Nyanra Njekawkulege 10:3 - Nouveau Testament en Gulay 2004

³ Ndɔ karé bè, ase kàde mute ke loo sɔlé, nyan pinde’n. Doo ke danran ke Nube ule’n aw goon’t kei ade an’n njai-njai. Doo ke danran le Nube nga ɓar Corneille ede nè: – Corneille!

Nyanra Njekawkulege 10:3 Iomraidhean Croise

Matthieu 27:46

Loo ke nain ngɔr kade kàde ke mute ase ɓaa, Jésu tam tà se ndu’n ke bòi beng ede nè: – Eli, Eli, lema Sabachthani, gir’n è: «Nube le’m, Nube le’m, ké tede ri á i sure’m inye’m wa?»

Tà ke Maje ke Luc ndang 1:11

Doo ke danrán ke Kuwe-ɓee ule’n tee hɔi ke ra Zacharie’t, è nda se ke dè jikon ɗinger loo ró katchatcha’t.

Tà ke Maje ke Luc ndang 2:13

Ke loon’t nè kuwe, kosdooge ke danrán teei pan gan-in dè made de ke Kuwe-ɓee ule’n nga wàk. Dé mbak d’ɔse pa dé ɗɔi’n Nube d’ede nè:

Nyanra Njekawkulege 10:17

Pierre tel ndi giw à girtà dè nyanpinde ke kété an. Ke loon’t nè kuwe, njékulege le Corneille reei teei pan. Ei deji kei le Simon ke njèkɔr gide ndar edi nè: – Ké kei le Simon è ra wa? Ei reei ndai tàbit kei’t nata.

Nyanra Njekawkulege 10:19

Pierre ndi à girtà dè nyanpinde’t nè nga ɓai. Ndil-Kêmnda ede’n ede nè: – An! dingemge mute à sangi nin.

Nyanra Njekawkulege 10:30

Corneille ede Pierre ede nè: – Ase ndɔ sɔ ɗarinè, se kade ke mute ke loo sɔlé tite made bè kuwe, m’ndi kêm kei le’m m’a m’ɔje tà se Nube. An! dingem karé bè ule kubu ke nda káng-káng unde loo tee pan nda nonm’t ede’m ede nè:

Nyanra Njekawkulege 10:9

Barè lookar’n, ngann njéndige le Corneille se njèrɔ le’n njiyei sár undei dè ɓee ke Joppé ngɔr. Pierre al dɔ dè kei dur-dur’t le kɔje tà se Nube. Kàde ra le nda dann ɓee ta.

Nyanra Njekawkulege 11:13

E ɔrgir nyan ke tee dènn’t ede jè ede nè: «M’an doo ke danrán ree goom’t kei ede’m ede nè: Ule Joppé i ɓar Simon ke d’ile ri tɔyi’n nè Pierre ade ree.

Nyanra Njekawkulege 27:23

Nube ke m’ɗɔi’n nga ule doo le’n ke danrán ade ree ram’t ndɔɔ laa ede’m ede nè:

Nyanra Njekawkulege 3:1

Ndɔ karé bè, loo ke kàde tel ra’n se mbɔr’n, Pierre se Jean à awi ke kêm kei’t le Nube le kɔji se’n tà.

Nyanra Njekawkulege 5:19

Nè dann ndɔ ɓaa, Kuwe-ɓee ule doo le’n ke danran ade ree teen tàbit-kei dangai inye wei. E ade njékawkulege undei loo teei kêm kei dangai’t ɓaa, è ede de ede nè:

Nyanra Njekawkulege 9:10

Njèkuwe-gir Kuwe-ɓee Jésu karé bè ndi kêm ɓee-bò ke Damas ri’n nè Ananias. Kuwe-ɓee tee dènn’t se nyanpinde ɓar’n ede nè: – Ananias! E ndige tànn’t ede nè: – Kuwe-ɓee, an! man á m’nda nè.

Nyanra Njekawkulege 9:4

E gudu nang bɔlɔk ɓaa, è oo ndu doo ɓar’n deje’n ede nè: – Saul, Saul, ké bain á ɔr’m kororoi bè wa?

Hebreuge 1:14

Dooge ke danrán malang nga, ké ei nel nyange ke ei ngann njékulege le Nube kuwe lé wa? Ké è Nube á ule de kade dé ra se njé ke à ingei kaje nga lé wa?

Hebreuge 1:4

Ngonn nè nga tel maje ngain dum dooge ke danrán ɓai. E inge ri ke tò gai se le de ke nyan-ndube.