Nyanra Njekawkulege 2:3 - Nouveau Testament en Gulay 2004

³ Ndon nyange ke taai nan se ndon por bè undei loo teei pitring-pitring kayai nan ndii dè de’t karé karé malang.

Nyanra Njekawkulege 2:3 Iomraidhean Croise

Matthieu 3:11

Man ɓaa, mann á m’ule sei njonm tutu karè kade i turi hal si. Nè doo karé ke tɔgmong le’n dum le’m à ree goom’t gugu non. Gabang ke njann’t géa, man m’asekum tɔr se dè ra’m lé. Doo nè nga à ɔr sei kunde sei se ninn si gai se Ndil-Kêmnda a, se por a tɔ.

Matthieu 3:15

Nè Jésu tel ile’n dè’t ede nè: – Inye ade m’ra ɗarinè. Ra nyan ke kêm Nube ndige tɔl mbas nga, tuwe jè ɗêw titeke bè. Jean inye Jésu ade ra titeke bè.

Tà ke Maje ke Luc ndang 24:32

Dé tel dé deje nan d’ede nè: – Loo ke kété n’ɔje se jé tà a, n’ɔrgir tàge ke kêm Magtubge’t le Nube n’ade jè a tɔ nga, ké kêm jé agenan kɔt-kɔt lé wa?

Nyanra Njekawkulege 1:15

Ndɔ karé bè, njétaakêm-Kristge kebi nan asi aru se kɔr-joo. Pierre ɔse nang in dɔ dann de’t ede de ede nè:

Nyanra Njekawkulege 2:11

Jèi ke nange jèi Juipge ke koje ɓee, njé nange ei Juipge telge, njé ke nange in-in kêm ɓee ke Crète se ɓeekon ke Arabie a tɔ. Nè né è bè géa, dooge nè nga ɔri gir nyanrage le Nube ke maje dum adi j’ooi se tà koje jéi, koje jéi.

Nyanra Njekawkulege 2:2

Ke loon’t nè kuwe ká nyan in danrán ɓar asenan se nel-bò bè ree taa kêm kei ke dé ndi tutu pel-pel.

Nyanra Njekawkulege 2:4

Dé malang, Ndil-Kêmnda taa kêm de pel-pel ade d’unn gir tam tà tam dooge ke rang gai-gai se go tà ke Ndil ade de le kade dé tam.

1 Nje Ke Corinthe 12:10

Ndil á ade doo karé ke nè tɔgmong kade ra’n nyankɔbege, ade doo karé ke rang Ndil ade è njèribe-dè-tàge ke tà Nube’t. Ndil ke karé nè kuwe ade doo karé gos ter nyan ke in ra Ndil-Kêmnda’t se nyan ke in rann’t lé. Ndil-Kêmnda ade doo karé ke rang gos tam tà koje dooge ke rang gai-gai a, ade doo karé ke rang ɓai gos tel gir tàge gai-gai a tɔ.

Jacques 3:6

Ndon doo nga géa tò asenan se por bè tɔ. Ndon doo nga è kei ndi le nyanrage ke pás-pàs. Ndon jéi nga ube dann balkum ra jéige’t, nè ra ade danra jéi bere mbak tel mine tanm-tanm. Ndon doo nga è njè tee se tàge ke majelé tuju’n dookundege le Nube titeke kɔr por oso’n loo’t ró’n bè. Tàge ke majelé ke ndon doo tuju’n dooge nga in loo ke tur ke dooge à non-in se mann non kum de’t tutu.

Lookilera’n 11:3

M’a m’ade tɔgmong njékɔrgo tàge le’m ke joo nè nga kade ilei mber se ri Nube ase ndɔge aru dɔg gidé-joo se kɔr-mute-mute. Njékɔrgo tàge le’m ke joo nè à tulei kubu-sile ra de’t.»

Lookilera’n 14:6

Taɓai, m’an doo ke danrán karé ke rang nel se bage’n aw dann danran’t danné bɔp. E aw se Tà ke Maje ke tò se non tede kile mber’n kade dooge malang ke ndii dè nang nè. Mber Tà ke Maje nga ɔje dè kosdooge a, girkoje dooge malang ke dè nang nè ke tà tam de è gai-gai a, se dooge ke se dè ɓee-dè ɓee a tɔ.