Matthieu 9:29 - Nouveau Testament en Gulay 2004

²⁹ E á Jésu ule ji’n ɔde’n kum de ede nè: – Maje kade Nube ra se si se go kundekêm le si.

Matthieu 9:29 Iomraidhean Croise

Matthieu 15:28

E á Jésu tel ede dinye nè ede nè: – Hai! dinye, kundekêm lei tò ɓel ngain. M’a m’ra nyan ke i deje nga le kadi. Kêm kàdenn’t nè kuwe ra ngonn le dinye nè tel tò karè ndát-ndát.

Matthieu 20:34

Jésu an kumtondoo le njékumtɔge ade ule ji’n ɔde’n kum de. Ke loon’t nè kuwe, kum de tel an loo njai-njai. Dé liger lagr-lagr go Jésu’t.

Matthieu 8:13

Go’t gugu Jésu ede njèkan dè njérɔge ke aru karé nè nga ede nè: – I tel aw ɓéee, nyan ke i unde kêmi dè’t nga, a inge nyan’n kuwe. Kêm kàdenn’t nè kuwe ratur ɔr dè ngonn njèndi’t nè nga.

Matthieu 9:22

Loo ke Jésu tur goo’n an’n ɓaa, ede’n ede nè: – Yaa, i nda kêmi káng tede kundekêm lei aji ɓá ta. Ke loon’t nè kuwe ratur le dinye nè nga ɔr dènn’t.

Matthieu 9:28

Loo ke Jésu aw tee kêm ɓéee ɓaa, njékumtɔge nè nga agi ngɔr ke rann’t. E deje de ede nè: – Ké sei giri titeke m’a m’ase ra nyan ke sei deji man nga wa? Dé tel d’ile’n dè’t d’ede nè: – Oiyo Kuwe-ɓee, i asekum ra kuwe.

Marc 10:52

Jésu tel ede njèkumtɔ nè nga ede nè: – Aw ta, tede kundekêm lei aji ɓá. Ke loon’t nè kuwe, njèkumtɔ tel an loo njai-njai titeke kété. E unn gir njiye go Jésu’t.