔg’m nga, m’ra’n oiyo. M’ra’n oiyo tede è an’m ke doo ke ase kade um kem̂’n dèm’t á unde’m dè kule’t le’n.

2 Timothee 1:1

Man Paul njèkawkule le Jésu-Krist se go kem̂ndige le Nube. Man nga Nube um kule kile mber tà ke ɔje dè ndikumgajer ke è unn’n ndu’n kété mari nga. Ndikumgajer nè j’ingei takul kum ke j’umi nan’t bɔk se Jésu-Krist.

2 Timothee 1:2

M’ndang magtub nè m’ade Timothée ngonn kotár le’m. Maje kade kem̂-maje se kem̂kanm a, se kem̂lom ke in ra Nube’t se ra Kuwe-ɓee’t le jéi Jésu-Krist nain se si.

2 Timothee 4:10

Démas sure’m inye’m tede unde nyange ke dè nang nè dann kumn’t ngain. E ɔte aw kem̂ ɓee-bò ke Thessalonique. Crescens ɔte aw kum’n ke ɓeekon ke Galatie a, Tite aw kem̂ ɓeekon ke Dalmatie a tɔ.

Tite 1:3

Loo ke ndɔ le’n ke è kuwe ɔje nga ase deĵ ɓaa, è ribe dè tà le’n nga ke nata se go Tà ke Maje ke m’ile mber’n. E Nube ke njèkaje jèi kuwe á unn’n ndu’n ade’m kade m’ile’n mber Tà ke Maje nga.

Tite 2:13

Gar-gar, j’à rai titeke bè le nginei ndɔ tel kunde loo tee pan le Kuwe jéi Jésu-Krist. Ndɔ nè nga, j’undei kem̂ jéi dè’t tchên. Ndɔ nè nga, ndubra le Nube le jéi ke bò, se ndubra le Njèkaje jèi Jésu-Krist à kile ra’n ke nata ndái-ndái.

2 Pierre 1:1

Man Simon Pierre ɓer le Jésu-Krist a, se njèkawkule le’n a tɔ. M’ndang magtub m’ade njé ke undei kem̂ dè Jésu’t titeke j’unde’n kem̂ jéi dènn’t nga a tɔ. Kundekem̂ ke gate’n è ngain ke tɔje ndá Nube ke njè ra nyan se dè naje’n a, tɔje ndá Jésu-Krist ke njèkaje jèi a tɔ.

2 Pierre 1:11

Titeke bè á Nube à ɔr’n tà rebe kaw kem̂ konɓee ke à tò sár se non le Jésu-Krist Kuwe-ɓee le jéi ke njèkaje jèi kinye wei bendeng kade jèi.

2 Pierre 2:20

Dooge ke kété ɔri ra de dann nyange ke mine ke dè nang nè takul ger ke geri Jésu-Krist Kuwe-ɓee njè kaje jèi njai nga. Dooge nè nga, ke nè á teli ulei ra de dann nyange ke mine’t adi on-in ɓee dè de’t ɓai ɓaa, ndɔn’t à majelé dè de’t ngain dum ke kété.

2 Pierre 3:18

Awi kum si ke kété-kété dè noje’t a, se dè ger Jésu-Krist Kuwe-ɓee le jéi ke njèkaje jèi nga a tɔ. Maje kade riɓar è le’n ɗarinè sár se non. Maje kade è titeke bè kuwe.

2 Pierre 3:2

M’ndige le kade kem̂ si olé dè tàge ke njéribe-dè-tàge ke tà Nube’t ke tooi se ninn de tami kété nga. M’ndige le kade kem̂ si olé dè ndukunn’t ke ndɔ ke njékawkulege le Kuwe-ɓee njèkaje jéi ndó sei kété ɓá nga a tɔ.

1 Jean 5:14

Gir’n ke nè á jè ndai kem̂ jéi káng non Nube’t: Ke nè á jè deji nyan se go kem̂ndige le’n ɓaa, jè geri mbak titeke è oo tà le jéi.

Jude 1:3

Kotárge le’m, m’in kalang m’ndang magtub nè m’ade sei ɔje dè kaje le jéi ke j’orèi nan dè’t nga. Gar-gar è tà le’m le ndang magtub kade sei kule’n dingem kem̂ si’t tede kade i rai rɔ dè kundekem̂’t. Kundekem̂ nga Nube ade njétaakem̂-Kristge nja karé bere ke ngang’n.