Matthieu 9:6 - Nouveau Testament en Gulay 2004

⁶ Jésu ede dingem ke ra’n wei tonrin nè nga ede nè: – Ɔse nang in dɔ, unn tuwe-tooi, aw kei lei. M’ra titeke bè le kade i geri titeke man ke m’ee Ngonn doo nga m’aw se tɔgmong le kɔr’n kaiyage dè dooge’t dè nang nè.

Matthieu 9:6 Iomraidhean Croise

Matthieu 4:24

Kɔbe nyan ke Jésu ra nga, oso se loo mbit-mbit kêm ɓeekon ke Syrie bere mbak. Dé ree se njératurge ke raturge gai-gai rai kum de ndoo ra Jésu’t. E ɔr ratur dè de’t malang: Njé ke ndilge ke majelé tooi kêm de’t se njé ke kɔnon tɔte de a, njé ke kêl ra de wei tonrin a tɔ.

Matthieu 8:20

Jésu tel ile’n dè’t ede nè: – Njange géa bolè tò de tò tutu a, helge géa ndis tò de tò tutu a tɔ. Nè man ke m’ee Ngonn doo nga, m’inge loo kule dè’m tutu taa kebe lé.

Matthieu 9:2

An! d’unn dingem karé ke ra’n wei tonrin se tuwe dé ree se’n d’ile’n nang non Jésu’t. Loo ke è an kundekêm le dooge nè bè ɓaa, è ede dingem ke ra’n wei tonrin nga, ede nè: – Basa, i nda kêmi káng, tede Nube ade kêm’n tin mbit dè kaiyage’t lei ɓá ta.

Matthieu 9:5

«Nube ade kêm’n tin mbit dè kaiyage’t lei»,éké «ɔse nang in dɔ i njiye.» Ké è ke ra á è tà ke loo tam’n on lé wa?

Matthieu 9:7

Dingem nè nga ɔse nang in dɔ aw kêm kei le’n.

Marc 2:10

Nè m’a m’tɔje sei le kade i geri titeke man Ngonn doo m’aw se tɔgmong le kɔr’n kaiya dè dooge’t dè nang nè. Jésu ede doo ke ra’n wei tonrin ede nè:

Marc 2:7

– Ké bain á doo-nyan le doo nè nga tam tà titeke bè wa? E nede Nube. Ké Nube kuwe karé bere á asekum kɔr kaiya dè dooge’t lé wa?

Tà ke Maje ke Luc ndang 5:21

Loo ke njékɔrgir gute-ndu Nube se Pharisienge ooi tà ke Jésu tam nè nga bè ɓaa, wong in se de ade unni gir murin tà edi nè: – Ké doo nè nga è nan á ile rasɔl dè Nube’t bè wa? Ké Nube kuwe karé á asekum tam ndàt kede nè n’ade kêm’n tin mbit dè kaiya ra dooge’t lé wa?

Jean 10:28

Man m’ade à ndii kumgajer se non m à weii ndan lé sár doo karé bè géa asekum kuwe de hont kɔr de jim’t lé a tɔ.

Jean 17:2

I ade ngonni tɔgmong dè dooge malang ke dè nang nè. Dooge malang ke i ade de se’n nga, è ade de ndikumgajer se non.

Jean 5:27

Bɔ Ngonn ade’n tɔgmong le gang’n tà tede k’ee ke è Ngonn doo nga.

Jean 5:8

Jésu tel ede njèratur nè nga ede nè: – Ɔse nang in dɔ unn tuwe lei aw.

Nyanra Njekawkulege 5:31

E nga Nube unn’n unde’n dè jikonn’t ade è njè kunde gir kaje le dooge. Nube ra titeke bè le kade dooge ke kêm ɓeekon ke Israel turi hal de ingei kêm tin mbit dè kaiyage’t le de.

Nyanra Njekawkulege 9:34

Pierre ede Enée ede nè: – Enée, Jésu-Krist aji ɓá! Ɔse nang in dɔ i kuwe i gɔl tire lei. Ke loon’t nè kuwe, Enée ɔse nang karkat in dɔ.

2 Nje Ke Corinthe 2:10

Doo ke adi kêm si tin mbit dènn’t ɓaa, man géa m’ade kêm’m tin mbit dènn’t tɔ. Ke nè á m’tin kêm’m mbit dè nyan karé’t ɓaa, m’ra tede le si tàkum Krist’t.

2 Nje Ke Corinthe 5:20

Jè jè ngann njékulege tede le Krist. Nube ɓar dooge ke rann’t takul jé jè. Bè ɓaa, jè ndête sei se ri Krist kade umi nan’t bɔk se Nube.

Nje Ke Ephese 4:32

I rai kem̂-maje se nan a, i rai kem̂kanm se nan a, adi kem̂ si tin mbit dè nan’t titeke Nube ade kem̂’n tin’n mbit dè si’t takul Krist.

Nje Ke Colosses 3:13

Ilei kem̂ si pon dè nan’t. Ke nè á doo karé dann si sei’t aw se tà ke asekum kade in’n se made’n se tà géa, adi kem̂ si tin mbit dè nan’t. Adi kem̂ si tin mbit dè nan’t titeke Kuwe-ɓee ade kem̂’n tin’n mbit dè si’t nga tɔ.