Matthieu 9:4 - Nouveau Testament en Gulay 2004

⁴ Jésu ger tàgirge le de ke kêm de’t mbak. Gir’n ke nè á è deje’n de ede nè: – Ké bain á i giri tàge ke majelé titeke bè dè ɓengre si’t wa?

Matthieu 9:4 Iomraidhean Croise

Matthieu 12:25

Jésu ger tàgir le de ke kêm de’t mbak, gir’n ke nè á ede’n de ede nè: – Ke nè á dooge ke kêm ɓeekon le ngar karé kuwe in-in kayai nan loo joo ɓaa, ɓeekon nè nga à tel k’ee ndube. Ɓee-bò ke rara ke kaya ra’n danné loo joo ɓaa, à asekum tò lé a, girkoje ke rara ke kaya ra’n danné loo joo ɓaa, à asekum ndi lé a tɔ.

Marc 12:15

Nè Jésu ger kede gos le de mbak ɓaa, è deje de ede nè: – Ké bain á ulei kêm’m wa? E ede de ede nè: – I reei se nar kule ke ndɔ karé nga adi man!

Marc 2:8

Ke loon’t nè kuwe Jésu ger tàgirge le de ke kêm ɓengre de’t mbak. E deje de ede nè: – Ké bain á sei giri tàge ke titeke bè dè ɓengre si’t wa?

Tà ke Maje ke Luc ndang 11:17

Nè Jésu ger tàgirge le de mbak. E ede de ede nè: – Ke nè á dooge ke kêm ɓeekon ke karé in-in kayai nan loo joo ɓaa, ɓeekon nè à tel k’ee ndube. Keige ke kêm ɓeekon’t nè nga géa à jɔréi nang bɔrɔr- bɔrɔr a tɔ.

Tà ke Maje ke Luc ndang 5:22

Jésu ger tàgir le de ke kêm de’t mbak. E deje de ede nè: – Ké bain á sei giri tàge ke titeke bè dè ɓengre si’t wa?

Tà ke Maje ke Luc ndang 6:8

Nè Jésu ger tàgirge le de ke kêm de’t mbak. Gir’n ke nè á, è ede’n dingem ke ji’n wei tonrin nè nga ede nè: – Ɔse nang in dɔ i nda dann de’t nè ade d’an-in. E ɔse nang in nda dɔ dann de’t ngurung.

Tà ke Maje ke Luc ndang 7:40

Jésu ger tàgir le Simon ke kêmn’t mbak. E ede’n ede nè: – Simon, m’aw ndoo kedi tà karé. Simon tel ile’n dè’t ede nè: – Njèndó dooge nyan, m’ur mbi’m le koo’n tà ke ayé tam nga.

Jean 16:19

Jésu ger titeke d’ayé deje’n tà. E in kété ede de ede nè: – Sei deji nan tà dè tà ke kété m’tam m’ede nè: «Nain ndêin ɓaa, a an-in man gugu lé, nè mbɔr gugu ɓita a i teli kan-in man ɓai.»

Jean 16:30

Ɗarinè jè ger titeke i ger nyange malang, i aw ndoo kade doo deji tà lé. Gir’n ke nè á j’unde’n kêm jé dèi’t titeke i in ra Nube’t nú kuwe.

Jean 21:17

Jésu deje Simon njèkon’t mute ede nè: – Simon, ngonn le Jean, ké i ndige’m kerɔte kuwe wa? Kêm Pierre on’n tede deje ke Jésu tel deje’n njèkon’t mute ede nè: – Ké i ndige’m kerɔte kuwe wa? Taɓai Pierre tel ede Jésu ede nè: – Kuwe-ɓee, i ger nyange malang ɓá, i ger titeke m’ndigi kerɔte kuwe. Jésu tel ede Simon Pierre ede nè: – Bè ɓaa, ul ngann batege le’m ade’m sei.

Jean 6:61

Jésu ger kêmn’t mbak titeke njékuwe-girnge murin tà ɔji dè tà nè nga. Gir’n ke nè á, è deje’n de ede nè: – Ké tà nè nga tuge sei jig’t ile sei wa?

Jean 6:64

Nè njé ke nange dann si’t undei kêm de dèm’t lé. Njé ke undei kêm de dè Jésu’t lé nga, è ger de kété mari loo kunn gir kule’t le’n. E ke ayé kule’n ji dooge’t nga géa è ger’n mbak ɓá a tɔ.

Nyanra Njekawkulege 5:9

Nè Pierre ede Saphira ede nè: – Ké bain á sei se ngawi umi tà le si nan’t le nan’n Ndil Kuwe-ɓee titeke bè wa? An! njé ke dubi ngawi nga oo ká nja de ke à ɓar tà kei’t nata non. I géa à unni nin kawi sei nata tɔ.

Lookilera’n 2:23

M’a m’ade yo-kos à tɔl ngannenge kabak. Bè tá njékebe nange le Nube malang à geri titeke man m’ee njè ter tàgir le dooge ke dè ɓengre de’t. Man m’uge nanan géa dann si’t se go kule ra’n.