Nyanra Njekawkulege 1:2 - Nouveau Testament en Gulay 2004

² sár tee’n kêm ndɔ ke Nube unn’n aw’n se’n danrán. Jésu unn ndu’n se go tɔgmong le Ndil-Kêmnda ade njékawkulege ke è tɔr de unde de se ninn de.

Nyanra Njekawkulege 1:2 Iomraidhean Croise

Matthieu 12:28

Ke nè á m’rɔ ndilge ke majelé se tɔgmong le Nube ɓaa, è tà le kade i geri titeke Konɓee le’n ube sei nang ɓá ta.

Matthieu 3:16

Loo ke Jean ule Jésu manné njonm ɓá ɓaa, Jésu unde loo tee nata. An! ke loon’t nè kuwe, kum danran teen halal ade an ndil Nube rise ndi dènn’t tite der-nda bè.

Marc 6:30

Njékawkulege teli reei ɔsi nja nan ra Jésu’t ɔri ser kulege malang ke kété rai a, se nyange malang ke kété ndói dooge a tɔ adi oo.

Tà ke Maje ke Luc ndang 24:51

Loo ke è nda à tɔr ndu’n dè de’t bè ɓai ɓaa, ke loon’t nè kuwe è ɔr ra’n ra de’t ade d’unn’n d’aw se’n danrán.

Tà ke Maje ke Luc ndang 9:51

Ndɔ ke d’a d’unn Jésu dè nang nè kaw se’n danrán nain ngɔr ta. E ɔje njáng le kaw kêm ɓee-bò ke Jérusalem.

Jean 1:16

Jèi malang j’ingei nyan-noje ɔse gonan-gonan takul nyanbaw le’n ke dum dè loo.

Jean 13:1

Kété ɓita kade ndɔ ra nan Paque ase ɓai nga, Jésu ger titeke kàde ndɔte ɓee dè nang nè tel ke ra Bɔn’t nga ase ɓá. Njé ke le’n ke kinge’n ke ayé ndii dè nang nè ɓai nga, è tár de ngain. E tár de ade al dè loo’n.

Jean 13:18

Tà ke m’tam nè nga m’ɔje’n dè si malang lé. Njé ke man kuwe m’tɔr de nga m’ger de mbak. Nè nyan nè nga tee titeke bè tede kade tà ke Magtub ke tò se ninn’n tam ede nè: «E ke use se’m mapa nan’t nga kuwe à tel kɔr nja’n kube’m» nga, aw loon’t deĵ.

Jean 13:3

Jésu ger titeke Bɔ’n um nyange malang jinn’t. E ger titeke in ra Bɔ’n Nube’t a, à tel kaw rann’t gugu a tɔ.

Jean 16:28

Man m’in ra Bɔm’t nú á m’ree dè nang nè. Ɗarinè man m’inye nang nè le tel kaw ra Bɔm’t gugu.

Jean 17:13

Ɓɔ’m ɗarinè m’ndi m’a m’aw ke rai’t nú. Nè m’tam tà nè titeke bè loo ke m’nain dè nang nè ɓai tede kade d’inge’n ranel le’m se girson’n bere mbak.

Jean 20:17

Jésu tel ede Marie ede nè: – Ɔde ra’m lé tede m’in m’aw ra Bɔm’t lé ɓai. Nè i ɓaa, i tel aw ede ngakonmge ede nè m’ndi m’aw ke ra Bɔ’m Nube’t. Bɔ’m Nube nga, è Bɔ si sei a, è Nube le si a tɔ.

Jean 20:21

Jésu tel ede de ede nè: – Maje kade kêmlom nain se si. Ɗarinè, man géa m’ule sei titeke kété Bɔ’m ule’m nga tɔ.

Jean 3:34

E ke Nube ule’n nga ɔrgir tàge le Nube, tede Nube ade’n Ndil se girson’n bere mbak.

Jean 6:62

Ke nè á ndɔn’t a an-in Ngonn doo loo tel kaw loo ndii’n ke kété in tutu ree nga ɓaa, ké a i tami kedi nè ri ta wa?

Jean 6:70

Jésu tel deje de ede nè: – Sei ke dɔg-gidé-joo nè nga, ké è man kuwe á m’tɔr sei lé wa? Nè né è bè géa, è ke karé dann si’t tel è doo le sú ke njèkêmyêr.

Nyanra Njekawkulege 1:11

– Sei dooge ke ɓeekon ke Galilée, ké bain á i ndai an-in loo ke danrán sikm bè wa? Jésu nè ke d’unn’n dann si’t d’aw se’n danrán nga, ndɔ ke rang à tel ree kade an-in titeke an-in nin loo kin kaw’n danrán’t nè nga bè tɔ.

Nyanra Njekawkulege 1:13

Loo ke dé tee kêm ɓee-bò ke Jérusalem ɓá ɓaa, ke loon’t nè kuwe, d’al d’aw kêm kei ke dè made’t ke è loo kinge nan le de se ndɔ de-ndɔ de. Ri de dé njékawkulege nga tò nè: Simon se Jean, Jacques se André, Philippe se Thomas, Barthélemy se Matthieu, Jacques ngonn Alphée se Simon ke njèkile ra’n kɔke tede ɓee le’n, se Jude ngonn Jacques a tɔ.

Nyanra Njekawkulege 1:22

Doo nè nga, gar-gar maje kade è doo ke ndɔ ke è se jéi nan’t, unn gir ndɔ ke Jean ule’n Jésu manné njonm sár tee’n ndɔ ke Nube unn’n dann jéi’t seen aw’n se’n danrán.

Nyanra Njekawkulege 1:9

Loo ke è ede de tàge nè nga bè ɓá ɓaa, è in tàkum de’t aw danrán. Loo ke dé nda d’an goo’n sikm ɓaa, ke loon’t nè kuwe, bum utu dè’n lêt ade d’an’n lé sár.

Nyanra Njekawkulege 10:38

Jésu ke Nazareth ke Nube ule’n nga, Nube ade’n tɔgmong le Ndil-Kêmnda. Jésu aw se loo-loo ra maje se dooge malang a, aje njé ke sú uwe de a tɔ, tede Nube è der gir’n.

Nje Ke Galatie 1:1

Kule ke man Paul m’ndi m’ra nga, gir’n in ra dooge’t éké doo karé á ade’m lé. Nè man m’ee njèkawkule se go kem̂ndige le Jésu-Krist se Bɔ’n Nube ke njè kade unde loo tee dann njé ke koo’t nga.

Nje Ke Ephese 2:20

Sei nga, dé rɔte sei dè gir kei’t le njékawkulege se njéribe-dè-tàge ke tà Nube’t a tɔ. Jésu-Krist á è kuberi her ke mong dè kum kei’t.

1 Timothee 3:16

Kerɔte kuwe, nyanger le jéi ke bò ke tò loo ɓɔyɔn’t ke jè geri se go kundekem̂ le jéi nga á tò nè: Krist unde loo tee pan tel ra’n tite jéi jèi dooge bè, Ndil-Kem̂nda ɔr tà dènn’t. Dooge ke danrán an-in nin loo kunde loo tee dann njé ke koo’t a, loo kin kaw danrán’t a tɔ. D’ile mber tà le’n dann dooge ke ei Juipge lé. Dooge ke dè nang nè undei kem̂ de dènn’t a, d’unn’n mbeng d’aw se’n danrán dann ndubra’t a tɔ.

Hebreuge 9:24

Kei ke tò se ninn’n ke dooge rai nga è til ngarankum kei ke tò se ninn’n. E kei ke tò se ninn’n ke dooge rai nè á Krist aw kem̂é lé. Nè è kem̂ danran’t nú ra Nube’t á è ndi ra rebe tà le jéi ɗarinè.

1 Pierre 3:22

Krist nga in aw ndi dè jikon Nube’t dɔ danrán. Dooge ke danrán se njékonɓeege a, se njé tɔgmong-ge malang a tɔ, ulei dè de adi nin.

2 Pierre 3:2

M’ndige le kade kem̂ si olé dè tàge ke njéribe-dè-tàge ke tà Nube’t ke tooi se ninn de tami kété nga. M’ndige le kade kem̂ si olé dè ndukunn’t ke ndɔ ke njékawkulege le Kuwe-ɓee njèkaje jéi ndó sei kété ɓá nga a tɔ.

Lookilera’n 1:1

Nyange ke tooi loo ɓɔyɔn’t ke Nube ribe dè ade Jésu-Krist. Jésu-Krist ribe dè nyange ke tooi loo ɓɔyɔn’t nè nga ade ɓer kulege le’n. Nyange ke Nube ade Jésu-Krist ribe dè ade ɓer kulege le’n nga, gar-gar ei nyange ke à reei ngɔr kuwe. Jésu-Krist ule doo le’n ke danrán karé ade ree tɔje Jean ɓer le’n nyange nè nga.

Lookilera’n 2:11

Nanan ke ka mbi’n tò tutu ɓaa, maje kade ur mbi’n maje oo’n tà ke Ndil ede njékebe nange le Nube. Dooge ke têti rɔ ɓaa, yo ke njèkon’t joo à ra kum de ndoo ndan lé.»

Lookilera’n 2:17

Nanan ke ka mbi’n tò tutu ɓaa, maje kade ur mbi’n maje oo’n tà ke Ndil ede njékebe nange le Nube. Dooge ke têti rɔ ɓaa, m’a m’ade de mur ke tò loo ɓɔyɔn’t ke ri’n nè manne kade on-in. M’a m’ade’n ngonn her ke nda kade ɔr’n tà dè dooge’t. Ri ke kige ke dé ndang tu ngonn her ke nda’t nè nga, doo ke rang karé bè géa ger lé. Nè doo ke inge ngonn her ke nda nè kuwe se kár’n bere á ger.»

Lookilera’n 2:29

Nanan ke ka mbi’n tò tutu ɓaa, maje k’ade ur mbi’n maje oo’n tà ke Ndil ede njékebe nange le Nube.»

Lookilera’n 2:7

Nanan ke ka mbi’n tò tutu ɓaa, maje kade ur mbi’n oo’n tà ke Ndil ede njékebe nange le Nube. Dooge ke têti rɔ ɓaa, m’a made de kann kage ndikumgajer ke tò loo ke maje’t le Nube kade usei.»

Lookilera’n 21:14

Geng-bɔr le ɓee-bò nè nga, d’unde gir’n dè mbalge ke dɔg-gidé-joo. Dé ndang ri njékawkulege ke dɔg-gidé-joo le Ngonn bate dè mbalge’t nè nga karé-karé malang.

Lookilera’n 3:13

Nanan ke ka mbi’n tò tutu ɓaa, maje kade ur mbi’n maje oo’n tà ke Ndil ede njékebe nange le Nube.»

Lookilera’n 3:16

A ɓaa, titeke i ɔbe jɔr karè anje kolé éké sɔl nga, m’a m’tɔmoin tam’t lɔtch kɔke.

Lookilera’n 3:22

Nanan ke ka mbi’n tò tutu ɓaa, maje kade ur mbi’n maje oo’n tà ke Ndil ede njékebe nange le Nube.»