Matthieu 9:22 - Nouveau Testament en Gulay 2004

²² Loo ke Jésu tur goo’n an’n ɓaa, ede’n ede nè: – Yaa, i nda kêmi káng tede kundekêm lei aji ɓá ta. Ke loon’t nè kuwe ratur le dinye nè nga ɔr dènn’t.

Matthieu 9:22 Iomraidhean Croise

Matthieu 15:28

E á Jésu tel ede dinye nè ede nè: – Hai! dinye, kundekêm lei tò ɓel ngain. M’a m’ra nyan ke i deje nga le kadi. Kêm kàdenn’t nè kuwe ra ngonn le dinye nè tel tò karè ndát-ndát.

Matthieu 17:18

Jésu ndáng ndil ke majelé nè nga ade unde loo tee kɔke kêm ngonn’t nè. Kum kàdenn’t nè kuwe, ratur ɔr dè ngonn’t nè nga kɔke.

Matthieu 8:13

Go’t gugu Jésu ede njèkan dè njérɔge ke aru karé nè nga ede nè: – I tel aw ɓéee, nyan ke i unde kêmi dè’t nga, a inge nyan’n kuwe. Kêm kàdenn’t nè kuwe ratur ɔr dè ngonn njèndi’t nè nga.

Matthieu 9:2

An! d’unn dingem karé ke ra’n wei tonrin se tuwe dé ree se’n d’ile’n nang non Jésu’t. Loo ke è an kundekêm le dooge nè bè ɓaa, è ede dingem ke ra’n wei tonrin nga, ede nè: – Basa, i nda kêmi káng, tede Nube ade kêm’n tin mbit dè kaiyage’t lei ɓá ta.

Matthieu 9:29

E á Jésu ule ji’n ɔde’n kum de ede nè: – Maje kade Nube ra se si se go kundekêm le si.

Marc 10:52

Jésu tel ede njèkumtɔ nè nga ede nè: – Aw ta, tede kundekêm lei aji ɓá. Ke loon’t nè kuwe, njèkumtɔ tel an loo njai-njai titeke kété. E unn gir njiye go Jésu’t.

Marc 5:34

Nè Jésu ede dinye nè nga ede nè: – Yaa, ratur lei ɔr dèi’t ɓá tede kêmi ke unde dèm’t. Aw se kêmlom, ratur nè nga à tel rai gugu ndan lé ta.

Tà ke Maje ke Luc ndang 17:19

Go’t gugu, Jésu ede doo ke dɔ nè nga ede nè: – Ɔse nang in dɔ unn rebe lei aw ta. Kundekêm dè Nube’t lei aji ɓá.

Tà ke Maje ke Luc ndang 18:42

Jésu tel ile njèkumtɔ dè’t ede nè: – Maje kade kumi tel teen ade an loo. I aje ɓá tede takul kêmi ke unde dèm’t.

Tà ke Maje ke Luc ndang 7:50

Jésu tel ede dinye nè ede nè: – Nube ɔri ji ɓer’t le kaiya ɓá tede kêmi ke unde dèm’t. Ɗarinè, aw se kêmlom.

Tà ke Maje ke Luc ndang 8:48

Jésu ede dinye nè nga ede nè: – Yaa, kundekêm lei aji ɓá ta. Aw se kêmlom.

Jean 4:53

Bɔ ngonn nè nga ger titeke è kàde ke Jésu ede’n ede nè: «Ngonni ndi kumgajer karè.» E se njékêm kei le’n malang undei kêm de dè Jésu’t.

Nyanra Njekawkulege 14:9

Doo nè nga ndi ur mbi’n oo’n tàge ke Paul ndi à tam. Paul an dingem nè nga kàkàk. E ger titeke doo nè nga aw se kundekêm ke asekum kaje’n.

Nyanra Njekawkulege 16:18

E ra titeke bè kum’n ke kété-kété ase ndɔ bule. Wong ra Paul ade tel tur ra’n dè ndil ke majelé’t ke tò kêm ngonn ke dinye’t nè nga, ede’n ede nè: – M’unn ndu’m se ri Jésu-Krist m’adi, unde loo i tee kêm ngonn ke dinye’t nè kɔke. Kêm kàdenn’t nè kuwe, ndil ke majelé nga unde loo tee.

Hebreuge 4:2

Jèi géa d’ile mber Tà ke Maje d’ade jèi titeke ndɔ ke d’ile’n d’ade kà jéige nga tɔ. Nè tà ke ndɔ ke ei ooi nga, ei taai undei kem̂ de dè’t kade è soo de’t lé.