Philemon 1:5 - Nouveau Testament en Gulay 2004

⁵ Tede m’oo kɔbe tár ke i tár Kuwe-ɓee Jésu se njé ke tooi se ninn de malang. Taɓai m’oo kɔbe kem̂i ke unde dè Kuwe-ɓee Jésu’t nga a tɔ.

Philemon 1:5 Iomraidhean Croise

Nyanra Njekawkulege 20:21

M’ile mber m’ade Juipge se njé ke ei Juipge lé le kade ɔsi wan teli ke ra Nube’t a, undei kêm de dè Kuwe-ɓee’t le jéi Jésu nga a tɔ.

Nje Ke Rome 12:13

I rai se njétaakêm-Kristge dè nyange ke nal de. I pabri mbage par-par.

1 Nje Ke Corinthe 16:1

Tà ke ɔje dè nyan ke sei tanni tede njétaakêm-Kristge ke Jérusalem nga, m’unn ndum m’ade njékebe nange ke kêm ɓeekon ke Galatie ɓá ta. Sei géa i rai titeke m’unn’n ndu’m m’ade njé ke Galatie nga bè tɔ.

Nje Ke Galatie 5:6

Kuje tà mɔte éké kuje tà mɔte lé, è nyan ke liriri tede le doo ke um nan’t bɔk se Jésu-Krist. Nè nyan ke è ngarankum nyan nga, è kundekem̂ ke ra kule dè tár nan’t.

Nje Ke Ephese 1:15

Gir’n ke nè á, loo ke m’oo kɔbe kem̂ si ke kundei dè Kuwe-ɓee Jésu’t a, m’oo ser tár ke sei tári njé ke tooi se ninn de malang a tɔ ɓaa,

Nje Ke Colosses 1:4

J’oo ser kundekem̂ dè Jésu-Krist’t le si se ser tár ke sei tári dooge malang ke ei le Nube nga.

1 Nje Ke Thessalonique 3:6

Timothée in ra si sei’t tel ree ra jé’t ngɔr nè ɓai. E tel ree se ser tàge ke maje ke ɔje dè kundekem̂ le si se tár nan le si ade j’oo. Timothée ede jè titeke kem̂ si olé dè jé’t dɔ-dɔ. Taɓai, è ede jè titeke ngur tel kan kum jé ra sei pênn-pênn dum le jé jè ɓai.

Philemon 1:7

Ngokon’m, tár ke i tár njé ke tooi se ninn de nga ule dingem kem̂’t a, ade’m ranel ngain a tɔ. Tàkuli i á kem̂ njétaakem̂-Kristge oso’n nang pon.

1 Jean 3:23

Nube unn ndu’n ade jèi le kade j’undei kem̂ jéi dè ri Ngonn’n Jésu-Krist’t a, jè tári nan titeke ndɔ ke Krist unn’n ndu’n ade jèi.