Matthieu 9:38 - Nouveau Testament en Gulay 2004

³⁸ Bè ɓaa, ɔji tà se Kuwe-ɓee ke njè ko le kade ule njé sa koge loo sa ko’t le’n.

Matthieu 9:38 Iomraidhean Croise

Matthieu 9:37

Go’t gugu Jésu ede njékuwe-girnge ede nè: – Ko ke kum sa è ngain nè njé saange á di lé ɓai.

Jean 20:21

Jésu tel ede de ede nè: – Maje kade kêmlom nain se si. Ɗarinè, man géa m’ule sei titeke kété Bɔ’m ule’m nga tɔ.

Jean 4:35

Ɗarinè nan sa ko nain sɔ ta, ké i tami bè lé wa? Nè man m’ede sei: Unni kum si an-in koge idi kum sa ɓá ta.

Nyanra Njekawkulege 13:2

Ndɔ karé bè, d’ɔge kêm de ɓo a, d’an-in mann lé a tɔ. Loo ke dé ndi d’a d’ɔje tà se Nube ɓaa, Ndil-Kêmnda ede de ede nè: – Ɔri Barnabas se Saul undei de se ninn de adi man ɔje dè kule ke m’ɓar de tede nga.

Nyanra Njekawkulege 8:4

Njétaakêm-Kristge ke dé yal de karé-karé nga awi se loo-loo ilei mber Tà ke Maje.

1 Nje Ke Corinthe 12:28

Dooge ke desêin ke Nube unde de dè njékebe nange’t le’n nga ei njékawkulege, njé ke ɔsi go de ei njéribe-dè-tà ke tà Nube’t. Dooge ke njèkon’t mute ei njéndó dooge nyan. Go’t ɓaa, ei njé ra nyankɔbege se njékɔr ratur ra dooge’t se njé ra se dooge ke rang se njékɔr non dooge a, se njé tam tà tam dooge ke rang gai-gai a tɔ.

Nje Ke Ephese 4:11

E è kuwe á uwe noje se dooge ade njé ke nange ei njékawkulege a, ade njé ke karége ei njéribe-dè-tàge ke tà Nube’t a, ade njé ke nange ei njékile mber Tà ke Majege a, ade njé ke karége ke rang ei njékul dooge a, è ade njé ke nange ei njéndó dooge nyan a tɔ.

2 Nje Ke Thessalonique 3:1

Ngakon jége, nyan ke nain ɓaa, ɔji tà se Nube tede jé le kade tà le Kuwe-ɓee an-in ngɔde kum’n ke kété-kété a, le kade unn banga ade d’ile’n riɓar dènn’t titeke ndɔ ke unn’n banga ɓéee le si nga bè tɔ.