Nyanra Njekawkulege 3:2 - Nouveau Testament en Gulay 2004

² D’unn dingem karé ke d’oje’n ke njèdɔgemete d’unde’n tàbit kei’t le Nube ke dé ɓar’n «Tàbit kei ke maje ngain.» Dé ree se’n d’unde’n bè se ndɔge malang le kade kɔ nyan dooge ke à reei kêm kei’t le Nube.

Nyanra Njekawkulege 3:2 Iomraidhean Croise

Tà ke Maje ke Luc ndang 16:20

Doo karé bè ke njèndoo ri’n nè Lazare ndi tutu tɔ. Nyan tɔr’n se dò wɔkte-wɔkte. Dé ree d’ile’n nang pɔbel tà kei’t le baw.

Tà ke Maje ke Luc ndang 18:35

Nain ngɔr kade Jésu tee kêm ɓee ke Jéricho. Njèkumtɔ karé bè ndi nang ngang rebe’t à kɔ nyan.

Jean 9:8

Dingem nè nga kété è njèkumtɔ. Njémade-tà-keige le’n se dooge ke kété an-in nin ke njèkɔ nyan nga unni gir tami kedi nè: – Ké è doo nè kuwe á kété ndi nang kɔ nyan se ndɔge malang nè lé wa?

Nyanra Njekawkulege 10:31

«Corneille, Nube ur mbi’n oo’n tà lei ke ɔje se’n nga. Noje ke i uwe se njéndooge nga géa, kêm’n wei nal dè’t lé a tɔ.

Nyanra Njekawkulege 10:4

Corneille an doo ke danrán kàt-kàt, ɓel unde’n ndàt gang’n ade deje’n ede nè: – Kuwe-ɓee, è ri wa? Doo ke danran ile Corneille dè’t ede nè: – Kɔje tàge se noje-kuwege lei nga awi teei ra Nube’t. Gir’n ke nè á kêm’n olé’n dèi’t ɓila.

Nyanra Njekawkulege 14:8

Dingem karé bè ndi kêm ɓee ke Lystre. Doo nè nga nja’n wei tonri ade ndi nang bɔp, m in dɔ njiye ndɔ karé bè lé. E mete ke in-in’n kêm konn’t.

Nyanra Njekawkulege 3:10

Dé ger’n njai titeke è nga kuwe á ndɔ ke ndi nang à kɔ nyan tàbit kei’t le Nube ke ri’n nè: «Tàbit kei ke maje ngain.» Loo ke dooge an-in nyan ke tee dè dingem ke njèdɔgemete’t nè nga bè ɓaa, ɓel unde de ndàt gang de ade ndii tikn.

Nyanra Njekawkulege 4:22

Njèdɔgemete ke Pierre se Jean rai nyankɔbe aji nin nga, ɓal’n dum dè ɓal kɔr-sɔ.