Tite 1:2 - Nouveau Testament en Gulay 2004

² Ger ngarankum tà ke uwe made nan se kile koje dè Nube’t nga à ade j’à j’undei kem̂ jéi tchên dè ndikumgajer se non. Nube è njè tam tà lanm lé. Ndu’n ke unn ɔje’n dè ndikumgajer se non kété mari ɓita unde nyange ɓai nga, à tur rang lé.

Tite 1:2 Iomraidhean Croise

Matthieu 25:34

Ngar à ede njé ke ndai dè jikonn’t kede nè: «Sei njénonkarge ke ingei ndutɔr le Bɔ’m nga, i reei on-in ɓee ke d’uwe dè nja d’ɔje’n dè si kété mari loo kunde gir nang’t.

Matthieu 25:46

Njé ke ndai dè jigel à ɔti kawi loo ke kure nyan ra de à ɔde kum de tutu sár se non. Nè njé ra nyan se dè najennge à ɔti kawi loo ndikumgajer sár se non.

Marc 10:17

Loo ke Jésu in oso rebe le kaw ɓaa, dingem karé bè an-in ngɔde ree ɔse keje’n nang nonn’t. E deje’n ede nè: – Ngar, i i doo ke maje, ké m’a ra ri á le kinge’n ndikumgajer se non nga wa?

Marc 10:30

doo nè nga à inge nyange malang ke kété inye tede tà le’m a, tede Tà ke Maje a tɔ nga, à inge made dè’t nja aru ɗarinè se kumndoo. Tá kêm ndɔnge ke à reei, à inge ndikumgajer se non ɓai.

Jean 10:28

Man m’ade à ndii kumgajer se non m à weii ndan lé sár doo karé bè géa asekum kuwe de hont kɔr de jim’t lé a tɔ.

Jean 17:2

I ade ngonni tɔgmong dè dooge malang ke dè nang nè. Dooge malang ke i ade de se’n nga, è ade de ndikumgajer se non.

Jean 17:24

Bɔ’m, njé ke um de jim’t nga, loo ke m’a m’ndi tutu ɓaa, m’ndige kade ndii se’m nan’t tutu tɔ. Titeke bè á d’a d’an’n ndubra ke i ule dèm’t nga se kum de. I tár’m kété mari ɓita unde nang nè ɓai.

Jean 5:39

Sei teri kêm Magtub ke tò se ninn’n tede sei geri kêm si’t titeke takul de á a ingeii ndikumgajer se non. Nè Magtubge nè nga ei njékɔrgo tàge ke ɔje dè’m.

Jean 6:54

Nanan á ke use danra’m a, an-in mese’m a tɔ ɓaa, ndi kumgajer se non ɓá. Ndɔ ke ngeinn’t ɓaa, m’a m’ade à unde loo tee kɔke dann njé ke koo’t.

Jean 6:68

Simon Pierre tel ilé dè’t ede nè: – Kuwe-ɓee, ké nan le jé á j’ayé kinyei kaw rann’t ɓai wa? I kuwe se kari bere á aw se tàge ke doo à ndii’n kumgajer sár se non.

Nyanra Njekawkulege 15:18

Kuwe-ɓee ke njè ra nyange malang nè nga kuwe á tam bè. Nyan ke è ra ɗarinè nga, è nyan ke è ɔji rebe’n kété mari ke desêin.»

Nje Ke Rome 1:2

Tà ke Maje nè nga Nube unn’n ndu’n kété mari ade njéribe-dè-tàge ke tànn’t titeke dé ndang’n tà’n kêm Magtubge ke tooi se ninn de.

Nje Ke Rome 16:25

Ade j’ilei riɓar dè Nube’t. E aw se tɔgmong le kule’n dingem kêm si’t se go Tà ke Maje le Jésu Krist ke m’ile mber’n nga. Tà ke Maje nè nga kété mari è nyan ke tò loo ɓɔyɔn’t.

Nje Ke Rome 2:7

Njé ke sangi le rai nyan ke maje se ndɔ de-ndɔ de tede le kinge’n ndubra le Nube a, riɓar a, se ndikumgajer se non a tɔ nga, Nube à ade à ndii se’n sár se non.

Nje Ke Rome 5:2

Takul kêm jéi ke j’undei dè Kuwe-ɓee Jésu’t á j’ingei rebe nonkar nè nga. Nonkar nè nga ade jè ndaii tutu njáng. J’undei kêm jéi tchên tede korè ke j’orèi nan se Nube dè riɓar’t le’n. E ke nè á è nyan ke ade dè jéi in’n tchakm.

Nje Ke Rome 5:21

Kété yo on ɓee dè dooge’t tede majelé ke taa loo ɔge. Ɗarinè kêmnoje le Nube ɔr tà dè dooge’t ade ingei ndikumgajer se non le Nube takul Jésu-Krist, Kuwe-ɓee le jéi nga.

Nje Ke Rome 5:4

Korè tà njak oje kilekêm, kilekêm oje kundekêm tchên,

Nje Ke Rome 6:23

Oiyo nyan kuge dè ji le kaiya è yo, nè nyan kuge noje le Nube ɓaa, è ndikumgajer sár se non takul kum ke j’umi nan’t bɔk se kuwe jéi Jésu-Krist.

Nje Ke Colosses 1:27

Njé ke ei le Nube ke tooi se ninn de nga, Nube ndige kade kum de gang dè nyanbaw le’n ke maje ngain ke tò loo ɓɔyɔn’t tede le dooge ke ei Juipge lé. Nyanbaw le’n ke maje ngain ke tò loo ɓɔyɔn’t nga, è Krist ke ndi kem̂ si’t. Takul è kuwe karé luk-luk á ndɔn’t a ingei ndubra le Nube.

1 Nje Ke Thessalonique 2:15

E dé Juipge nè nga kuwe á ndɔ ke dé tɔl Kuwe-ɓee Jésu se njéribe-dè-tàge ke tà Nube’t. Jè géa, ndɔ ke d’ɔr jè kororoi tɔ. Dé dooge ke dé taa kum Nube lé a, dé njé kɔse tà se dooge malang a tɔ.

1 Nje Ke Thessalonique 5:8

Nè jéi ke jéi ngann dann kàdege nga adi jè ndii kum jéi karè. Adi j’unni kundekem̂ se tár nan ke nyan rɔ le jéi. Adi j’unni kundekem̂ tchên dè kaje’t tite jɔkɔ le jéi a tɔ.

1 Timothee 6:12

I ra rɔ maje dè kundekem̂’t lei, i keke jii dè ndikumgajer ke se non ke Nube ɓari tede nga kek-kek. Ndikumgajer ke se non nga, kété i ɔrgo tà’n maje ngain tàkum njékɔrgo tàge’t bule.

1 Timothee 6:19

I ndeje de titeke bè le kade dé kebe nyanbawge d’unde konn loo ke maje’t ke ngiring ngiring-ngiring tede kade ndɔ ke rang d’inge’n ndikumgajer ke get a tɔ.

2 Timothee 1:1

Man Paul njèkawkule le Jésu-Krist se go kem̂ndige le Nube. Man nga Nube um kule kile mber tà ke ɔje dè ndikumgajer ke è unn’n ndu’n kété mari nga. Ndikumgajer nè j’ingei takul kum ke j’umi nan’t bɔk se Jésu-Krist.

2 Timothee 1:9

E Nube kuwe aje jèi a, ɓar jèi le kade jèi dooge le’n ke tooi se ninn de a tɔ. Ɓar ke è ɓar jèi nga è se go kule ra jéige lé, nè è se go nyan le’n ke è kuwe ɔje kem̂n’t kété mari se go kem̂-maje le’n. E noje ke è uwe se jéi karè kété mari ɓita unde gir nyange takul kum ke j’umi nan’t bɔk se Jésu-Krist.

2 Timothee 2:10

Gir’n ke nè á m’oré’n tà’m njak dè nyange malang ke tee dèm’t tede le njé ke Nube tɔr de. M’ra titeke bè tede kade dé géa d’inge’n kaje le Jésu-Krist a, se ndubra ke se non a tɔ.

2 Timothee 2:13

Ke nè á j’ubei go kunn-ndu le jéi j’inyei ɓaa, è è njè kinye go kunn-ndu le’n lé. E asekum naje se ra’n dè kunn-ndu’t le’n lé sár.»

2 Timothee 2:15

Ute rai kalang le kade Nube an-in ke njèkule ke dé nan’n d’an’n ɓá ke ra rasɔl lé, nè kai dooge ngarankum tà se go rebe’n.

Tite 2:13

Gar-gar, j’à rai titeke bè le nginei ndɔ tel kunde loo tee pan le Kuwe jéi Jésu-Krist. Ndɔ nè nga, j’undei kem̂ jéi dè’t tchên. Ndɔ nè nga, ndubra le Nube le jéi ke bò, se ndubra le Njèkaje jèi Jésu-Krist à kile ra’n ke nata ndái-ndái.

Tite 2:7

I géa, maje kade i nyan-tɔje le de se go nyanraige ke maje. I ndó de nyan ke unju nyang-nyang le kade d’ile koje dè’t.

Tite 3:7

Jésu-Krist ɔr tà dè jéi’t se go kem̂noje le’n tede kade jè teli jèi njé kinge nyan-ndubege se go kundekem̂ tchên dè ndikumgajer se non nga.

1 Jean 2:25

Ndikumgajer sár se non nga, è nyan ke Krist unn’n ndu’n ade jèi kété ɓá.

1 Jean 5:20

Jè geri titeke Ngonn Nube ree dè nang nè ɓá. E kuwe ade jèi gos nyanger tede kade jè geri Nube ke get-get. J’umi nan’t bɔk se Nube ke get-get nga takul Ngonn’n Jésu-Krist. Jésu-Krist nga è ngarankum Nube a, è njèndi kumgajer sár se non a tɔ.

Jude 1:21

I ndii dann tár ke Nube tár sei. Undei kem̂ si dè Kuwe-ɓee’t le jéi Jésu-Krist, i nginei ndikumgajer se non se ke à ade sei se go kem̂kanm le’n.

Lookilera’n 13:8

Dooge malang ke ndii dè nang nè nga à ulei dè de nang non dan’t nè ɗɔyi nin. Njé ke ulei dè de nang non dan’t ɗɔyi nin nè nga, ei dooge ke mari loo kunde gir nang’t kuwe, dé ndang ri de kem̂ magtub ndikumgajer le Ngonn bate ke ndɔ ke dé tɔl’n nga lé.

Lookilera’n 17:8

Doo ke danrán nga tel ede’m ede nè: «Dan ke i an’n nga tò tutu kété mari, nè ɗarinè goto ta. A unde loo tee kem̂ be ke son’n goto le kaw ke loo tuju’t. Dooge ke ndii dè nang nè, ke dé ndang ri de kem̂ magtub ndikumgajer’t lé mari loo kunde gir nang’t nga, loo ke à an-in dan nè nga bè ɓaa, tà à ige de sêl. Tà à ige de sêl tede dan nè nga tò tutu kété mari, nè go’t gugu goto njêl. Dan nè nga, ndɔn’t à tel kunde loo tee ɓai.