Nyanra Njekawkulege 1:3 - Nouveau Testament en Gulay 2004

³ Go nyankêmkon ke ra’n se go kwei le’n, Jésu tɔje ra’n kumgajer ade njékawkulege le’n an-in nin nja bule. E nain se de ndɔ’n kɔr-sɔ, è ɔr ser nyange ke ɔje dè Konɓee le Nube ade de.

Nyanra Njekawkulege 1:3 Iomraidhean Croise

Matthieu 21:43

Gir’n ke nè á, man m’ede sei ndàt, Konɓee le Nube nga d’a d’uwe wont taa ji si’t le kade girkoje dooge ke à adi nyan tee kɔde. [

Matthieu 28:9

Jésu unde loo tee pan ke ra de’t ede de ede nè: – M’ra sei lapya. Dinyege nè agi ngɔr reei rann’t uwei nja’n, ɗɔyi nin.

Matthieu 3:2

– I turi hal si tede Konɓee ke danran nain ngɔr ta.

Matthieu 4:2

Ɓo ra Jésu tede ɔge ra’n dè nyankuse’t ase dann kàde kɔr-sɔ se dann ndɔ kɔr-sɔ a tɔ.

Marc 16:19

Loo ke Kuwe-ɓee Jésu ede de tàge nè gir gang ɓá ɓaa, Nube ade aw ndi dè jikonn’t danrán nú.

Jean 20:26

Ndɔ sɔsɔ gugu ɓai, njékuwe-gir-Jésuge teli kebi nan kêm kei karé’t. Ei uti tà rebege dè de’t kák-kák. Thomas è se de nan’t kêm ndɔn’t nè nga. Nè né è bè géa, Jésu tee hɔi, nda dann de’t ede de ede nè: – Maje kade kêmlom nain se si.

Jean 21:1

Ndɔ ke gugu rang, Jésu tee hɔi ke ra njékuwe-girnge’t tà ba ke ri’n nè Tibériade. An! dé ke è tɔje de ra’n ade d’an’n nga ri de á tò nè:

Jean 21:14

Taɓai unn tutu kanje nobo de titeke bè tɔ. Nube ade Jésu unde loo tee dann njé ke koo’t. E tɔje ra’n ade njékuwe-girnge an-in nin. Ke nè ɓaa, è njèkon’t mute ɗarinè ta.

Nyanra Njekawkulege 13:31

Go’t gugu ɓaa, Jésu unde’n loo tee pan ade njé ke ndɔ ke danni nin ɓeekon ke Galilée awi se’n kêm ɓee-bò ke Jérusalem an-in nin ndɔ bule. Dé nè nga kuwe á ɗarinè dé tel dé njékɔrgo tàge le’n kade kosdooge.

Nyanra Njekawkulege 19:8

Paul aw kêm kei kebe nan’t ede de tà se kêmnda káng. E ɔje se de tà ase nan mute ade kum Juipge gang dè Konɓee’t le Nube.

Nyanra Njekawkulege 28:23

Paul se Juipge ɔji ndɔ tede tel kinge’n nan. Loo ke ndɔ nè ase deĵ ɓaa, Juipge reei ngain dum ke kété ingei nin kêm kei ndinn’t kuwe. Paul ɔrgir tà se ndɔgé sár loo sɔlé a, ile mber Konɓee le Nube nga ndàt ade de a tɔ. E uwe ra’n mong le kade kum de gang dè Jésu’t se go tà ke kêm magtub gute-ndu’t le Moise sár tee’n dè magtubge’t le njéribe-dè tàge ke tà Nube’t.

Nyanra Njekawkulege 28:31

E ile mber Konɓee le Nube ade de a, è ndó de tà ke ɔji dè Kuwe-ɓee Jésu-Krist se kêmnda káng m doo karé bè géa ɔge’n dè’t lé.

Nyanra Njekawkulege 8:12

Nè ɗarinè loo ke Philippe ile mber Tà ke Maje ke ɔje dè ɓeekon le Nube se ri Jésu-Krist ade de ɓaa, dingemge se dinyege ke umi kêm de dè tà’t le’n nga, adi d’ule de manné njonm.

Nje Ke Rome 14:17

Kerɔte kuwe, konɓee le Nube nga tò tede nyankuse éké nyankain lé. Konɓee le Nube nga tò ɔje dè nyanra ke se dè naje’n a, se kêmlom a, se ranel ke Ndil-Kêmnda ade jèi.

Nje Ke Colosses 1:13

E uwe jèi wont ji tɔgmong’t le tilkus ɔr jèi ree se jéi kem̂ Konɓee’t le Ngonn’n ke è kotár le’n.

1 Nje Ke Thessalonique 2:12

Jè ndeje sei a, j’ule dingem kem̂ si’t a, le kade pa njiye si ile riɓar dè Nube ke njè ɓar sei kade on-in ɓee se’n a, ingeii ndubra le’n nga a tɔ.

1 Jean 1:1

Jè ndang magtub j’ede’n sei tà ke ɔje dè ndikumgajer ke ndi tutu kété mari ke desêin. Tà ke ɔje dè ndikumgajer nè nga, ndɔ ke kété j’oo tà le’n a, j’an’n se kum jé a tɔ. Tà nè nga, ndɔ ke kété jè jè ter’n j’an’n mbiri-mbiri a, jè manm’n se ji jé j’an a tɔ.