Matthieu 9:8 - Nouveau Testament en Gulay 2004

⁸ Loo ke kosdoo-bulege an-in bè ɓaa, ɓel unde de ndàt gang dè ade ɗɔyi Nube ke njè kade dooge tɔgmong ke titeke bè nga.

Matthieu 9:8 Iomraidhean Croise

Matthieu 12:23

Tà ige kosdoo-bulege sêl ade tami edi nè: – Ké è nè nga á è ngonnkà David lé wa?

Matthieu 15:31

Ndil kosdoo-bulege tee an-in soin-soin. Njé ke tami tà lé unni gir tami tà. Njédɔgemetege teli njiyei ɗáj-ɗáj. Njémetege njiyei awi a, teli a, njékumtɔge géa an-in loo njai-njai a tɔ. Doobulege ɔsi pa ulei ndubra dè Nube’t le Israel.

Matthieu 28:18

Jésu aw ngɔr ke ra de’t ede de tàge titeke bè ede nè: – Man nga, d’ade’m tɔgmong dè nyange malang ke danrán se ke dè nang nè.

Matthieu 5:16

Sei géa, maje kade nyan-ndogó le si ndogó tàkum dooge’t tede kade an-in nyanra maje le si ɓaa, ilei riɓar dè Bɔ si ke ndi danrán.

Matthieu 9:7

Dingem nè nga ɔse nang in dɔ aw kêm kei le’n.

Marc 2:12

Ke loon’t nè kuwe, dingem nè nga ɔse nang in dɔ, ɓir nyan too’n, unde loo tee tàkum dooge’t malang ade teli ndii giw. Dooge malang ulei ndubra dè Nube’t edi nè: – Jè j’an nyan ke titeke bè nja karé ndan lé ɓai.

Marc 7:37

Ndil de tee an-in soin-soin ade dé tam d’ede nè: – N’ra nyange ke dum kum. N’ade njé mbi mbege teli ooi tà ɗarinè a, n’ade njé ke kété asikum tami tà njai lé géa, teli tami tà njai-njai ɗarinè a tɔ.

Tà ke Maje ke Luc ndang 13:13

Jésu ile ji’n dè dinye’t nè nga ɓaa, ke loon’t nè kuwe è ute tà’n dɔ a, è unn gir kule ndubra dè Nube’t se ndɔ karé-karé malang a tɔ.

Tà ke Maje ke Luc ndang 17:15

Nè è ke karé dann de’t an titeke ra’n tel tò karè ndát-ndát ɓaa, è ɔse wan dè njann’t tel ree ule ndubra dè Nube’t se ndu’n ke bòi.

Tà ke Maje ke Luc ndang 17:18

Ké bain á njé ke jisɔ-jimi teli reei ulei ndubra dè Nube’t titeke doo ke dɔ nè ra lé wa?

Tà ke Maje ke Luc ndang 18:43

Ke loon’t nè kuwe kum njèkumtɔ teen ade an’n loo ule’n ndubra dè Nube’t a tɔ. Loo malang ke Jésu aw tutu nga, njèkumtɔ nè aw se’n nan’t-nan’t. Loo ke kosdooge malang an-in bè ɓaa, ei géa, unni gir kule ndubra dè Nube’t tɔ.

Tà ke Maje ke Luc ndang 2:20

Loo ke njékul nyange à teli ke ra nyankulge’t le de gugu ɓaa, ei ulei ndubra dè Nube’t a, ɔsi pa ɗɔyi nin a tɔ. Nyange malang ke ei ooi tà’n se mbi de a, an-in se kum de a tɔ nga, awi loon’t deĵ titeke doo ke danrán ke Nube ule’n ede’n de kété nga.

Tà ke Maje ke Luc ndang 23:47

Loo ke kuwe njérɔge ke njèkunn dè de an nyange ke teei nè bè ɓaa, è ule ndubra dè Nube’t ede nè: – Loo naje’n goto, doo nè nga è doo ke danné sêw kuwe.

Tà ke Maje ke Luc ndang 7:16

Dooge malang ke an-in nyan nè nga, ɓel unde de ndàt gang de ade ulei ndubra dè Nube’t edi nè: – Njèribe-dè-tà ke tà Nube’t karé ke bò unde loo tee dann jéi’t! E Nube kuwe á ree din-in kosdooge le’n!

Jean 15:8

Ke nè á anni se kann si ɗàk-ɗàk ɓaa, d’a d’ile’n riɓar dè Bɔm’t a, a i teli k’ei njékuwe-girmge a tɔ.

Nyanra Njekawkulege 11:18

Loo ke Juipge ke njétaakêm-Kristge ooi tàge nè nga bè ɓaa, ebi’t kɔl se Pierre ta. Nè ei ulei ndubra dè Nube’t edi nè: – Nube ade dooge ke ei Juipge lé géa turi hal de le ndii kumgajer tɔ ta.

Nyanra Njekawkulege 21:20

Loo ke ngatɔgege ooi tàge nè nga bè ɓaa, ei ulei ndubra dè Nube’t, taɓai edi Paul edi nè: – Ngokon jé an! Juipge aru dɔg loo bule teli ei njétaakêm-Kristge. Nè né è bè géa, ei malang uwei gute-ndu ji de joo.

Nyanra Njekawkulege 4:21

Loo ke d’oo tà ke Pierre se Jean tami nè bè ɓaa, dé tel d’ibe de pe^-pe^ ɓita d’inye go de ɓai. Tede d’inge tà ke get le kum’n de dangai’t lé. Dé ra titeke bè tede kile ke kosdooge malang ilei riɓar dè Nube’t ɔje dè njèdɔgemete ke ra’n tel mong ɗaj-ɗaj.

2 Nje Ke Corinthe 9:13

Kule ke sei rai nè nga ade dooge geri sei ke njétaakêm-Kristge ke get. Sei tɔji de titeke ilei koje dè Tà ke Maje’t le Krist kuwe. Sei uwei noje se njétaakêm-Kristge ke Jérusalem a, se dooge ke rang malang a tɔ, se kêmnda káng. Gir’n ke nè á à rai Nube oiyo ngain tede tà le si ɔje dè nyange nè malang ke sei rai ɓá.

Nje Ke Galatie 1:24

Njétaakem̂-Kritsge ke Judée ɗɔyi Nube tede tà le’m man.

1 Pierre 2:12

Dooge ke geri Nube lé nga tami tede si a, an-in sei ke njè ra majelége a tɔ. Nè né è bè géa, i njiyei dann de’t se maje’n tede kade teri nyanra sige ke maje. Titeke bè á à ilei riɓar dè Nube’t ndɔ ke à ile’n kum’n dè de’t.