Nyanra Njekawkulege 1:4 - Nouveau Testament en Gulay 2004

⁴ Ndɔ karé bè, Jésu ndi se de nan’t tà nyankuse’t, è unn ndu’n ade de le kade d’inye ɓee-bò ke Jérusalem d’aw rang lé. E ede de ede nè: – I ndii Jérusalem nè kuwe i nginei ndukunn le Bɔ’m ke ndɔ ke m’ede sei tà’n kété nga.

Nyanra Njekawkulege 1:4 Iomraidhean Croise

Matthieu 10:20

Tà ke à tee tà si’t kêm kàdenn’t nè nga, è sei á a in-in se dè si tami lé. Nè è tà ke Bɔ si á ade Ndil-Kêmnda ule tà si’t.

Tà ke Maje ke Luc ndang 11:13

Sei ke njékêmyêrge gé ɓai á i geri kade nyange ke maje ngannge nè a, ké bɔ jéi ke ndi danrán à asekum kade Ndil-Kêmnda njé ke dejii lé wa?

Tà ke Maje ke Luc ndang 12:12

Awi ɓaa Ndil-Kêmnda kuwe à ndó sei tà ke kade i tami kêm ndɔn’t nè gar-gar.

Tà ke Maje ke Luc ndang 24:49

Nyan ke Bɔ’m unn’n ndu’n ade sei nga, an-in! man kuwe m’a m’ule’n kade sei. Nè sei ɓaa, i ndii kêm ɓee-bò’t nè kuwe sár kade ingei tɔgmong ke à in ra Nube’t ɓita.

Jean 14:16

Man m’deje Bɔ’m le kade ade sei njè ra se si ke rang. E nè nga à nain se si sár se non.

Jean 15:26

Ndil-Kêmnda le ngarankum tà ke à in ra Bɔm’t nga, à è njè ra se si. Loo ke m’a m’ule’n kade ree ɓaa, è kuwe à è njèkɔrgo tà le’m.

Jean 20:22

Loo ke è tam tà nè nga titeke bè ɓá ɓaa, è tó kebe dè de’t puu ede nè: – I taai Ndil-Kêmnda!

Jean 7:39

E tam tà nè nga titeke bè ɔje’n dè Ndil-Kêmnda ke njé ke undei kêm de dènn’t ayé kingei. Kêm ndɔn’t nè nga Ndil-Kêmnda ree lé ɓai tede d’ule ndubra dè Jésu’t lé ɓai.

Nyanra Njekawkulege 10:41

Nè è jè njékɔrgo tàge le’n ke Nube tɔr jè kuwe se kar jè bere á j’an’n. Loo ke Jésu-Krist unde loo tee dann njé ke koo’t nga, jè njékɔrgo tàge le’n j’use se’n a, j’an-in se’n a tɔ.

Nyanra Njekawkulege 2:33

Nube unn ndu’n kété mari ede nè n’a n’ule se Ndil-Kêmnda kade dooge. Loo ke è unn Ngonn’n Krist mbeng ade aw ndi dɔ dè jikon’t ɓá ɓaa, è ade’n Ndil-Kêmnda nga. Taɓai Krist in ke kété ule se Ndil-Kêmnda nga ade yal nan dè jéi’t karé-karé malang. E nè nga, è nyan ke sei an-in se kum si a, ooi tà’n se mbi si ɗarinè ɓá ta.