Nyanra Njekawkulege 1:6 - Nouveau Testament en Gulay 2004

⁶ E á njékawkulege ɔsi nja nan ra Jésu’t deji nin edi nè: – Kuwe-ɓee, ké ɗarinè kuwe è ndɔ ke a i tel’n se konɓee le ngann Israelge kade gugu ta wa?

Nyanra Njekawkulege 1:6 Iomraidhean Croise

Matthieu 17:11

Jésu tel ile de dè’t ede nè: – E kum kuwe, nè gar-gar Elie à tel ree gɔl nyange malang kade tel tò loon’t gugu.

Matthieu 20:21

Jésu deje kon ngannge nè nga ede nè: – Ké ri á i ndige wa? E tel ile Jésu dè’t ede nè: – Ngann’m ke joo nè nga, unn ndui ade njé ke karé ndi dè jikoin’t a, ade è ke karé ndi dè jigeli’t a tɔ kêm ɓeekon’t lei.

Matthieu 24:3

Taɓai Jésu ɔte aw ndi dè mbal’t ke kage olivierge ndai tutu. Njékuwe-girnge awi ingeii se kar’n deji nin edi nè: – Ede jè, ké ndɔ ke ra nyange nè nga à teei wa? Ké ri á à tɔji jè kade jè ger ndɔ teli nga wa? Ké ndɔ ke ra gir nang nè à gang ɗás wa?

Marc 9:12

Jésu ede de ede nè: – Elie à tel ree le gɔl nyange malang kade teli tooi loon’t titeke kété pa ɓita. A ɓaa, ké bain á dé ndang tà kêm Magtubge’t d’ɔje’n dè’m man Ngonn doo d’ede nè: Gar-gar nyankêmkonge ngain à ra’m a, d’a d’an’m ke nyan lé a tɔ wa?

Tà ke Maje ke Luc ndang 17:20

Ndɔ karé bè Pharisienge deji Jésu edi nè: – Ké Konɓee le Nube nga ayé ree ndɔ ke ra’t wa? Jésu tel ile de dè’t ede nè: – Konɓee le Nube à ree tàkum dooge’t njung kade teri an-in lé.

Tà ke Maje ke Luc ndang 19:11

Dooge uri mbi de ooi tà le Jésu. Loo ke è an titeke d’ur mbi de d’oo tà le’n ɓaa, è unn sertà karé ke rang ede de tede nain ngɔr kade à tee Jérusalem. Dooge nè giri kêm de’t edi nè nain ngɔr ɓaa Konɓee le Nube ayé kunde loo tee pan ta.

Tà ke Maje ke Luc ndang 22:29

Gir’n ke nè á m’uwe’n dè nja Konɓee m’ɔje’n dè si titeke Bɔ’m uwe’n dè nja Konɓee ɔje’n dè’m man nga tɔ.

Jean 21:21

Loo ke Pierre tête kum’n an’n ɓaa, deje ede nè: – Kuwe-ɓee, à n’ee ke nè, ké ri á à tee dèyé’t wa?