Nyanra Njekawkulege 1:5 - Nouveau Testament en Gulay 2004

⁵ Jean ule dooge manné njonm kété, nain ndɔ ngain lé kade d’ɔr sei d’unde sei se ninn si gai se Ndil-Kêmnda ɓai.

Nyanra Njekawkulege 1:5 Iomraidhean Croise

Matthieu 3:11

Man ɓaa, mann á m’ule sei njonm tutu karè kade i turi hal si. Nè doo karé ke tɔgmong le’n dum le’m à ree goom’t gugu non. Gabang ke njann’t géa, man m’asekum tɔr se dè ra’m lé. Doo nè nga à ɔr sei kunde sei se ninn si gai se Ndil-Kêmnda a, se por a tɔ.

Matthieu 3:6

Dooge nè nga malang reei ra Jean’t ɔri gir kaiyage le de ke nata adi nin ade ule’n de manné njonm dann ba ke Jourdain.

Marc 1:8

Ma m’ule sei manné njonm, nè è ɓaa à ɔr sei kunde sei se ninn’n se Ndil-Kêmnda.

Tà ke Maje ke Luc ndang 3:16

Nè Jean ede de ndàt ede nè: – Man m’ɔr sei kunde sei se ninn si gai se mann. Nè doo karé ke tɔgmong le’n dum dè le’m à ree goom’t non. Man m’ase tutu sa ke njann’t lé. Doo nè nga, à ɔr sei kunde sei se ninn’n gai se Ndil-Kêmnda a, se por a tɔ.

Jean 1:26

Jean tel ile de dè’t ede nè: – Man ɓaa, mann á m’ule dooge tutu njonm karè. Nè doo karé ke sei gerii lé nda dann si’t laa.

Jean 1:31

Man géa m’ger’n kété lé, nè m’ree m’ule dooge manné njonm tede kade kum ngannkà Israel gang’n dènn’t njai.

Jean 1:33

Man m’ger’n kété lé ɓai, nè è ke njèkule’m kade m’ule dooge manné njonm nga ede’m ede nè: «E ke Ndil à in dɔ le ree ndi dènn’t nga á è njèkɔr dooge kunde de se ninn’n gai takul Ndil-Kêmnda.»

Nyanra Njekawkulege 10:45

Juipge ke njétaakêm-Kristge malang ke danni Pierre reei se’n nga, tà ige de sêl. Kerɔte kuwe, Nube ade Ndil-Kêmnda taa kêm dooge ke ei Juipge lé géa pel-pel ɗarinè tɔ ta.

Nyanra Njekawkulege 19:4

Nè Paul ede nè: – Kule dooge manné njonm ke ɔje dè tur hal á è nyan ke ndɔ ke Jean ra. E ede kosdooge le kade undei kêm de dè è ke à ree goon’t. E ke à ree go Jean’t nga è Jésu.

1 Nje Ke Corinthe 12:13

Oiyo, né Juipge se njé ke ei Juipge lé, né ee’n ɓerge éké njé ndi dè palge géa, ndɔ ke d’ule jéi manné njonm d’ade j’umi nan’t bɔk se Ndil-Kêmnda ke karé nè kuwe. Jèi malang jè teli jèi danra ke karé bere ke j’an-in mann ke an-in kutch-kutch ke in ra Ndil-Kêmnda’t.

Tite 3:5

Nube aje jèi tede nyanra jé ke se dè naje’n ke ndɔ ke jè ra nga lé. Nè è aje jè se go kem̂kanm le’n. E tel jè ke dooge ke koje kige se koje ke Ndil-Kem̂nda tel oje jè rang.