Matthieu 9:2 - Nouveau Testament en Gulay 2004

² An! d’unn dingem karé ke ra’n wei tonrin se tuwe dé ree se’n d’ile’n nang non Jésu’t. Loo ke è an kundekêm le dooge nè bè ɓaa, è ede dingem ke ra’n wei tonrin nga, ede nè: – Basa, i nda kêmi káng, tede Nube ade kêm’n tin mbit dè kaiyage’t lei ɓá ta.

Matthieu 9:2 Iomraidhean Croise

Matthieu 14:27

Ke loon’t né kuwe, Jésu ede de ede ne: – I ndai kêm si káng, i ɓeli lé è man kuwe.

Matthieu 4:24

Kɔbe nyan ke Jésu ra nga, oso se loo mbit-mbit kêm ɓeekon ke Syrie bere mbak. Dé ree se njératurge ke raturge gai-gai rai kum de ndoo ra Jésu’t. E ɔr ratur dè de’t malang: Njé ke ndilge ke majelé tooi kêm de’t se njé ke kɔnon tɔte de a, njé ke kêl ra de wei tonrin a tɔ.

Matthieu 6:12

Maje kade ade kêmi tin mbit dè kure majelége’t le jé titeke jè géa j’ade kêm jé tin mbit dè kure majelé ke made jége rai se jé.

Matthieu 8:10

Loo ke Jésu oo tà tam doo nè nga bè ɓaa, è an’n ke dɔ ke nang. Taɓai è tur tà’n ede njé ke ndolèi goo’n ede nè: – Kerɔte kuwe, man m’ede sei ndàt, kêm ɓeekon ke Israel nga géa, m’inge njèkunde kêm dè Nube’t titeke bè ndɔ karé lé ɓai.

Matthieu 8:16

Loo ke loo sɔl ɓá ɓaa, dé ree se dooge bule ke ndilge ke majelé rai kum de ndoo ra Jésu’t. E rɔ ndilge ke majelé nè nga se tà ke karé ke tee tann’t. Njératurge malang ke dé ree se de rann’t nga, ratur ɔr dè de’t ade d’aje katch-katch.

Matthieu 9:22

Loo ke Jésu tur goo’n an’n ɓaa, ede’n ede nè: – Yaa, i nda kêmi káng tede kundekêm lei aji ɓá ta. Ke loon’t nè kuwe ratur le dinye nè nga ɔr dènn’t.

Matthieu 9:5

«Nube ade kêm’n tin mbit dè kaiyage’t lei»,éké «ɔse nang in dɔ i njiye.» Ké è ke ra á è tà ke loo tam’n on lé wa?

Matthieu 9:6

Jésu ede dingem ke ra’n wei tonrin nè nga ede nè: – Ɔse nang in dɔ, unn tuwe-tooi, aw kei lei. M’ra titeke bè le kade i geri titeke man ke m’ee Ngonn doo nga m’aw se tɔgmong le kɔr’n kaiyage dè dooge’t dè nang nè.

Marc 1:32

Tà loo sɔlé, loo ke kàde ur ɓá ɓaa, d’oto njératurge malang se njé ke ndilge ke majelé rai kum de ndoo dé ree se de som-som ra Jésu’t.

Marc 10:49

Jésu tel nda nang gek, è ede njékuwe-girnge ede nè: – I ɓari n’ee adi n’ree. Njékuwe-gir-Jésuge edi njèkumtɔ nè nga edi nè: – Ade kêmi tò lom, ɔse nang in aw ingé, è n’ee kuwe á n’ɓari.

Marc 5:34

Nè Jésu ede dinye nè nga ede nè: – Yaa, ratur lei ɔr dèi’t ɓá tede kêmi ke unde dèm’t. Aw se kêmlom, ratur nè nga à tel rai gugu ndan lé ta.

Marc 6:50

Tede loo ke d’an’n ɓaa, ndil de tee an-in soin-soin. Ke loon’t nè kuwe, Jésu tam se de ede nè: – Ebi’t ɓel, è man Jésu kuwe.

Jean 16:33

Man m’ede sei tàge nè nga titeke bè tede kade ingei kêmlom umi se’m nan’t bɔk. A ingei nyantosowur dè nang nè kuwe, nè oréi tà si njak tede man nga m’tête rɔ njé ke dè nang nè ɓá ta.

Jean 2:25

E aw ndoo kade doo karé ɔrgo tà le doo ade’n lé. Tede è ger nyan ke tò dè ɓengre doo’t.

Jean 21:5

Jésu deje de ede nè: – Mademge, ké awi se nyankuse ke rang ji si’t lé wa? Dé tel d’ile’n dè’t d’ede nè: – Ḿ-m̀, nyankuse ke rang goto ji jé’t.

Nyanra Njekawkulege 14:9

Doo nè nga ndi ur mbi’n oo’n tàge ke Paul ndi à tam. Paul an dingem nè nga kàkàk. E ger titeke doo nè nga aw se kundekêm ke asekum kaje’n.

Nyanra Njekawkulege 19:12

Dooge awi sár otoi tà kubuge se kubuge ke kule ra’t reei ɔdi ra Paul ɓita awi ilei dè njératurge’t ɓai. Titeke bè á raturge ɔri dè de’t a, ndilge ke majelé undei loo teei kêm de’t kɔke a tɔ.

Nyanra Njekawkulege 23:11

Ndɔ ke njèkutu go made Kuwe-ɓee tee dè Paul’t pan dann ndɔɔ, ede’n ede nè: – Paul oré tài njak! Kété ndɔ ke ede dooge ke kêm ɓee-bò Jérusalem nè tà le’m. Gar-gar, ede dooge ke kêm ɓee-bò ke Rome tà le’m titeke ndɔ ke ede’n dooge ke kêm ɓee-bò Jérusalem nga tɔ.

Nje Ke Rome 5:11

Taɓai è ke nè á go karé lé, nè dè jéi in tchakm non Nube’t takul Kuwe-ɓee le jéi Jésu-Krist. Takul’n è á ɗarinè j’umi nan’t se Nube.

Jacques 2:18

Nè doo karé à tam kede nè: «I, i ndi se kundekem̂ a, man m’aw se kule rage a tɔ.» M’a m’tel deje’n kede nè: «I tɔje’m kundekem̂ lei ke anje ra kule dè’t nga ade m’an ɓaa, man géa m’a m’tɔji kundekem̂ le’m se kulege ke m’ra dè’t kade an tɔ.»