Nyanra Njekawkulege 1:9 - Nouveau Testament en Gulay 2004

⁹ Loo ke è ede de tàge nè nga bè ɓá ɓaa, è in tàkum de’t aw danrán. Loo ke dé nda d’an goo’n sikm ɓaa, ke loon’t nè kuwe, bum utu dè’n lêt ade d’an’n lé sár.

Nyanra Njekawkulege 1:9 Iomraidhean Croise

Marc 16:19

Loo ke Kuwe-ɓee Jésu ede de tàge nè gir gang ɓá ɓaa, Nube ade aw ndi dè jikonn’t danrán nú.

Tà ke Maje ke Luc ndang 21:27

D’a d’an’m man Ngonn doo loo tel ree’t le’m dann bum’t se tɔgmong a, se ndubra a tɔ.

Jean 6:62

Ke nè á ndɔn’t a an-in Ngonn doo loo tel kaw loo ndii’n ke kété in tutu ree nga ɓaa, ké a i tami kedi nè ri ta wa?

Nyanra Njekawkulege 1:11

– Sei dooge ke ɓeekon ke Galilée, ké bain á i ndai an-in loo ke danrán sikm bè wa? Jésu nè ke d’unn’n dann si’t d’aw se’n danrán nga, ndɔ ke rang à tel ree kade an-in titeke an-in nin loo kin kaw’n danrán’t nè nga bè tɔ.

Nyanra Njekawkulege 1:2

sár tee’n kêm ndɔ ke Nube unn’n aw’n se’n danrán. Jésu unn ndu’n se go tɔgmong le Ndil-Kêmnda ade njékawkulege ke è tɔr de unde de se ninn de.

1 Nje Ke Thessalonique 4:17

Jéi ke j’à ndii kumgajer dè nang nè sár ndɔ tel ree le Krist nga, d’ade koto jèi kalu-kalu se de nan’t kaw se jéi dann bum’t dɔ danrán nú le kade j’ɔji non Kuwe-ɓee. Titeke bè á j’à nain se Kuwe-ɓee njing.

1 Timothee 3:16

Kerɔte kuwe, nyanger le jéi ke bò ke tò loo ɓɔyɔn’t ke jè geri se go kundekem̂ le jéi nga á tò nè: Krist unde loo tee pan tel ra’n tite jéi jèi dooge bè, Ndil-Kem̂nda ɔr tà dènn’t. Dooge ke danrán an-in nin loo kunde loo tee dann njé ke koo’t a, loo kin kaw danrán’t a tɔ. D’ile mber tà le’n dann dooge ke ei Juipge lé. Dooge ke dè nang nè undei kem̂ de dènn’t a, d’unn’n mbeng d’aw se’n danrán dann ndubra’t a tɔ.

Lookilera’n 1:7

An-in! Jésu-Krist nga à ree dann kil’t le ndi; dooge karé-karé malang à an-in nin a, njé tɔse’n tɔlnge géa à an-in nin se kum de a tɔ. Kosdooge malang dè nang nè à non-in kundei kàde de dai-dai tede tà le’n. Oiyo, maje kade è titeke bè kuwe.

Lookilera’n 11:12

Njéribe-dè-tàge le Nube ke joo nè nga ooi ndu doo ɓar danrán beng ede nè: «Ali ke dɔ laa.» Ke loon’t nè kuwe d’in d’al dɔ dann bum’t d’aw danrán. Njébange le de malang an-in de sikm.

Lookilera’n 14:4

Ei dooge ke rai nyan se dè naje’n a, inyei ra de nyêin dann mage polé le dooge ke dè nang nè lé a tɔ. Loo malang ke Ngonn bate aw tutu nga, d’unn dè nja’n têr-têr. Dé nè nga dé dooge ke Ngonn bate gang dè de dann dooge ke dè nang nè. E gang dè de le kade dé ko nyange ke desêin le Nube a, le’n è a tɔ.