Nyanra Njekawkulege 11:3 - Nouveau Testament en Gulay 2004

³ – Ké bain á i aw kêm kei le dooge ke ei Juipge lé use se de nyan wa?

Nyanra Njekawkulege 11:3 Iomraidhean Croise

Matthieu 9:11

Loo ke Pharisienge an-in titeke bè ɓaa, ei deji njékuwe-gir-Jésuge edi nè: – Ké bain á njè ndó sei nyan use nyan nan’t se njétaa tirge a, se dooge ke d’an de ke njé ra majelége nga wa?

Tà ke Maje ke Luc ndang 15:2

Pharisienge se njékɔrgir gute-nduge murin tà kêm de’t edi nè: – An-in! doo nè nga uwe njékaiyage ke rann’t a, use se de nyan nan’t a tɔ.

Jean 18:28

Njékɔr non Juipge in-in se Jésu ra Caiphe’t se ndɔgé ɓat awi se’n kêm kei le Pilate njèkonɓee. Juipge ke awi se’n nga, ilei nja de kêm kei lé. Ei ndigi le kade ra de mine lé tede le kuse’n nyan nan Paque.

Nyanra Njekawkulege 10:23

Pierre aw se njékulege le Corneille kêm kei, ra de mba. Barè lookar’n kuwe, è in aw se de. Njétaakêm-Krist ke nange ke kêm ɓee ke Joppé danni nin awi se’n.

Nyanra Njekawkulege 10:28

Pierre ede de ede nè: – Sei geri mbak, doo ke è Juip nga d’ɔge’n loo kuwe made nan éké loo kum nan’t bɔk se doo ke è Juip lé. Nè man ɓaa, Nube ndoo’m le kade m’an doo karé bè ke nyan ke raikarè éké ke nyan ke mine lé gar-gar.

Nyanra Njekawkulege 10:32

Ule kêm ɓee ke Joppé, i ɓar Simon karé ke ri tɔyi’n nè Pierre ade ree. E tò kei le Simon ke njèkɔr gide ndar. Simon ke njèkɔr gide ndar nga, kei le’n tò tà ba-bò kate’t ngɔr.»

Nyanra Njekawkulege 10:48

Pierre unn ndu’n ade d’ule de manné njonm se ri Jésu-Krist. Njé ke d’ule de manné njonm nè nga deji Pierre edi nè: – I ndi se jé ndêin ɓita.

1 Nje Ke Corinthe 5:11

Ḿ-m̀, magtub ke m’ndang m’ade sei ɗarinè nga ɔje dè doo ke ɓar ra’n ke njètaakêm-Krist, nè tel è njè tò se nan ke kaiya’t éké njèkêmkein se njè gugu mage éké njè taje ndu éké njè kade yibe ule mbe dènn’t, éké njèɓog. Doo ke titeke bè nga, utei nin mbeng. Nyankuse géa a usei se’n nan’t lé.

Nje Ke Galatie 2:12

Kété ɓita kade Jacques ule Juipge ke nange ade reei Antioche ɓai nga, Pierre use nyan nan’t se dooge ke ei Juipge lé kem̂’n karé a tɔ. Nè loo ke dooge nè nga reei teei pan ɓaa, è ebe ra’n kuse nyan se njé ke ei Juipge lé ɔr ra’n ndi mbeng tede ɓel kum Juipge.

2 Jean 1:10

Ke nè á doo karé ree ra si’t á ree se nyan-ndó le Krist nè nga lé ɓaa, uwei nin ke ra si’t kem̂ kei le si lé a, edi nin edi nè: «I ree se maje’n» lé a tɔ.