Nyanra Njekawkulege 1:8 - Nouveau Testament en Gulay 2004

⁸ Nè sei a kingei tɔgmong le Ndil-Kêmnda ɓaa, sei a teli k’eei njékɔrgo tàge le’m kêm ɓee-bò ke Jérusalem a, se ɓeekon ke Judée bere mbak a, se ɓeekon ke Samarie a, sár kade ɔri son nang nè njêt a tɔ.

Nyanra Njekawkulege 1:8 Iomraidhean Croise

Matthieu 24:14

Konɓee le Nube nga, d’a d’ile mber’n kade dooge malang ke geri Nube lé ke ndii dè nang nè bere mbak ooi kété ɓita dè nang nè à tuju ɓai.

Matthieu 28:19

Awi, i teli dooge malang ke ei Juipge lé ke njékuwe-girmge. Ulei de manné njonm se ri Bɔ’m a, se ri Ngonn a, se ri Ndil-Kêmnda a tɔ.

Marc 16:15

Go’t gugu Jésu ede de ede nè: – Awi se loo malang dè nang nè, ilei mber Tà ke Maje adi dookundege bere mbak.

Tà ke Maje ke Luc ndang 1:35

Doo ke danran nè nga ile Marie dè’t ede nè: – Ndil-Kêmnda à ra kule rai’t a, tɔgmong le Nube Njèdum dè nyange malang à sebe dèi’t titeke ndil oso’n dè doo’t bè. Gir’n ke nè á, ngonn ke tò se ninn’n ke a oje’n nga d’a ɓar’n Ngonn Nube.

Tà ke Maje ke Luc ndang 10:19

An-in! man m’ade sei tɔgmong le kade i tubei dè li jênênnge se kuju-nang-ge nang a, le kade i leri tɔgmong le njèban nang làr a tɔ. Nyan karé bè géa à ra sei majelé lé.

Tà ke Maje ke Luc ndang 24:29

Nè dé nda se’n kekek d’ede nè: – I ndi se jé tede ndɔ à il ngɔr ta. E aw se de kêm kei le de ndi se de.

Jean 15:27

Sei géa a k’ei njékɔrgo tàge le’m tede sei se’m nan’t kété mari loo kunn gir kule’t le’m.

Nyanra Njekawkulege 1:22

Doo nè nga, gar-gar maje kade è doo ke ndɔ ke è se jéi nan’t, unn gir ndɔ ke Jean ule’n Jésu manné njonm sár tee’n ndɔ ke Nube unn’n dann jéi’t seen aw’n se’n danrán.

Nyanra Njekawkulege 1:5

Jean ule dooge manné njonm kété, nain ndɔ ngain lé kade d’ɔr sei d’unde sei se ninn si gai se Ndil-Kêmnda ɓai.

Nyanra Njekawkulege 13:31

Go’t gugu ɓaa, Jésu unde’n loo tee pan ade njé ke ndɔ ke danni nin ɓeekon ke Galilée awi se’n kêm ɓee-bò ke Jérusalem an-in nin ndɔ bule. Dé nè nga kuwe á ɗarinè dé tel dé njékɔrgo tàge le’n kade kosdooge.

Nyanra Njekawkulege 2:32

Jésu nè ke man m’ede sei tà le’n nga, Nube ade unde loo tee dann njé ke koo’t. Jéi malang j’ooi tà kunde loo tee le’n dann njé ke koo’t nga se mbi jéi.

Nyanra Njekawkulege 22:15

Gar-gar a i njèkɔrgo tà le’n. Nyan ke an se kumi a, oo tà’n se mbi a tɔ nga, ɔrgir ade dooge malang.

Nyanra Njekawkulege 3:15

Sei tɔli Ngar ke njè kade dooge ndii kumgajer se non nga, nè Nube ade unde loo tee dann njé ke koo’t. Jésu ke Nube ade unde loo tee dann njé ke koo’t nga, jè j’an’n se kum jé a, j’oo tàge le’n se mbi jé a tɔ.

Nyanra Njekawkulege 4:33

Njékawkulege ɔri go tà kunde loo tee dann njé ke koo’t le Kuwe-ɓee Jésu adi nunge ngain. Ei malang ndii dann bò kêmnoje’t le Nube bɔndum.

Nyanra Njekawkulege 5:32

Jè jè njékɔrgo tà nyange nè nga. Ndil-Kêmnda ke Nube ade njé ke rai nyan ke kêm’n ndige géa, è njèkɔrgo tà nyange nè nga tɔ.

Nyanra Njekawkulege 6:8

Etienne è doo ke ndutɔr se tɔgmong le Nube taa ra’n pel-pel. E ra nyange ke dum kum se nyankɔbege ke bò dann kosdooge’t.

Nyanra Njekawkulege 8:1

Nè Saul ndige se de dè tɔl ke dé tɔl Etienne. Kêm ndɔn’t nè kuwe, d’unn gir kɔr njékebe nange le Nube ke kêm ɓee-bò ke Jérusalem kororoi. Njétaakêm-Kristge malang yali nan karé-karé se kêm ngann ɓeege ke ɓeekonge ke Judée se Samarie a tɔ. Nè njékawkulege kuwe á nain-in kêm ɓee-bò ke Jérusalem.

Nje Ke Rome 10:18

A ɓaa, ké m’a m’tam kede nè: Ndɔ ke Juipge ooi tà nè nga ndan lé wa? Ḿ-m̀, ei ooi mbak kuwe! Magtub le Nube tam ede nè: «D’oo ndu njékile mberge ke ɔje dè Tà ke Maje se loo malang dè nang nè. Mber kile le de aw sár ɔse ngei dè nang ndi dooge bere mbak.»

Nje Ke Rome 15:19

se go tɔgmong le nyankɔbege se nyange ke dum kum a, se go tɔgmong le Ndil-Kêmnda a tɔ. Titeke bè á m’unn’n gir kile mber Tà ke Maje le Krist kêm ɓee-bò ke Jérusalem se ɓeege malang ke an-in dè’n gêrêr sár m’tee’n kêm ɓeekon ke Illyrie. M’ile mber Tà ke Maje le Krist nga m’ɔr son’n njêt kêm ɓeege’t nè nga.

Nje Ke Colosses 1:23

I bai nja si nang mong dè kundekem̂ dè Nube’t anje kage ndêr ke rang dè Tà ke Maje ke ndɔ ke ooi kété nga. Tà ke maje nè nga è nyan kundekem̂ tchên dè’t lé jéi. Tà ke Maje nè nga d’ile mber’n d’ade nyankundege malang ke dè nang nè. Man Paul géa m’ee ngonn njèkule le Tà ke Maje nè nga kuwe tɔ.